¹ Papakwene Yesu watalike ukupita muwuyo uwulekane lekane mumisumba namumizi, ukukosola nukutanda izwi lyakwe Leza ivya umwene wakwe Leza . Yalya ikumi nayayili yalinji nawe , ² nayanachi yalya yano yapozile kumipasi iyiyipe nindwala : Mary wino walinji a Magdalene, kuno imphepo zilya zisano nazili zgafumile; ³ Joana, umuchi wakwe Chuza , Umukalamba wakwe Herod; Susanna; nayamwi ayavule, yano, ukufuma muli vino yaya navyo, yatwazile kuvyakulonda vyawo . ⁴ Lino iwumba ilikalamba ilyayanthu likukongana , nga nayanthu yizanga kuli weliwe ukufuma kumisumba iyilekanelekane, wavwanzile umulumbe : '' ⁵ Umulimi wayile pakutanda imbezu zyakwe. Lino akutanda , yamwi yaponanga mumbali mumusewo nga ayanthu yayilyatanga namatamba , nga nivyunyi vyamupela vyalile . ⁶ Zimwi zyaponyile pamawe, lino zyapuntha, zyuma, muno zitalinji namanzi. ⁷ Zimwi zyaponyile pamyunga , nga imyunga yakulanga ponga nimbezu nga imbezu zyanyululwike . ⁸ Kweni zimwi zgaponyile pivu ilisuma nga zyapafile sana .'' Lino Yesu wavwanga vino, wapunzile,'' Wino ali namakutwi , musyini awuvwe.'' ⁹ Ayalondezi yakwe yamukolowozizye chino ichili chasulanga . ¹⁰ Watili, ''Amano yakumanya inkhama yachimwene wa kupela wapelwa kuli mwemwe, kuli kuli yamwi nkhuvwanga muvili, apano ' ukulola yatange yalole, nga nukuvwa yatange yuvwe.' ¹¹ Nomba ukusula kwa chili chi awuku : imbezu ali izwi lyakwe Leza . ¹² Ayanthu yamunzila ayano yuvwa izwi, kwene paponye satana ayiza asenda nukulifumya mu myenzo yawo nukuti yataya nisuwilo nukupusuka . ¹³ Yano yali pamawe ayano nanthi yalyuvwa izwi, yakalipochelela ni chimwemwe. Loli yasi ni misisi,'' yakusuwila insita yinono, nga napansita yakuwezya yakupona. ¹⁴ Imbezu yino yaponyile pa myunga ali yanthu yano yakuvwa izwi, kwene pano yakuwela umunzila , yakalaswa nivya wumi wuu, nivikomwa vyawo visicha. ¹⁵ Kweni imbezu yino yaponyile pivu ilisuma , ya ali yanthu yano , ukuvwa izwi numwenzo uwachumi nuwusuma , yakawasunjilila nga yakaya nivikomwa numwenzo wakutonthela . ¹⁶ ''Pasi nawumwi wino akakozga ulukozgo nukulukupichila nichitundu nanthi nanthi ukuwuyika ukwisika kuli bed. Kweni, akayika papela ukuti aliwensi wino akwinjila alola ukuswepa . ¹⁷ Muno nachimwi chikafisama chino chitalimanyikwa , nuno nachimwi chino ichankhama chino chitaliza apatiswe . ¹⁸ Nomba wuvwichisyini, muno kuli wino ali navyo, ivinji vilipelwa kuli weliwe, nga nachino akwelenganya ukuti ali navwo vilasendwa ukufuma kuli weliwe. '' ¹⁹ Apano mama wakwe nayawuze yizile kuli weliwe, kweni yatapalamilanga kuli weliwe umulandu wiwumba . ²⁰ Yamunenyile , '' Mama wako nayawuzo yimilile ukunzi, yakulonda yakulole .'' ²¹ Kweni Yesu waswike nga watile kuli woliwo , '' Mama wane nayanji ali yano yano yakawuvwa amazwi yakwe Leza nukuwawomba .'' ²² Nomba uwanda wumwi winjile mu wato ponga nalondezi yakwe, ngawatili kuli woliwo, '' Tuyani tulambe imbalama yuze yaze yakwe yemba .'' Yapisile. ²³ Kweni pano yapitanga wakaswile . Imphepo yamaka yizile pali yemba , nga uwato wazulanga namanzi, nga yali munthazi. ²⁴ Apano ayalondezi yakwe Yesu yayile kuli weliwe nukumuzyula , ukuvwanga, '' Mwene! Mwene! Tuli pakufwa!'' Wakatwike nukukalipila umuza nga namawimbi , nga vyalesile nga kwamyalile. ²⁵ Apano watili kuli woliwo, ''Nga ulusuwilo lwinu luli kwi?'' Kweni yali ninthete nukuzunguka , nga yakolowozyanyanga umuze numuze, '' Nga wino aweni, wino akulamulila napano imphepo na manzi, nga vikumuvwila?'' ²⁶ Yayile kumusumba wakwe Garasenes, wuno wuli kumbalama kuli yemba wakwe Galilee. ²⁷ Lino Yesu walyata pansi , wakomenkhine numonsi wumwi ukufuma kumusumba wino wali numupasi uwuyipe. Kunsita iyitali atazwazilepom ivizwalo , nga atikalanga umung'anda kweni kumalalo . ²⁸ Lino wamulola Yesu , walizile nukupona pansi pali weliwe nga wavwanzile nukupunda sana , '' ukulonda uwombe chani nanene, Yesu, Mwana wamukalamba sana Leza ! Nkhukulenga , utati unjinve.'' ²⁹ Muno Yesu walamulilanga imipasi iyiyipe ukufuma mumunthu wilya. Muno munsita izivule zyamulemanga, ngati apano wanyefilwe minyololo nga yamulolechesyanga , waputulanga iminyololo nga watumwanga nimipasi injipe ukuya mumphanga . ³⁰ Apano Yesu wamukolowozizge, '' Izina lyako weweni?'' Watili, '' Izina lyane ne Myanda, '' muno imipsasi iyinji yamwinjile weliwe. ³¹ Imipasi kayilikayili yamulenganga ukuti atayituma kuviwina ivitali kuno Yesu akayipanika . ³² Nomba pali yakapoli ayavule yano yalyanga mumbali mwamwamba . Imipasi injipe yamulenzile Yesu ukuti yinjile muli yakapoli, nga wayizumilizizye. ³³ Apano imipasi injipe yizile yafuma mumunthu nga nukuya muli yakapoli, nga yakapoli yizile yutuka ukwika kwisika kumwamba mpaka muliyemba nga yang'wezile . ³⁴ Lino yakachema yakwe yakapoli yalola chino chachitikwe , yutwike nga yayile yavwanga mumusumba na mumizi. ³⁵ Apano ayanthu yayile pakulola chino chachitike , nga yizile kuli Yesu nga yamuzanyile umunthu wino imipasi injipe yafumile mwenemo. Wikazile pamakulu yakwe Yesu , yamuzwisile, nga wali umupuma ; nga yalinji ninthete. ³⁶ Apano yano yachiweni yawawuzizye muno umunthu wino walemilwe nimipasi injipe wapozile . ³⁷ Apano ayanthu wonsi ayamumuzi wakwe Gerasenes yamukolowozizye Yesu ukuti afume penepo, muno yalemilwe inthete sana. Apano winjile muwato ukuwela. ³⁸ Umuntu wino imipasi injipe yafumile mwenemo wamulenzile ukuti apite nawe , kwene Yesu wamufumizye penepo , nukuti watile , ³⁹ ''Swilila kumwinu nga nukuti ukavwange chino Leza wachita kuli wewe.'' Umunthu wilya wapisile ukukonkha inzila yakwe , ukukosola kuli konsi mumusumba chino Yesu wachisile kuli weliwe. ⁴⁰ Nomba lino Yesu wawela , iwumba lyamupochelile , muno wonsi yamulindililanga . ⁴¹ Papokwene, umunthu wino akayamwa Jairus, wino wali awumwi uwakukolelela mu Sinagogi, wizile nukuzaponba pamakulu yakwe Yesu , nga wamulenzile ukuti ayize kung'anda yakwe ⁴² umulandu umwanakwe wino wali wenga , umwanachi wino wali nimyaka ikumi lyonga nayili, wafwanga . Pano Yesu wapitanga , iwumba lyawanthu lyamukonganile. ⁴³ Nomba umwanachi walinji papa wino wafumanga uwazi imyaka ikumi lyonga nayili nga wasunvile imphiya zyakwe zyonsi, nga nanthi wumwi wamupozizye. ⁴⁴ Wizile kunsizi kuli Yesu nga walemile mumbali munkhanzu yakwe, nga papokwene ukufuma uwazi walesile. ⁴⁵ Yesu wavwanzile , '' Aweni wino wandema ?'' Lino wansi yakana , Peteli wavwanzile, ''Mukalamba , iwumba lyawanthu lili pali ponsi namwe nga yakuwakumya mwemwe.'' ⁴⁶ Kweni Yesu watili , '' Wumwi wandema , muno manyile ukuti amaka yafuma muli nene.'' ⁴⁷ Lino umwanachi walola ukuti atange avwame, wizile akutetema nga waponyle pansi pali weliwe . Pano wonsi yamulolanga wizile wavwanga chino wamulemile weliwe nga namuno wapolile papokwene. ⁴⁸ Apano wavwanzile kuli weliwe , '' Mwana , ulusuwilo lwako lwakupozga. Yanga mumutende .'' ⁴⁹ Lino achili akuvwanga , wumwi wizile ukufuma mung'anda yamukoleleli wa musinagogi, nukuvwanga ukuti , '' Umwanako wafwa. Mutamutamya umukoleleli kapya .'' ⁵⁰ Kweni lino Yesu wuvwa chino , wamwaswike Jairus, '' Mutatina ; musuwile sile , nga amapola .'' ⁵¹ Lino wiza mung'anda , wawakanile wonsi ukuti yatinjila nawe, ukupawula Peteli na Yohani na Yakobde, na tata wa mwana na mama wakwe . ⁵² Nomba wonsi yalosyanga, kweni Yesu wavwanzile, '' Mutalila ; atafwile kwe akaswile sile.'' ⁵³ Kweni yamusesile, ukumanya ukuti wafwile . ⁵⁴ Kweni wamusenzile nukumulema ikasa nukupunda ukuti , '' Mwana , katuka !'' ⁵⁵ Umupasi wakwe wawelile, nga wakatwike papokwene . Wawanenyile ukuti yamusendele chimwi ichakuti alye . ⁵⁶ Ayakwasi yakwe yazungwike , nga wawanenyile ukuti yatamunena nawumwi chino chachitikwe .