¹ Nemo inkuyikwezya napano chisi chakuzilwa . Kwene nemo indaya inkolelo umukololechesya nupya nivyakuvumbulwa ukufuma kuli nene. ² inkumanya kuno umuntu umuli Kilisitu wino wamala imyaka ikumi na yinaye wino -- nsita zimwi ukumwili pamwi chisita mwili, insikumanya, Leza wamanya - wino walemile kakwe chitatu kwiyulu. ³ Kwene imanyile kuno umuntu wino - kwali ndu kumwili, kwali chisita umwili, insi kumanya, Leza amanyile- ⁴ walemilwe nukuya ku paladizo nukuvwa zuwazuwa amazwi yano yatali umwisunde vino antu ayangavwanga. ⁵ M'masyo ya muntu wiyo kwene nemo indayikwezya. Kwene m'masyo yane nene ntaliyikwezya, kwene ukuntaya na maka kwane. ⁶ Ndi ningasola ukuyikwezya , ntalaya ne mpungani, alino nzipile ukuvwanga ichumi. Kwene inchili umu kuyikwezya, ali chino nanti wenga anganjelenganya ivivule ukulusya vino nkuvilola muli nene nukuvwa ukufuma muli nene. ⁷ Vikunsendela nene pakuyikwezya nenga alino vikumpita ivikulu ivya kuvumbulwa, nu munga umumwili wapelwa kuli nene, nu mutumwa ukufuma kuli satana nukumpela ivya kuwaya - alikuti intayikwezya nenga. ⁸ Katatu konsi, a lenzile kuli Mwene pa msago wakwe chikwene, alikuti weliwe achifumye muli nene. ⁹ Kwene wavwanzile kuli nene, '' uwila wane wakwanyile pali wewe, muno amaka yakwanyile muno musamaka.'' Ali chino nzipile njikwezye umukusita maka kwane, alikuti amaka yakwe Kilisitu yikalisye muli nene. ¹⁰ Alikuti inje newakukwana numsango wakwe Kilisitu umukusita amaka kwane,'umu ntusi, umu ntazi, umu kuvwimila nu tuyele twa vitima. Ali pano ndi sinamaka, ali pano inje namaka. ¹¹ Naya ne mpungani! mwanchinchilizye nene kuli vino, ali kuti intumpulwe na mwemwe. Muno ntali newakusakamana kuli yano yakukitwa a tumwa uwapapela kwene napano wuli insinachimwi. ¹² Ivilolesyo ivya chumi umumutumwa vyalolike umukasi muli mwewe mwensi umukujimbilila, muvilolesyo na muvizungusyo nivizungusyo. ¹³ Alino mwali mwe yakumanyikwa panono ukulusya nayamwi ayamumachalichi, kwene ntali ne wakuwapela amelenganyo mwemwe? Munjelele nene apa uyipe wukwene! ¹⁴ Lola njisenginye apakwiza kakwe chitatu ukuli mwemwe. Ntaliza inje ne wakukupela intazi mwemwe muno insikulonda nanti chimwi ichinu. Inkulonda mwemwe. Apakuti ana yatazipile apakupususya a pafi. Loli, apafi ayano yazifile pakupususya ana. ¹⁵ Indaya ninsansa pakusumba nupya nasumba kuli mwemwe uwumi wane. Ndi imbakunzile mwemwe ukulusya, nemo inkundwe panono? ¹⁶ Kwene muno viyelile, intawapile intazi mwemwe, Kwene muno ne wakuyilemela, anene nemuno nayilemile mwemwe ukuya mweyakuyipichizya . ¹⁷ Wuzye nazanile penepo ulongo kuli mwemwe kuli wino namutumile kuli mwemwe? ¹⁸ Nalenzile tayatasi kuno ayize aye kuli mwemwe , nupya natumile wunji panga n a weliwe. Wuzye tayatasi nazanilepo ulongo pali mwemwe? Wuzye tutapitanga umumupasi uli wumwi? Wuzye tutapitanga umumatampulo aliyamwi? ¹⁹ Wuzye mukwelenganya umusita yonsi yikweneyi twa yichilananga ichisila sweswe swenga kuli mwemwe? Apa mwnso yakwe Leza, mwayakukundwa tulimuliYesu Kilisitu nukuvwanga vyonsi kuli mwemwe ivyakuwapela amaka. ²⁰ Amuno inkusaya kuno ndi niza ntangambazane ngati muno nkulondela. Inkusaya kuno nsita zimwi mutangamuzane ngati muno mukulondela. Inkusaya kuno kungaya ivyongo, uwuzuwa, ukukalifyanya, umukusoka, ukulwana, ukufyonana, iyewo, uwukali, nu kusita uluvwano. ²¹ Inkusaya kuno ndi ningiza nyochele, Leza wane kuno limwi anganjisya nene pali mwemwe. Inkusaya kuno ningize insoke ku yantu avule yano yakonona ukufuma kali na nomba na yalya yano yatazumila izyawuyipe nu kuzeleleka nu mulunkumbwa nukuzanika kuno yakuviwomba.