¹ Mumwaka wikumi lyonga nayisano pano walamulilanga Tiberius Caesar- pano Pontius Pilate wali umukalamba wa ku Yudeya, Herod walamwilanga mu Galilee, umwina wakwe Filipu walamwilanga munsi ya Ituraea na Trachonitis, nga Lysanias walamwilanga ku Abilene, ² pansita yawulamulili uwukalamba wakwe Annas na Caiaphas- izwi lyakwe Leza lyizile kuli Yohani umwana wakwe Zekaliya mu mphanga . ³ Wayile munsi yonsi yakwe Yolodani, ukukosola ivyaluwatizgo lwakulapa ukuti yize yatetelwe uwononyi. ⁴ Muno chawalikwa mwibuku lya mazwi yakwe Ayizaya intchimi, '' Ukuvwika kwa lyamo longa ukufuma mumphanga , ' Senganyini inzila yakwe Mwene, pangini inzila yakwe yololoke. ^{5 6} Ulunyika lyonsi lulazula , numwamba wonsi na mawe vilika , nisewo inyongane yiloloka , nga namawuyo ayayipe yalipangwa imisewo, nga numwili wonsi wulilola ukupususya kwakwe Leza .''' ⁷ Apano Yohani watili kwiwumba yano yakwiza ukuti yize yawatizwe naweliwe, ''Mweyana ya Nzoka ! Aweni wawachenjezizge ukute mutuke kumachuzi yano yali pakwiza. ⁸ Achino, sekini ivikomwa vino vingalapa, nga mutatalika ukuvwanga mwenga , ' Tuli na Abraham kuli ya tata yitu, ' muno nkhuwanena ukuti Leza afwile ukukatusya ayana yakwe Abraham ukufuma kumawe yano . ⁹ Nanomba kwene imphasa yili papipi nimisisi yamiti. Ukuti umuti wonsi wuno wutakuseka wuputulwe nukusumbilwa pa moto.'' ¹⁰ Apano iwumba lyamukolowozganga , nukuvwanga ukuti , ''Nga nomba tuwombe chani?'' ¹¹ Wawaswike nukuti kuli woliwo, '' Nanthi wumwi ali nivizwalo vili, amupeleko umunthu wino asi navyo, nga nawino ali nichakulya achite chilichimwi .'' ¹² Yakasontchesya ya misonkho nawo yizile ukuti yize yawawatizye, nga yatile kuli weliwe, '' Musambilizi, tuchite chani?'' ¹³ Watili kuli woliwo, '' Mutasenda imphiya izivule ukulusya zino mufwile musende.'' ¹⁴ Ayakeya yamwi yamukolowozizye, yavwanzile, '' Nga swemo? Tuchite chani?'' Watili kuli weliwe, '' Mutasenda imphiya kuli wensi pakupatichizga , mutamulonga wumwi uwuyi. Mwikute navino muli navyo.'' ¹⁵ Nomba lino ayanthu yakumulindilila Khilisitu ukwiza , wensi wazungukanga mumyenzo yawo vyakwe Yohani, nanthi angaya umu Khilisitu. ¹⁶ Yohani waswike pakuvwanga kulim wonsi, '' Ngati kuli nene, nawawatizwe namanzi, kweni wumwi akwiza wino ali namaka nkhani ukulusya nene, nupya nthalingine nukuti ningamusapula utunyepelo twa ndyato zgakwe. Aliwawatizya numupasi umutiswe nu moto . ¹⁷ Ulupe lwakwe luli mumakasa yakwe ukuti lupusanye imphumba insuma kuviswaswa nukusenda imphumba insuma ukuyasengula umunkhoma . Kweni alipemba iviswaswa vyonsi numoto wuno wusizima penepo.'' ¹⁸ Namunzila zyuze ngati zino, Yohani watandanga izwi kuwanthu. ¹⁹ Lino Herod wazumilizwa kapya ukuti atwale umuchi wa muto wakwe Herodias, nga napali vyuzde vino iviyipe vino Herod wawonvile, ²⁰ wonjizge chino kuli woliwo, nga waweni Yohani mung'anda yaminyololo. ²¹ Nomba chizile chaya ukuti, liono ayanthu wonsi yawatizwa, Yesu nawe wawatizizwe, nomba lino akupepa , ukpela kwayulike , ²² nga numupasi umutiswe mukayele kamunthu wisile pali weliwe nga inkhunda , nga nizwi lyizile ukufuma kupela ,'' Wemwana nane, wino namutemwa. Nakunda sana nawe.'' ²³ Lino Yesu watalika intchito yakwe, wali mimyaka papipi amakumi yatatu. Wali umwana umonsi (ngati muno yachisendile) wakwe Yosefe, umwana wakwe Heli, ²⁴ umwana wakwe Matthat, umwana wakwe Levi, umwana wakwe Melchi, umwana wakwe Jannai, umwana wakwe Yosefe. ²⁵ Yosefe wali umwana wakwe Mattathias, umwana wakwe Amos, umwana wakwe Nahum, umwana wakwe Esli, umwana wakwe Naggai, ²⁶ umwana wakwe Maath, umwana wakwe Mattathias, umwana wakwe Semein, umwana wakwe Josech, umwana wakwe Joda. ²⁷ Joda umwana wakwe Joanan, umwana wakwe Rhesa, umwana wakwe Zerubbabel, umwana wakwe salathiel, umwana wakwe Neri, ²⁸ umwana wakwe Melchi, umwana wakwe Addi, umwana wakwe Cosam, umwana wakwe Elmadam, umwana wakwe Er, ²⁹ umwana wakweJoshua, umwana wakwe Eliezer, umwana wakwe Jorim, umwana wakwe Mattat, umwana wakwe Levi. ³⁰ Levi wali umwana wakwe Simeon, umwana wakwe Judah, umwana wakwe Joseph, umwana wakwe Jinam, umwana wakwe Eliakim, ³¹ umwana wakwe Melea, umwana wakwe Menna, umwana wakweMattatha, umwana wakwe Nathan, umwana wakwe David, ³² umwana wakwe Jesse, umwana wakwe Obed, umwana wakwe Boaz, umwana wakwe Salmon, umwana wakwe Nahshon. ³³ Nahshon wali umwana wakwe Amminadab, umwana wakwe Admin, umwana wakwe Arni, umwana wakwe Hezron, umwana wakwe Perez, umwana wakwe Judah, ³⁴ umwana wakwe Jacob, umwana wakwe Isaac, umwana wakwe Abraham, umwana wakwe Terah, umwana wakwe Nahor, ³⁵ umwana wakwe Serug , umwana wakwe Reu, umwana wakwe Peleg, umwana wakwe Eber, umwana wakwe Shelah. ³⁶ Shelah wali umwana umonsi wakwe Cainan, umwana umonsi wakwe Arphaxaad, umwana umonsi wakwe Shem, umwana umonsi wakwe Noah, umwana umonsi wakwe Lameck, ³⁷ umwana umonsi wakwe Methuselah, umwana umonsi wakwe Enoch, umwana umonsi wakwe Jared, umwana umonsi wakwe Mahalaleel, umwana umonsi wakwe Cainan, ³⁸ umwana umonsi wakwe Enos, umwana umonsi wakwe Seth, umwana umonsi wakwe Adam, umwana umonsi wakwe Leza .