¹ afichile insita lino Yesu wamalizya amazwi yaa, wafumile ukufuma Galileya nawizile ku imbali ya Yudeya yino yali kumbali iya luzi lwakwe Yolodani. ² Amawumba akulu yamukonsile, nukuti wawapozizye woliwo kulyakwene. ³ Aya Falisayi yizile ukwakwe, ukumwezya, ukuti kuli weliwe, '' uzye ichakuzumilizyika umonsi ukulekana numuchi wakwe pali chonsi chino wonon?'' ⁴ Yesu waswikwe ati, ''mutawelenga ukuti wino wawapanzile pantandiko wapanzile umonsi numwanachi. ⁵ Wino wawapanzile watile, ''pa mulandu wukwene umonsi alisya yisi na nyina nukuyaponga numuchi wakwe, nawonsi yayili yaliya umwili wonga. ⁶ Yataliya yayili nomb, kweni umwili wonga. A chino chino Leza wachiyika ponga mutaleka wumwi alekanye. ⁷ Yatile kuli weliwe, ''Nomba ichani chino Mose watupingwile ukuti twapela kalata uwakulekana nupya nukumuzinga umwanachi?'' ⁸ Watile kuli woliwo, ''umulandu wakukomya imyenzo yinu, Mose wawazumilizizye pakukosya achiyinu, kweni ukufuma pantandiko vitali munzila yiyo. ⁹ Nkuvwanga ukwinu, wensi wino wazinga umuchi wakwe, pamwi pauchende nukutwala muze, wapanga uchende, numonsi wino watwala umwanachi wino yamusosya nawe wapanga uchende.'' ¹⁰ Alondezi yatile kuli Yesu, ''Ngalino chili uwamonsi nu muchi, asichisuma ukutwala.'' ¹¹ Kwene Yesu watili kuli woliwo, ''Asukuti wensi angazumilizya ukuvwanga kuu, kweni kuli wonga yatupu yano chapelwa. ¹² Pakuti yalipo yamutungwi yano amunzila zikwene ukufuma munda zyakwe yanyina, nupya yalipo yamutungwi yano yapangwa yatungwi nanthu, nupya yaliko yano yayipangwa wonga ayamulungwi ukulingana uchina mwene chakwiyulu. Wino alingine ukuzumilizya isambilizyo lii, mulekani alizumulizye.'' ¹³ Nupya yalesile utwana kuli weliwe ukuti ayike amakasa yakwe pali woliwo nukupepa, kweni alondezi yakwe yawakalipile. ¹⁴ Kweni Yesu watili, ''zumilizyani utwana utunonomutatulesya ukuti twize kuli nene, pakuti ichinamwene cha kwiyulu chiwalingine woliwo. ¹⁵ Weni watambike amakasa patwana nukufuma palyaa. ¹⁶ Lolani, umunthu wizile kuli Yesu nukuti, ''Musambilizyi, ichisuma chi ichakuti ningachita ichakuti ije nuwumi uwamutatakuya?'' ¹⁷ Yesu watili kuli weliwe, '' ichani chino ukunkolowozezya pali chino ichisuma? Wenga sile umusuma , kweni ngukulonda ukwinjila muwumi, sunga Amasunde.'' ¹⁸ Umunthu watili kuli weliwe, ''amasundechi?'' Yesu watilie, ''utati uwakoma, utachita uchende, utayiya, utayimila ukaboni uwaufi. ¹⁹ Chindika tata wako na mama, nukutemwa awuzo yano mulunawo papipi ngati umuno wayitemwela.'' ²⁰ Umulimendo watili kuli weliwe, ''vyonsi vii nkavikonkha. Ichani chino inchili nkulonda?'' ²¹ Yesu watili kuli weliwe, ''ngukulonda ukuti uye we mulungamane, yanga,ukakazye iviya vyako vyonsi, nukupela ayapina, nukuti uliya wemukankala kwiyulu, nukwiza, nkonka nene.'' ²² Kweni lino umulumendo wuvwa vino Yesu wavwanzile, weni wapisile nichitima, pakuti walinji nivyuma ivivule. ²³ Yesu watili kuyalondezi yakwe, ''umolimo nkuvwanga kuli mwemwe, ukuti ichitale kumunthu umukankala ukwinjila muchinamwene icha kwiyulu. ²⁴ Nupya nkuvwanga ukwinu, ichipepuke ingamila ukupulunkanya pakawina ka syaziy ukulusya umunthu umukankhala ukwinjila muchinamwene chakwe Leeza.'' ²⁵ Lino alondezi yuvwa vii yazungwike nukuti, ''Aweni nomba wino alipusuka?'' ²⁶ Yesu walolechisizye ukwawo nukuti, ''kumunthu chii chitanga chichitike kweni na Leza ivintu vyonsi vingachitika.'' ²⁷ Apano Peteli amwasuka ati, ''lola tusile vyonsi twakukonka, Ichani chino tumaya nacho?'' ²⁸ Yesu watili kuli woliwo, ''Umolimo nkuvwanga ukwinu,munkwato lyanomba ngumwana wamunthu wikala pachilimba ichichindikwe chakwe, mwene mweyano munkosile namwe kwene mulikala papela pavilimba ikumi na viili ivichidikwa, nukupingula imitundu ikumi na yayili iya wa Isilayeli ²⁹ Wensi wino asile ing'anda, umukulu, kachiwakwe, tata, nyina, ayana, pamwi, amasyoumulandu wizina lyane alapochela amakumi ikumi uvule nukuti alipyana uwumi uwamutatakuya. ³⁰ Kweni avule antandiko yalaya uwumalilo, nayawumalilo yalaya ayantandiko.