¹ Umukalamba kuli Gayasi, wino namukunda muuchumi. ² Mukundwe nkhupepa ukuti vyonsi vingapita ningo nawewe nukuti ungapola, ngati vino chiliningo numupasi wako. ³ Pakuti nasechela sana lino ayinji yizile nukusimichila kuwumolimo wako. Ngati muno ukapitila muwumolimo. ⁴ Nthakweti ukusechela ukukalamba ukuchila kuno, pakuvwa ukuti ayanane yakupita muwumolimo. ⁵ Mukundwe, ukayezya isuwilo pano ukuwombela ayauzo nayenyi ⁶ yano ayakambon kulukundo lwako pamanso yakwe yakapepa.Ukawomba ningo pakuwatuma pawulendo wawo iyakuyana nukulonda kwakwe Leza, ⁷ umulandu wakuti yalondanga izina achino yapisile yatasenzile nachimwi ukufuma kuyamitundu. ⁸ Achino nomba swemo tulinngine ukuwapochelela anthu ndi yano ukuti twize tuye sweyawomvi aaliyamwi muuchumi. ⁹ Nkhuwalika chimwi kwiwuvi, kwene Ditelefesi, wino wakunda ukuya panthandiko pali woliwo, asitupochelela. ¹⁰ Achino ndiniza, ndiwumbula pamilimo yakwe yino akuwomba, ivyawufi vino akutuvwanga namazwii aipe. ukunthikuta nacho, asikana sile pakupochelela awuze pali weliwe wenga, kweni nupya akakanizya nayano yakulonda ukuwapochelela nukuti akawafumya mung'anda yamapepo. ¹¹ Mukundwe, mutakolana nachino ichiipe kwene ukolane nichizima. wino akachita ichizima uwakwe Leza; Wino akuchita uluyembu atalola Leza. ¹² Dematiya wapochelile ukusimichila kusuma kuli wonsi muwumolimo. naswe tukusimichila ukulingana nawe, nukuti mwamanya ukuti uksimichila kwitu ukwachumi. ¹³ Nakweti ivinthu ivinji ivyakuwalika kuli mwemwe, kwene nthakulonda ukuwalika nichakuwalichila na inki. ¹⁴ kwene nkhusula ukzawalola likwene, nukuti tilivwanzana amanso namanso. ¹⁵ Umutende wuye namwe. ayanji yakuwalamuka. Lamukini ayanji pi zina.