¹ Lino papita amanda yasano nalyonga Yesu wamusenzile Peteli, James, na Yohani umuto wakwe, nukuwaleta kumwamba uwutali pakupita . ² Wachenjile pali woliwo. Paminso pakwe palolike ngati ilanzi, ivizwalo vwakwe vwawazile. ³ Papa palolike Moses na Eliya yakuvwanga nawe. ⁴ Peteli waswike akuti kuli Yesu, '' Mwene, chili nungo kuli sweswe ukuti tuye pano . Nanthi ukulonda , nimazenga ivisakasa vitatu- chonga chakwe wewe, nga nachimwi chakwe Moses, nga nachuze chakwe Eliya .'' ⁵ Lino achili akuvwanga , iwingo ilitiswe lyawakupichile , kwali amazwi ukufuma mumawingo , ukuvwanga ukuti , '''Wino ali mwana nane umukundwe, muli wino nkhasechela sana. Mwamuvwila .'' ⁶ Lino ayalondezi yuvwa chino, yinamile pansi nga yalemilwe ninthete . ⁷ Apano Yesu wizile nukuwalema nukuti, '' Nyamukini nga mutatina .'' ⁸ Apano yinwike kweni yataweni nawumwi kweni Yesu mutupu. ⁹ Lino yakwika umwamba , Yesu wawapingwile,watile, '' Mutanena nawumwi vino mwalola mphaka pano umwana wa munthu wiza wazguka kuyafwe. '' ¹⁰ Ayalondezi yakwe yamukolowozozge , yatili, '' Ichani chino yakawalika yakuti Eliya awino ayize kunthandiko?'' ¹¹ Yesu waswike nukuti, ''Eliya aliza nadi nukuyanya vyonsi vino . ¹² Kweni nkhuwanena , Eliya wiza kali , kweni yatamumanyanga . Mmalo mwakwe yamuwombelanga vyonsi vino yalondanga. Mnzila yiyikwene, umwana wa munthu alichula nupya paminsi yakwe .'' ¹³ Apano ayalondezi yuvwichisye ukuti wavwanganga kuli woliwo vyakwe Yohano kawatizga. ¹⁴ Lino yiza kwiwumba , umunthu wumwi wizile kuli weliwe, wafukime kuli weliwe, watile, '' ¹⁵ Mwene, muvwile uluse umwanane, muno akawasinsa. Muno akaponela pamoto nanthi amumanzi. ¹⁶ Nizile nawe kuyalondezi yako , kweni yatamupozizge .'' ¹⁷ Yesu waswike nukuti, '' Mweyambula ulusuwilo nga ninkhulo yamaweko, nimavwanga kanga namwe? Insita inthali wuli yino nimaya namwe? Yizini nawe kuli nene.'' ¹⁸ Yesu wayivyanzile imipasi ijipe , nga yafumile muli weliwe , nga numulumendo wapozile pa ola lilyakwene. ¹⁹ Apano ayalondezi yizile kuli Yesu mukufisilizga nukuti , '''Ichani chino tutachifumyizge?'' ²⁰ Yesu watili kuli woliwo, ''Umulandu walusuwilo lwinu ulunono. Muno umolimo nkhuvyanga kuli mwemwe , nanthi muli nulusuwilo napano ulunono ngati akalupumba kakwe masitadi, ungavyanga kumwamba wuno, ' Pita ukufuma pano ukuya papa,' nga wulipita , nganachimwi chitaliwapota.'' ²¹ Kweni ichimphepo chino chisifuma mwalwe nanthi pasi ukupepa nukusala ivyakulya . ²² Kweni lino yatenzi mu Galileya , Yesu watili kuyasambili yakwe , '' Umwana wamunthu alipelwa mumakasa yawanthu , ²³ nga yali mukoma , nga pawanda wakwe chitatu alizuswa.'' Ayalondezi yazungwike sana. ²⁴ Kweni lino yiza mu Capernaum, awonsi yano yasonchesyanga imisonkho yizile kuli Peter nukuti , '' Wuzge umusambilizi wino asiyika imisonkho yili yino ?'' ²⁵ Watili kuli woliwo, '' Umolimo.'' Lino Peter wiza umunyanda, Yesu wavwanzile kuli weliwe tasi watili ,'' Ukwelenganya chani, Simon? Ukufuma kuli weni kuno Yamwene yansi yakasenda imisonkho? Ukufuma kuyana awo nanthi kuliyawuze?'' ²⁶ '' Ukufuma kuliyawuze,'' Peteli waswike . '' Apano ayana ayasapuke,'' Yesu watile . ²⁷ Kweni ukuti tutapanga ukuti yakasitnchezga yonone , muye kuli Yemba , musumbile iswelo, nga apano muleme iswi yino yiza pakutalichila . Nanthi mwayula umulomo wakwe , mulizanamo Shekelo. Musende nukuyapa kasontchezga mmalomwakwe nene na mwemwe.''