¹ Ivyanthaliko nawalike, Fiyofilasi, wavwanzile vyonsi vino Yesu watandike ukuwomba nukusambilizga, ² mpaka uwanda wuno waswenzile ukuya kupela , lino wawapa uwupingulo ukupitila mumupasi wutiswe ukuya kuyapositoli yani wasozile . ³ Lino wachula , wayilanjizizgeumwenecho kuno umumi kuli woliwo . Nivwakulanjizga ivinji. Kumanda amakumi yanayi (40) walolike kuli woliwo, ngawavwanga ivyawumwene wakwe Leza. ⁴ Pano wakomenkhananga ponga nawo, wawapingwile ukuti yatafuma mu Yelusalemu, kweni ukulindilila umulayi wakwe tata, ukuyana namuno wavwanjile, '' muvwile kuli nene ⁵ ukuti Yohani nadi wawatizizwe na manzi, kwe ulawatizwa namupasi umutiswe likwene.'' ⁶ Pani yakongine yamukolowozizge, '' mwene, uzge ali insita yino uliwezga uwene wa Izilayeli?'' ⁷ Watili kuli woliwo , ''isichakwinu ukumanya insita pamwi amanda vii tata wavilinganya mumaka yakwe. ⁸ Kweni mulipochelela amaka pano umupasi uwutiswe wiza wiza pali mwemwe nukuti muliya ya kamboni yane ponga muyelusalemu numuyudeya numusamaliya nukumphelo yansi.'' ⁹ Lino umwene Yesu wavwanga vino. ¹⁰ Pano yalolanga kupela pano wapitanga, papokwene, ayanthu yayili yimilile papokwene nawoliwo muvivwalo ivitiswe. Yatile ,'' ¹¹ Mweyanthu yakugalileya ,ichani chino mwimilile pano mukulola kwiyulu? Yesu wino wasendwa ukuya kwiyulu, aliza mumusango wukwene ndivino mwemwamulola akukwela kwiyulu.'' ¹² Alino yaswilile kuyelusalemu ukufuma kumwamba wuno wamwanga Oliveti, wuno wuli kupipi na Yelusalemu, uwulendo wapa mulungu. ¹³ Lino yafika , yayile pa chipitu , chapapela , kuno yikalanga Y alinji Petulo, Yohani , Yakobe , Andeleya , Filipu , Tomasi, Batelomeyo , Mateyo , Yakobe mwana Alufeyo , Simoni umu ziloti, na Yudasi mwana Yakobe . ¹⁴ Wonsi yayipile nichinthu chonga pa kupepa , ponga na yanachi, na Maliya nyina wakwe Yesu , nayazuna . ¹⁵ Mumanda yalya Peteli wimilile pakasi payawuze, yalinji mayanthu yakukwana 120, ngawatili kuliwoliwo ,'' ¹⁶ Yanji, chalinji ichakulondwa ukuti amawaliko yakwaniliswe, chino umupasi uwutiswe wavwanzile pamulomo wakwe Devedi ivyakuyana Yudasi, wino wawasambilizganga yalya yano yamulemile Yesu. ¹⁷ Amuno walinji wenga wakwe sweswe nupya wapochelile chimwi ichamulimo wuno. '' ¹⁸ (Nomba umunthu wii wakazile ichalo navino wavizanyile munzila iyiyipe nukuti kukukwene wakolezizge umtwe pakupona nganumwili wakwe wapunsile , namala yakwe yafumile . ¹⁹ Yonsi yano yali mu Yelusalemu wuvwile chakwe chii, apano yachamile ichalo chilya mumuvwango wawo '' Akedama,'' alikuti'' ichalo cha wazi.'') ²⁰ ''Pakuti chawatikwa mwi kope lyakwe Masalimo,'' Lekini ichalo chakwe chiye imphanga , nukuti mutazumilizga umunthu wumwi ukwikalamo'; ' Lekini umwi asende amalo yakwe aya uteko.' ²¹ Chilingine , ukuti, wenga uwayanthu wino walinji naswe insita yonsi yino Mwene Yesu wizanga nukupita pali sweswe, ²² ukutalichila paluwatizgo lwakwe Yohani mpaka pawanda pano wasenzilwe ukuya kupela ukufuma pali sweswe , walinji akamboni naswe ivyakuzguka kwakwe.'' ²³ Yayisile pankholelo awonsi yayili , Jozefu wino wamwanga Barsabbas, wino wamwanga nupya ukuti Jasitasi nga na Matiyasi. ²⁴ Yapefile nukuti,'' Wewe, mwene wamanya imyenzo yawanthu, wumbula pali yayili ya wino umusozile ²⁵ ukusenda uwuyo mumulimo wuno nuwupositoli wuno Yudawawusile ukuwelela kumasyo yakwe.'' ²⁶ Yapanzile ichipendo , nganichipendo chaponile Matiyasi , ngayamusanzizge kuyapositoli ikumi lyonga na wenga (11).