¹ Panthandiko pali izwi, nu kuti izwi lyali na Leza, nu kuti izwi wali a Leza. ² Wi wali pa nthaliko na Leza. ³ Ivintu vyonsi vya panzilwe na weliwe, nu kuti ukwawula weliwe ngali kutapangwa nanti chonga pali vino vya pangwa. ⁴ Muli weliwe mwali uwumi, nu kuti u wumi wali uluswepo ku yantu. ⁵ Uliswepo lukawala umu mfinzi, nu kuti imfinzi yitaluchimvizye. ⁶ Kwali umuntu wuno watumilwe na Leza, wuno izina lyakwe wali a Yohani. ⁷ Wizile ngati a kamboni pa kuzachitila uwumboni ivya luswepo, ukuti wonsi yasuwile muli weliwe. ⁸ Yohani atali uluswepo, kwene wizile ukuti achite uwumboni ivya luswepo. ⁹ Uluswepo lwa chumi, luno lukaleta uluswepo ku yantu wonsi, lwizanga munsi. ¹⁰ Wali umunsi, nu kuti insi ya panzilwe na weliwe, nu kuti insi yitamumanyile. ¹¹ Wizile ku ya kumwawo, nu kumwawo ya yatamupochelile. ¹² Kwene kuli wonsi yano ya mupochelile, yano yasuwile umwi zina lyakwe, wawapile insambu zya kuya a yana yakwe Leza. ¹³ Ya yatapafilwe ku wazi, pamwi ku kulonda kwa mwili, pamwi ku kulonda kwa muntu, kwene kwakwe Leza. ¹⁴ izwi lya piiwike u mwili nu kwizayikala pali sweswe.Twawuweni uwuchindame wakwe, u wuchindame ngati uwa wakuwapapwa wenga kuli yisi, wuno wazula ni nkhumbu nu wu molimo. ¹⁵ Yohani wachisile uwumboni vyakwe weliwe nu kupundilila, ukuti, ''Wi ali weliwe wuno natili, 'Wene wuno akwiza pa nsinzi yane umo kalamba ukuchila vino indi, pa kuti waliko lino nsiko.''' ¹⁶ Ukufuma mu muzule wakwe swensi twa pochelile inkumbu pa nkhumbu zyuze. ¹⁷ Amuno ilamulo lyapilwe na Mozesi. Inkumbu nu wumolimo vizile na Yesu kilisitu. ¹⁸ Kusi wuno watala alola Leza; Kana Leza mutupu, wuno ali ku mbali yakwe tata, awuno wa panjisizye ukuti Leza amanyikwe. ¹⁹ Wu uwukamboni wakwe Yohani pano a ya yuda ya tumile ya simapepo na ya Levi kuli weliwe ukufuma ku Yelusalemu pa kuya mukolowozya, ''we weni?'' ²⁰ Wayilondolwile -- a takanyile, kwene wayilondolwile-- ''A sa ne Kilisitu.'' ²¹ Apano ya mukolowozizye, '' Nga alino we weni? We Eliya?'' Watili, ''A sa ne weliwe.'' Yatili, ''We kasesema?" Waswike, ''Awe.'' ²² Alino yatili kuli weliwe, ''We weni, u kuti tu kawasuke yano yatutumile? Ukuti chani ku vya kuyana na wewe?'' ²³ Watili, ''Nene izwi, u kupunda mu mamapoli: 'Ukololosya inzila ya Mwene,'Ngati muno Yesaya kasesema wa tachile.'' ²⁴ Nomba yamwi ya tumilwe ukufuma ku ya Falisayi, ²⁵ Ya mu kolowozizye nu kuti, ''Ngati lyene ichani chino u kuwatizya ndi usi we Kilisitu pamwi Eliya pamwi kasesema?'' ²⁶ Yohani wa waswike, ukuti, ''Nemo inkhuwatizya na manzi. Kwene pakasi pali mwemwe pimilile wumwi wuno muta kumumanya. ²⁷ Ali wuno akwiza pa chisila pane,wuno intalingine ukusapula utunyepelo twa ndyato zyako.'' ²⁸ Ivintu vii vya chitke mu Betaniya ku mbalama ya Yolodani, kuno Yohani wa watizyanga. ²⁹ Ku mutondo wakwe Yohani waweni Yesu akwiza kuli weliwe watili, ''Lolini, kuli u mwana wa Ng'onzi: Wako Leza wuno akufumya uluyembu lwa munsi! ³⁰ Wii ali weliwe wuno na tanji, ''Wuno a kwiza pa chisila pane uwa kuchila pali nene, pakuti waliko lino insita.'' ³¹ Inthamumanyile, kwene chali ukwakuti alolechele kuli Isilayeli a chino niza pa kuwatizya na manzi.'' ³² Yohani wachisile uwumboni, ukuti, ''Naweni u mupasi wu kwika ngati inkunda u kufuma u mwiyulu, waponyile pali weliwe. ³³ Inta mumanyile, kwene wuno wantuma pa ku watizya ma manzi wanenyile ati, 'wuno ulalola umupasi wu kumwichila nu kwikala pali weliwe, ali weliwe u wa kuwatizya na Mupasi Mutiswe.' ³⁴ Nalola nu ku simichila ukuti wii a Mwana Leza.'' ³⁵ Nakupya, ku mutondo wakwe, lino Yohani ayimilile na ya londezi yakwe yayili, ³⁶ yaweni Yesu akuchilinganya, Yohani watili, ''Lolini, u mwana wa Ng'onzi wakoLeza!'' ³⁷ Ayalondezi yakwe yayili yuvwule wavwanga vi yamukonsile Yesu. ³⁸ Alino Yesu wa piliwike nu kulola yakumukonka watili kuli woliwo, ''Mu kulonda chan?'' Yaswike, ''Rabbi'' (chino chikasula ukuti ''Umusambilizi''), ''ukayikalakwi?'' ³⁹ Wa wawanenyile ati, ''Izini mulole.'' Alino yizile nu kulola kuno wikalanga;yikazile nawe uwanda wuwo lyali i ola lya chiti kumi. ⁴⁰ Wenga pali yayili wuno wuvwile Yohani wavwanga nu ku mukonka Yesu wali a Andileya, umunyina wakwe Simoni Petulo. ⁴¹ Watalichile ukumuzana umunyina wakwe Simoni nu ku munene ukuti, ''Twamuzana Mesiya'' (chino chikusula Kilisitu). ⁴² Wamulesile kuli Yesu, na Yesu wamulolechesizye nu kuti, '' We Simoni mwana Yohani. Umayamwanga ukuti Kefasi'' (chino chikusula ukutiPetulo). ⁴³ Ku mutondo wakwe, pano Yesu walondanga uku katuka ukuya ku Galileya, wamuzanyile Filipi nu ku munena, ''Nkhonkha.'' ⁴⁴ Nomba Filipi wali uwa ku Batisayida, umusumba wako Andileya na Petulo. ⁴⁵ Filipu wa muzanyile Nathaniyeli nu kumunena ukuti, ''Weliwe wuno Mozesi wawalike u mwi sunde, na ya kasesema, twa muzana: Yesu mwana Yosefe, uwa ku Nazaleti.'' ⁴⁶ Nathaniyeli wa munenyile ati, ''ku Nazaleti kungafuma ichintu chimwi ichizima? Filipu wamunenyile ati, ''Iza ulole.'' ⁴⁷ Yesu waweni Nathaniyeli akwiza kuli weliwe wavwanzile vyakwe weliwe, ''Lolini, u mu Izilayeli wa chisinka, wuno mu weliwe musi uwufi!'' ⁴⁸ Nathaniyeli wavwanzile ati, Nga wamanya wuli?'' Yesu wamwaswike nu kuti, ''Lino Filipu atani akwame pano wewikazile umwisika mu muti wa mukuyu, nenkuweni.'' ⁴⁹ Nathaniyeli waswike, ''Rabi, we Mwana Leza! we Mfumu ya Izilayeli!'' ⁵⁰ Yesu waswike nu kuti, '' Umulandu wa ku kunena ukuti, 'Ne nkhuweni mwisika ka muti uwamukuyu.' ukusuwila wuzye ? Ulola ivintu ivikalambane ukulusya vii.'' ⁵¹ Alino watili, '' Ichumi, ichumi, inkukunena, ulalola ukwiyulu kuyulike, na ya ngeli yakwe Leza ya kukwela nukwichilila pa Mwana wa Muntu.''