¹ Lino Yesu wavwanga ivintu vii, winusizye amanso yakwe kupela nukuti, ''Tata, i ola lyakwana, muchindikani umwaninu umwakuti nawe umwana awachindike hee-- ² Ngati amuno wamupelela insambu pavya wumi vyosi umwakuti apele uwumi uwamuntansila kuli wensi wino wamupela weliwe. ³ Wuu uwumi wamuntansila; ukuti yakumanye wewe, we Leza wamolimo mphela, na weliwe wino wantumile, Yesu Kilisitu. ⁴ Nkuwachindika mwemwe munsi. Namalizya umolimo wuno mwampile ukuti imbombe. ⁵ Nomba, Tata, nchindikani ponga na mwemwe nukuchindikwa kuo nalinako pantandiko lino insi yatani ipangwe. ⁶ Nawumbwile izina ,linu kuwanthu yano mwampile ukufuma munsi. Yali ayinu nukuti mwampile nene, nukuti yasunga izwi linu. ⁷ Nomba yamanya ukuti chili chonsi chino mwampela chafuma kuli mwemwe, ⁸ pakuti nawapela amazwi wonsi yano mwampile. yawapochelile nukuti yamanya umolimo ukuti nafuma ukwinu, kupya yasuwila kuno mwantuma. ⁹ Nkuwapepela. Intakupepela insi kwene antu yano mwampela, pakuti antu yinu. ¹⁰ Chonsi chino ichane ichinu, nachino ichinu ichane, nukuti nachindikwa muli woliwo. ¹¹ Nene insi munsi mu swinya, kwene antu yaa yali munsi, nukuti nemo kwiza akwinu Tata Umutiswe, wasungini mwizina linu lino mwampile umwakuti yaye ponga, ngati amuno tuyelile ponga. ¹² Lino nali nawo, nawasunzile umutende mwizina linu, lino mwampile. Nawachinjilizyanga, nukuti nawenga pali woliwo patali uwakononeka, kwenesile umwana wakwe chininyi umwakuti amawalika yakwaniswike. ¹³ Nomba inkwiza ukwinu, kwene nkuvwanga ni kunsi umwakuti yize yakwanilisye insansa zyane muliwoliwo. ¹⁴ Imbapile izwi linu, nukuti insi yiwapasile umulandu asa yansi, ngati amuno njelile sine wansi. ¹⁵ Ntakuwalenga ukuti mwemwe muwafumye munsi. Kwene mwemwe muwasunge ningo kumuyipe. ¹⁶ Asayansi, ngati amuno ntayelile newansi. ¹⁷ Muwayike pambali mchumi, izwi lyako ilyamolimo. ¹⁸ Ngati amuno mwantumile kunsi, nani nawatuma munsi. ¹⁹ Umulandu wawo nani nene nenga nayiyika pambali, umwakuti woliwo pali woliwo nawo yangayiyika kweneko pambali mumolimo. ²⁰ Intakupela yakweneya mphela, kwene nayano yalisuwila muli nene ukupitila mwizwi lyakwe ²¹ umwakuti wonsi yaliya umuntu wenga, ngati amuno muyelile, Tata, ali muli nene, nani indi umwin. Ngenawo kwene yaya muli sweswe umwakuti insi yize yisuwile kuno mwemwe mwantumile. ²² uchindame wuno mwampile, imbapile woliwo, umwakuti yaye ponga, ngati amuno tuyelile ponga: ²³ Nane muli woliwo, namwe muli nene--umwakuti limwi yangiza yaye pali pamwi ukuti insi yize yimanye ukuti mwemwe mwantumile, nukuti mwawakunda ngati amuno mwankundila nene. ²⁴ Tata, nkulonda yano mwampa ukuti yaye nanene ponsi panondi, umwakuti yalole ukuchindime wane, ukuchindime wuno mwampa umulandu mwemwe mwankunzile lino mutani mutaphe insi. ²⁵ Tata umulungamane, insi yitawamanyile, kwene nemo nawamanyile; na yaa yamanya ukuti mwantuma. ²⁶ Anene napanga izina linu ukumanyikwa kuli woliwo, nukuti nimapanga ukuti limanyikwe umwakuti ulukundo luno mwankunzile nene luye muli woliwo, nukuti nani mimaya muliwoliwo.''