¹ Chino chali ichakufuma panthandiko-chino tuvwile, chino tuchiweni na manso yitu, chino tuchiweni namakasa yitu yachilemile- ukuyana nizwi lya wumi. ² Nupya, uwumi wamanyikwe, nupya tuwuweni, nupya twaya swe yakamboni yakwe. Tukuwamanyisya ivyawumi wape, wuno wali na Tata, nupya wuno wumanyikwe kuli sweswe. ³ Vino tuviweni nu kuvyuvwa tukuvwanga nakuli mwemwe, nomba namwe mulaya muwuponga nasweswe. Uwuponga witu wuli na Tata nu Mwanakwe, Yesu Kilisitu. ⁴ Nupya tukuwalika ivinthu vii kuli mwemwe ukuti ukusechela kwitu kufikepo. ⁵ Lii ilandwe linotuvwa ukufuma kuli weliwe nukuti yakumanyisya kuli mwemwe: Leza uwutiswe, nukuti muli weliwe mutaya imfinzi nanthi panono. ⁶ Nditukuvwanga ukuti tuliponga naweliwe nukupita mumfinzi, tukuipa uwufi nukuti tusikuomba umulimo. ⁷ Kweni nditukupita muutiswe ngati vino ali muutiswe tuliponga wenga numuze.Nuwazi wamwanakwe Yesu wukutuswefya sweswe kufuma kuluyembu lonsi. ⁸ Nditukuti tusinuluyembu,tukuiipa swenga, nukuti uwuchumi wusi muli sweswe. ⁹ Kwene nditukulapa amaluyembu yitu, umusuwaliwe numulungamane, ukututetela sile amluyembu yitu nukutuswefya ukufuma kukunthalungamana konsi. ¹⁰ Nditukuti tutayembuka, tukupanjisya wene ukuya uwaufi, nizwi lyakwe lisi muli sweswe.