¹ Uzye twantampa ukuyichindika sweswe swenga kapya? Tusikulonda amakalata ayakusiniochizya kuli wewe limwi kuli mwemwe. Ukulingana nayantu yamwi, tukulonda? ² Mwemwe mwenga amwe kalata ayakusininchizya, yano yalembwa pa myenzo yitu, nukumanayikwa nukuwelenga na yantu yonsi. ³ Nukulanjizya kuno mwekalata waku fuma kuli Kristu, ukuyana nimiwombele yitu. Kapya Kalata wino atalembwa na inki awe lelo mupansi utiswe wakwe Leza uwawumi. Kuno atalembwa piwe ilipapatane, awe loli pa myenzo iya kupapatana iya wantu. ⁴ Alichino tuli nukusimichila chino tulinacho muli Kristu apamanso yakwe Leza. ⁵ Tusikulwisya sweswe swenga apakudaya chimwi ngati ukufuma kuli sweswe. Loli, ukulwisya kwitu ukufuma kuli Leza. ⁶ Wino a Leza wino wapanga sweswe ukuti tuye na maka ya kuombela ichipangano chipya. Lino ipangano sakalata foo, kwene umu mupasi. Muno kalata akakoma, kweni umupasi ukapela uwumi. ⁷ Nomba uwuwombezi wafwa--wafochelwa muli kalata apamawe--chizile muuchindame kuno ayana ya Israeli yatolelechesya pachiso chakwe Moses, achino chii chali uwuchindame apa chiso chakwe, uwuchindame wuo wafufutikanga. ⁸ Uzye chilaya wuli uchindame yamiombele ya mupasi? ⁹ Pano tindi uwombezi uwakusuzya wali nu wuchindame, uzye changaya wuli uwuwombezi wawulungamane wuno wanyepwa muwuchindame! ¹⁰ Muno ichakusimichila, chino insita yimwi chachitikwe kuya ichichindame isichichindame swinya umumiyele yino, mulandu wa uchindame uno ukuchizya penepo. ¹¹ Ndimuno chino chapitililanga chali nu wuchindame, uzye chingalusya chino chili nuwu chindame uwapenape! ¹² Muno tuli nalyo isuwilo tuli nukujimba konsi. ¹³ Tusi ngati a Mosesi, wino wayisile umwenda ukumanso yakwe kuno aya ana aya Israel yatamulola foo! apa wumalilo uwawuchindame wuno wapitililanga sile. ¹⁴ Kwene amelenganyo yawo yali a kome ukufika kuwanda wilelo. Lino yawelenga ichipangano chikali, umwenenda ulya kwene wayangapo. Yatafumizyepo, loli muli Kristu vikufuma penepo. ¹⁵ Loli nilelo kwene, nditukuwelenga muli Mosesi, umwenda ukuvwimba imyenzo yawo. ¹⁶ Kwene ndi umuntu wasenuchila kuli mwene, umwenda ukufuma penepo. ¹⁷ Alino mwene umupansi. Kuno umupasi wakwe mweni wuli, kuli ukusapulwa. ¹⁸ Nomba wonsi yakwe sweswe, yano yavimbulwa umwenda pachinso, yakulonda uchindame wakwe mwene. Twasenulwa apalipamwi muwuchindame uwuli wumwi, ukufuma muwumanyi uwawuchindame ukuya muwuze ngati ukufuma kuli mwene, wuno umupasi.