¹ Ayavule yasenzili nchito yakuyika ponga pali vino yalolechesyanga ukuti vyawombwa kuli sweswe, ² ngati muno vyapelilwe kuli sweswe muli yano pakutandika yali ayakamboni yano yalolanga naminso yawo nayantchito yizwi. ³ Nga chalolike ichisuma kuli nene, umulandu nalolanga ningosana ukufuma pakutandika , ukuti mbalike mumukonzololo vyakwe mwemwe , ichisuma sana Theophilus, ⁴ ukuti mumanye uwumolimo wavinthu vino mwasambilizwa. ⁵ Mmanda yakwe Herod mwene waku Yudeya pali kapepa mukalamba wino wamwanga Zakaliya ukuma ku Abijah; umuchi wakwe Elizabeth wali umwizikulu wakwe Aaron. ⁶ Wonsi woyili yali ayalungamane paminso yakwe Leza , ukupita muli vyonsi vino Mwene akalonda . ⁷ Kweni yatali numwana nawumwi umulandu Elizabethwali a chumba, nga wonsi yali ayakote pansita yii. ⁸ Nomba chizile chaya ukuti Zakaliya wali paminso yakwe Leza , wawombanga intchito zyakwe yasimapepo mumukonzololo wakwe . ⁹ Mukukonkha umukonzololo wakusola ukuti wino aye a simapepo mukalamba , yamusozile mumayele ukuti ayinjile mung'anda yakwe Leza pakocha ivyakununchila. ¹⁰ Iwumba lyonsi ilyawanthu lyapepanga kunzi pansita yilya pano ivyakununchila yavipembanga . ¹¹ Nomba umungelo wakwe Mwene walolike kulim weliwe nukwimilila pambali pansaka pano yapembelanga ivyakununchila . ¹² Lino Zakaliya wamulola , wachuzile sana, nga inthete zyamulemile . ¹³ Kweni umungelo watili kuli weliwe , '' Utatina , Zakaliya , umuklandu amapepo yako yuvwika . Umuchi wako Elizabeti amakuvyalila umwana umonsi . Nga ulimwama Yohani. ¹⁴ Uliya nulukundo nukusechela , nayavule yalikunda pakupapwa kwakwe. ¹⁵ Muno aliya uwakulondwa sana paminso yakwe Mwemwe. Atamwa wine nanthi uvyakunwa ivwakukola , nga alizula numupasi umutiswe ukufuma munda muli nyina . ¹⁶ Ayinji ayaluko lwa Isilayeli yaliya kuli Mwene Leza wawo. ¹⁷ Aliya paminso yakwe Mwene mumupasi namaka yakwe Eliya , ukufumya imyenzo yakwe ya tata ukuya kuyana nga nayambula ukuvwa ukuya aya mano ya wulungamane- ukuti yasenganye vyakwe Mwene ayanthu yano yasenganye vyakwe weliwe .'' ¹⁸ Zakaliya wavwanzile ku mungelo, ''Ningamanya wuli chino ? Muno nemukote sana numuchi nawe umukote.'' ¹⁹ Umungeli waswike nga watili kuli weliwe , '' Ne Gabiliyeli, wino akayimilila paminso yakwe Leza . Nthumilwe ukuti nize vwange nawe, ukuti nkhuletele izwi lino. ²⁰ Lolechesya ! umamyalala, uwawula ukuvwanga , mphaka pano ivinthu vino viza vyachitwa. Umulandu mutasuwilanga amazwi yane, yano yalikwaniliswa pansita yakwe.'' ²¹ Nomba ayanthu yalindililanga Zakaliya. Yazungwike pakuti wasendanga kasita mwitempeli . ²² Kweni lino wafuma , atavwanzile nawo . Yizile yiluka ukuti waweni ivyankholelo lino ali mwitempeli . Wawalanjizganga sile ivimanyilo nga wamyalile sile . ²³ Chizile chaya ukuti pano amanda yatchito yakwe yasizile , wayile kung'anda yakwe . ²⁴ Lino papita amanda ya, Umuchi wakwe Elizabeti wali nindilwa nga kumyezi yisano wavwamanga . Wavwanganga watinji, '' ²⁵ Chi achino Mwene wantchitila nene pano wambeni nuwila ukuti afumye insonyi payanthu.'' ²⁶ Mumwezi wakwe chisano nawonga , umungeli Gabiliyeli watumilwe ukufuma kuli Leza ukuya mumusumba wakwe Galileya wuno wukayamwa Nazaleti, ²⁷ ukuya kuli mwali wino wazanyile umonsi wino wali a Jozefu, wino wali uwaluko lwakwe David, Nga nizina lywkwe mwali lyali a Mary. ²⁸ Wizile kuli weliwe nukuvwanga ukuti , '' Nkhuwalamuka , mwemwe mweyanthu muli nulongo sana ! Mwene ali namwe.'' ²⁹ Kweni wavulungine sana namazwi yakwe nga wazungwike ukuti kungaya ukulamunkhana kwamutunduchi ku . ³⁰ Umungelo wavwanzile kuli weliwe, ''Utatina , Mary, muno wazana ulongo na Leza . ³¹ Lola , umaya nindilya nukukwata umwana umonsi . Ulimwama izina lyakwe 'Yesu ' . ³² Aliya uwakulondwa sana nga aliyamwa umwana wamukalamba sana. Mwene Leza alimupa ichilimba chakwe kuku yakwe David. ³³ Alikala mung'anda yakwe Yakobe umuyayaya, nga kutaliya ukusila kwa umwene wakwe .'' ³⁴ Mary watili kumungelo ,'Chimachitwa wuli chino, muno nthamanyile umonsi nawumwi?''' ³⁵ Umungelo waswike nga wavwanzile kuli weliwe , '' Umupasi utiswe wuliza pali wewe, nga namaka yakwe wilya umukalamba sana yaliza apali wewe. Nga umutiswe wino alipapwa aliyamwa umwana wakwe Leza . ³⁶ Lola , umukamu wako Elizabeti nawe waya nindilwa yamwana umonsi nuwukote wakwe. Wuno umwezi wakwe chisano nawonga, wino wamwanga ukuti a chumba . ³⁷ Muno nachimwi chilipotwa kuli Leza.'' ³⁸ Mary watili, '' Lola , ne watchito umwanachi wakwe Leza . Leke chiye vivyokwene ngati muno mwavyangila .'' Apano umungeli wamusile . ³⁹ Apano Mary wakatwike palya kwene nga zuwazuwa wakatwike ukuya mumyamba ya kuyudeya. ⁴⁰ Wayile mung'anda yakwe Zakaliysa nukumulamuka Elizabeti. ⁴¹ Nomba chachitikwe ukuti lino Elizabeti wuvwa ukulamuka kwakwe Mary, umwana muchipapilo chakwe wavwinthwike, nga Elizabeti wazuzile numupasi umutiswe . ⁴² Wakwezizge amazwi yakwe nukuvwanga ukuti , '' Mweyalotwe mwemwe muwanachi, nga nivilotwe ivikomwa vyamuvipapilo vinu. ⁴³ Chachitwa wuli ukuti mama wakwe mwene wane ayize kuli nene? ⁴⁴ Muno lolini, lino ukuvwika kwa kulamuka kwako kwiza mumakutwi yande, umwana muchipapilo chane wavwintwike kulukundo. ⁴⁵ Umulotwe iali wino wasuwile ukuti kuliya ukukwanilisya kwa vinthu wino vyavwanzilwe kuli weliwe ukufuma kuli Mene .'' ⁴⁶ Mary wavwanzile , '' Uwumi wane wukamutumphula Mwene, ⁴⁷ nga numupoasi wane wukakunda muli Leza katula wane . ⁴⁸ Muno walola uwunono wane patchito. Lolini, ukufuma nomba imphwapa zyonsi yalingama nene umulotwe. ⁴⁹ Muno wino umutiswe wachita ivinthu ivikalamba kuli nene, nga nizina lyakwe ilitiswe. ⁵⁰ Uluse lyakwe lukaya kuli wonsi ukufuma kumphwapa na kumphwapa yano yakamutina . ⁵¹ Walanjizga amaka nikasa lyakwe; wawasasya yalya yano yali nichimeka mukwelenganya kwa myenzo yawo. ⁵² Wawisya yamwene ukufuma pavilimba vyawo nga wawakweza yalya yano ayapansi. ⁵³ Wawikusya ayanzala nivinthu ivisuma , kweni ayakankhala yapita nanthichimwi. ⁵⁴ Wapa uwutuli ku Izilayeli kawomba wakwe , ngati ukukumbuka ukulanjizga uluse ⁵⁵ ( ngati muno wavwanjile kuli ya tata) kuli Abraham na yaluko kumuyayaya.'' ⁵⁶ Mary wikazile na Elizabeti kumyezi yatatu nga wawelile ukung'anda yakwe . ⁵⁷ Nomba insita yakwanyile yakwe Elizabeti ukuti aye apape umwana akwe nga wapafile umwana umonsi . ⁵⁸ Ayapalamani yakwe nayakamu yakwe yuvwile ukuti Mwene walanjizya uluse lwakwe kuli weliwe, nga yasechile nawe . ⁵⁹ Nomba chachitikwe pawanda wakwe chisano nawutatu ukuti yizile pakulembulula umwana. Nge yamwamile ''Zekaliya ,'' izina lyakwe tata wakwe . ⁶⁰ Kweni nyina waswike nukuvwanga ukuti , '' Awe. Aliyamwa Yohani.'' ⁶¹ Yatili kuli weliwe , '' Pasi nawumwi payakamu yako wino akayamwa izina lino .'' ⁶² Yasinizyananga na tata wakwe muno walondanga ukuti ayame . ⁶³ Yisi watili yamulondele apakuwalika nga wawalike , '' Izina lyakwe a Yohani.'' Wonsi yazungwike pali chino . ⁶⁴ Papokwene umulomo wakwe wayulike nga nululimi lyakwe lwasapike . Wavwanganga nukumulumbula Leza . ⁶⁵ Inthete zyawalemile wonsi yano yikazile nawe papipi. Vyonsi vino vyazesile mumuzi wonsi uwa Yudeya . ⁶⁶ Wonsi yano yuvwanga yavisengulanga umumyenzo yawo , nukuvwanga uuti , '' Nga umwana wino aliya awenj?'' Muno ukasa lyakwe Mwene lye lili nawe. ⁶⁷ Tata wakwe Zakaliya wazuzile numupzsi umutiswe nga wachimila , nukuvwanga ukuti , '' ⁶⁸ Uwakumukwezga aye a Mwene, Leza wakwe Izilayeli , muno ayizile ukuyayavwa nga wakwanilisya ukuwasapula ayanthu yakwe . ⁶⁹ Wakatusya wumwi uwamaka ukufuma mu g'anda yakswe David uwakutupudsusya ⁷⁰ (muno wavwanjilanga nintchimi yakwre ilungamane ukufuma kali ), ⁷¹ twapusuka kuyalwani yitu nakumakasa yakwe yano yatupata. ⁷² Aliwomba chino ukuanjizya uwila kuli ya tata yitu nukwizuka vino yanyepa, ⁷³ uluvwano luno wavwanzile kuli Abraham tata switu. ⁷⁴ Walafile ukutupa sweswe vino tuli, muno twafumila mumakasda yayalwani yitu, tulimuwombela ukwawula inthete ⁷⁵ muwutiswe namuchumi pali weliwe mmanda yitu wonsi. ⁷⁶ Nadi, namwe, ayana, mulamwa intchimi yakwe wilya umukalamba , muno mulaya paminso yakwe Mwene ukuti mukasenganye inzila yakwe, ukuwawuzga ayanthu ivwakwiza kwakwe, ⁷⁷ ukuwapela amano yakupususya ayanthu yakwe pakuwatetela uwononyi wawo. ⁷⁸ Chino chilachitwa umulandu waluse lwakwe Leza witu, umulandu wakwe chino , umupususyi wino, wino ali ngati ilanzi lino likukwela , aliza pakutwavwa sweswe, ⁷⁹ aliswepa pali yalya yano yikala mumfinzi namuchinzungwani chanfwa. Aliwomba chino ukuti ayike amakulu yitu umunzila yamutende .'' ⁸⁰ Nomba umwana wakuzile nga wakomile mumuzimu, nga walinji mumphanga mphaka pawanda pano aliloleka kuwanthu ya ku Isilayeli.