¹ Apoano yamwi Ayafalisayi nayakawalika yizile kuli Yesu ukufuma ku Yelusalemu. Yatile ,'' ² Ichani chino ayalondezi yakonona imyata yawakalamba ? Muno yasifulala mmakasa mwawo nanthi yakulya .'' ³ Waswike nukuti kuli woliwo ,'' Nga ichani chino mukonona vino Leza wavyanga umulandu wamyata yinu? ⁴ Muno Leza wavwanga , 'Mukwezge tata na mama wako ,' nga 'nawino akuvwanga iviyipe vyakwe tata wakwe nadi alifya .' ⁵ Kweni mukuti , 'Wensi wino akuti kuli tata na mama wakwe , '' Chonsi chino chakwavwa aliya ukuti wapochela ukufuma kuli nene ali chawupi chino chapelwa kuli Leza ,'' ⁶ umunthu wiyo atakulonda ukumukwezga tata wakwe ' Munzila yino mwalikana izwi lyakwe Leza umulandu wa myata yinu. ⁷ Mwe yachilumba ! Wuzge uwumolimo wakwe Yesaya wali wuli pano wachimile ukuti, ⁸ ' Ayanthu yano yakalumbula nene nimilomo yawo, kweni imyenzo yawo yili ukutali nanene. ⁹ Yakamphepa nene ivyambula itchito umulandu yakusambilizga amalango yawo ngati apano amalango ywanthu. ''' ¹⁰ Apano wamile iwumba kuli weliwe nukuti kuli woliwo,'' Uvwini nukuvwichisya - ¹¹ Nachimwi chino chikayinjila mumulomo wa munthu chikamonona umunhu . Kweni, chino chikafuma umumulomo , chi achino chikawonona umunhu.'' ¹² Apano ayalondezi yizile nukuti kuli Yesu, '' Umanyile ukuti ayafalisayi yasosile lino yuvwa amazwi yano?'' ¹³ Yesu waswike nukuvwanga ukuti, '' Ichimelwa chonsi chino tata wane uwakupela atakomela chilanyunkhulwa . ¹⁴ Wasyini wonga , ayakachema yanthonkho. Nanthi nthonkho wenga akulanjizga umuze ukwakuya , wonsi aliponela muchiwina .'' ¹⁵ Peteli waswike nga watili kuli Yesu,'' Vwangini ichili chino kuli sweswe.'' ¹⁶ Yesu watli,'' Namwe muchili mjusi nukuvwichisya ? ¹⁷ Musikulola ukuti chonsi chino chikayinjila chikapita ukuya munda mga apano chikapita ukuya umwicholoni ? ¹⁸ Kweni ivinthu vino vikafuma mumulomo mwa munthu vikafuma ukufuma umumwenzo. Ali vinthu vino vikawonona umunthu . ¹⁹ Amuno ukufuma umumwenzo mukaleta amelengwi ayayipe , ukukoma , uwuchende, ukukumbuchila , uwivi, uwukamboni uwawufi nga nuluyewo. ²⁰ Vi ali vinthu vino vikawonona umunthu. Kweni ukulya uwambula ukufulala mmakasa kusiwonona umunthu. '' ²¹ Palya Yesu wafumilepo nukuya kumusumba wakwe Tyre na Sidon. ²² Wuvwini, umwanachi waku Canaan wizile ukufuma mumusumba wukwene. Wapunzile nukuti,'' Nguvwilini uluse, Mwene, mwana wakwe David! Umwana wane walemwa nimipasi injipe .'' ²³ Kweni Yesu atamwaswike nachimwi. Ayalindezi yakwe yizile nukumulenga , ukuti. '' Mufumye penepo , amuno akutukalipila .'' ²⁴ Kweni Yesu waswike nukuti,'' Nthatumwa kuli wonsi kweni kung'onzi iziponge izgamung'anda ya kwe isilayeli. '' ²⁵ Kweni wizile nukuzafukama kuli weliwe, nukuti, '' Mwene ngavwa nene.'' ²⁶ Waswike nukuti, '' Sichisuma ukusenda umukate wayana nukusumbila twasimbwa utunono.'' ²⁷ Umwanachi wilya watili ,'' Umolimo . Mwene, kwene natwasimbwa tukalya utuwuluwusya tuno tukupona ukufuma pitewulo lyakwe mwene wawo.'' ²⁸ Apano Yesu waswike nukuti kumwanachi, '' Mwanachi , ulusuwilo lwako ulukalamba ; leka chowombwe ngatimuno ukulondela .'' Umwanakwe wapozile ukufuma pansita yilya kwene. ²⁹ Yesu wafumile pawuyo wulya nukuya kupipi kuli Yemba wakwe Galileya . Apano wakwezile kumwamba nukuyayikala kulyakwene. ³⁰ Iwumba ilikalamba lyizile kuli weliwe . Yizile nayalemale , yanthonklho , yachiwiwi, nga nayano yasipita , nayinji yawuze yano yali ayalwale. Yawalesile mumakulu yakwe Yesu, nga wawapozizge . ³¹ Iwumba lyazungwike lino yalola ukuti yachiwiwi yatalika ukuvwanga , ayalemale yapola , yano yasipita yatalika ukupita , yanthonkho yakulola . Yamulumbwile Leza wakwe Isilayeli. ³² Yesu wamile ayalondezi yakwe kuli weliwe nukuti kuli wiliwo , '' Indi nuluse sana niwumba umulandu lyikala nanene amanda yatatu kweni yasi nachimwi ichakulya . Nanthulonda ukuti imbazinge pano yatani yalye, amunmo yangazilika munzila .'' ³⁴ Ayalondezi yatili kuli weliwe, '' Akwinye kuno tungazana umukate wuno wungawakwana wonsi yano ukumalo yano ?'' ³³ Yesu watili lkuli woliwo '' Imikate yinga yino muli nayo?'' Yatili ''yisano nayili, nga nutunswi tunono.'' ³⁵ Apano Yesu wawuzizge iwumba ukuti lyikale pansi . ³⁶ Wasenzile imikate yisano nayili nga ninswi , nga lino wasalifya , wamonywile imikate nukuwapela ayalondezi. Ayalondezi yapile iwumba . ³⁷ Ayanthu wonsi yalile nukwikuta . Nga apano yakonganike indupe zisano nazili ukuzula vino vyasyazile . ³⁸ Yano yalile yalinji awonsi amazimbi yanayi, ukupawulapo ayanachi nayana . ³⁹ Apano Yesu waliwuzizge iwumba ukuti .lifumepenepo nga apano wayile mwiwato nukuya kumusumba wakwe Magadan.