¹ Lino vyonsi vino vyapita Yesuwayile pakutandala mu muzi wa Galileya, pakuti atalondanga ukuya mumuzi wa Yudeya pamulandu wakuti aya Yuda yalondanga ukumukoma. ² Nomba lino ukusechela ukwa ya yuda ukwamuvisakasa kwapalamile. ³ Ayina yatili, ''fuma pamasyo yano nukupita ku muzi wa Yudeya, ukuti ayalondezi nawo yalole imilimo yino ukawomba. ⁴ Pasi nanti wumwi wino akachita ivintu mwakuvwama ndi umwenecho akulonda ukumanyikwa apatiswe. Ndi ukuwomba ivintu vino yalanjizye wemwenecho kusi.'' ⁵ Pakuti na yina yakwe kweni yatamusuwile. ⁶ Yesu apano watili kuli woliwo, ''insita yane yichili ukwiza, kwene insita yinu yilipo kali. ⁷ Insi yitanga yiwapate mwemo, kweni yikupata nene pamulandu wakuti nkuyisimichizya ukuti imilimo yakwe iyiyipe. ⁸ Mukuya kuchisekelelo; Kweni nemo ntamayako pamulandu wakuti insita yane yitani yikwane.'' ⁹ Lino wavwanga ivintu vino kuli woliwo, wikazile mumuzi wa Galileya. ¹⁰ Kweni lino ayina yapita ku chisechel, nawe wakonsile, mwakusochelela. ¹¹ Aya yuda yamulondanga pa chisechelo nukuvwanga ukuti, ''Nga alikwinye?'' ¹² Kwali ukuvwanzyanya ukukalamba kwakwe weliwe mwi wumba. Yamwi yatile, ''umuntu muzima.'' Yawuzizye yatile, '' Foo, akapozya iwumba.'' Kwene ¹³ patali nantiwumwi uwakuvwanga apatiswe pamulandu wakutina ayayuda. ¹⁴ Lino ichisechelo chapitilila pakasi, Yesu wayile mung'ada yakwe Leza watandike ukusambilizya. ¹⁵ Apano aya Yuda yazungwike, yavwanzile ukuti, ''wuzye akumanya wuliwuli ivintu vino? Muno atasambilila. ¹⁶ Yesu ayatolelela ati, ''ukusambilizya kuno asakwane, kweni ukwake Leza wino wantumile. ¹⁷ Ndi wino akulonda ukuchita ukulonda kwakwe Leza, amamanya isambilizyo lii, ndi lyafuma kuli Leza, pamwi nkuyivwanjila nenga. ¹⁸ Umuntu wino akayivwanjila ivyakwe akalonda ukuchindama ukwakwenye, kweni wino akalonda ukuchindama kwakwe wino wamutumile, umuntu wiyo uwa chisinka, swinya muli weliwe muli uwulungamane. ¹⁹ Wuzye Mose atayapile isunde? Kweni pasi wumwi mwakwe mwemwe wino akasunga isunde ngafwandi mukasi munkomele chani?'' ²⁰ Iwumba lyaswike, ''uli numupasi uyipe. Aweni ukulonda ukukukoma?'' ²¹ Yesu atolelela ayanena ati, ''nawomba umulimo wonga, mwensinye mwazunguka. ²² Mose waya komelazizye ukuzembulula(kweni kuta fuma kuli Mose, kweni ukufuma kuli yakuku), apano pasabata mukazembulula umuntu. ²³ Ndi umuntu wazembululwa uwanda wa sabata umwakuti isunde lyakwe Mose litasila, ichani chino mukunsochelela umulandu anpozizye umuntu pa wanda wasabata? ²⁴ Mutize mwaputula umulandu mwakulola pamanso patupa, kweni ukupingula muchisinka.'' ²⁵ Ngapano ayantu yamwi aya mu Yelusalemu ayati, '' wuzye asawikwene wino yakulonda ukumukoma? ²⁶ Lolini, ngavino akuvwanga ichilola kwene, nukuti yatavwazile chimwi. Chitaga chiye ichakuti yakateka yansi yamanyichisya ukuti a Kilisitu, chingaya? ²⁷ Ukumanya twamanya kuno wafumilila. Kweni Kilisitu ndalayiza. Pasi nanti wenga wino alamanya kuno wafumilila.'' ²⁸ Yesu wapunzile mung'anda inkalamba iyamapepo nukusambilizya ati, ''Mwensi mwamanya nene swinya mwamanya nene swinya mwamanya nakuno nafumilila. Ntayizila nenga, kweni wino wantumile uwachisinka, swinya mutamumanya. ²⁹ Nenji namumanya amuno nafuma kuli weliwe swinya weliwe kweni awino wantumile.'' ³⁰ Yezyanga pakulonda ukumulema, kweni kutali nanti wenga uwakumulemela pamulandu wakuti insita yitakwanyile. ³¹ Kweni ayavule mwiwumba yamusuwile, ayavwanga ayati, ''ndi Kilisitu akwiza, uzye alawomba ivilanjisyo ukulusya vino wii wawomba.'' ³² Aya Falisi yuvwile iwumba likutokotezyanai vyakwe Yesu, achino woliwo ponga nayasimapepo ayakalamba ayatuma ayasikali pakumulema Yesu. ³³ Kapya Yesu watile, '' Nandi inje namwemwe pansita yinono, apano impite kuli wino wantumile. ³⁴ Muli ndonda kweni mutalitela munzane; Nakuno nkuya, mutalitela mufikeko.'' ³⁵ Ngapano ayayuda yavwanzanianga ayati, ''nga kuno akulonda ukuya akwinye kuno tutanga tukamuzane? Uzye aliya mumizi ya ya Giliki amuno akasambizya aya Giliki? ³⁶ Wuzye izwichi li linowavwanzile, mulindonda kweni mutalitela munzane; Kuno nimaya mutalitela mufikeko'?'' ³⁷ Nomba pawanda wakupelelechezya, uwa chisechelo, Yesu ayimilila apunda ati, '' Wensi wino akuvwa ulusala, ayize kuli nene amwe. ³⁸ Ndi wino akunsuwila, ndivino amazwi yawalikwa ayati, inguzi zya manzi ya wumi zilatantala ukufuma munda yakwe.'' ³⁹ Yesu wavwanzile ivya mupasi wonsi yano yamusuwila yize yapochelele; Umupasi wa chilinji ukupewa pamulandu wakuti Yesu wachili ukuchindamikwa. ⁴⁰ Iwumba limwi, lino lyuvwa amazwi ya, lyatile, '' Ichumi umuntu wino akasowela.'' ⁴¹ Yamwi yatile, Wii a Kilisitu.'' Kweni yawuze ayati, wuzye Kilisitu angafuma mu Galileya?'' ⁴² Amawaliko amazima yatavwanzile ayati Kilisitu alifuma mwiwuvi lyakwe Davidi uwa mumuzi wa Betelehemu, muno Davidi wiklanga?'' ⁴³ Kwalinji ukupaunkana mwiwumba pamulandu wakwe. ⁴⁴ Yamwi muli woliwo yalondanga ukumulema Yesu, kwene patali nanti wenga uwakumulemelela. ⁴⁵ Ayasilika yapisile kupya kuli yasimapepo ayakalamba na kuya Falisi, yano yakolowozizye ukuti, ''Inga ichani chino mutamulesile?'' ⁴⁶ Ayasilika yaswike ati, ''kutali nanti wenga uwakuvwanga ndi vino vii.'' ⁴⁷ Apano aya Falisi yaswike ayati, ''wuzye namwe kwene ayatumpike? ⁴⁸ Wuzye kuli kateka wumwi wino wamusuwila, pamwi yamwi aya Falisi? ⁴⁹ Kwene iwumba lya yantu yano pamulandu wakuti yatamanya isunde yatipwa.'' ⁵⁰ Nikodemu (wenga uwa ya Falis, wino watandike ukuya kuli weliwe watili kuli woliwo, ⁵¹ ''Wuzye isunde iyitu likapa umuntu umulandu pano yatani yuvwe nukumanya chino owonwine? ⁵² Yamutolelile ayati, ''Wuzye nawe wafuma ku Galileya? Londa nukulola ngachakuti kasowela wumwi wafuma uku Galileya.'' ⁵³ Apano yasatine ayapita mumang'anda yawo.