¹ Intakulonda wewe ukuti mutamanya, yanji, vino yatata yinu wonsi yali mwisiku mwiwingo nukuti wonsi ya chilinginye pali yemba. ² Wensi yawatiziwa muli Mozesi mwiwingo nu muli yemba. ³ Unkuti wonsi yalile vyakulya vilivimwi vya mupasi, ⁴ Wonsi yamwila vyakumwa vilimwi vya mupasi ukuti yamwila kufuma mwiwelya mupasi lino lyakonsile woliwo, nukuti lino iwe lilya lyali a Kristu. ⁵ Kweni Leza atasechila na nyinji muli woliwo, nukuti imivimba yawo yasasila mu mpanga. ⁶ Nomba vintu vii vyakulanjizya kulisweswe, alino tutakumbuchila vintu viyipe vino yakumbuchilanga. ⁷ Tutaya na ya ngoza, ndi vino yamwi yali. Vino ngati muno vyawalikwe, ''Antu yikazile pansi pa kulya nu kumwa, yanyamwike pa kwiza.'' ⁸ Lekani naswe tutachita uchende, ngati muno ayinji yawonvile. Mu wanda wonga, mazimbi makumi yayili na yatatu yafwila pamulandu wako vii. ⁹ Pamwi lekani sweswe tumaika Kristu mu mwenzyo , ngati muno ayinji yawonvile nukuti yononika ni nzoka. ¹⁰ Nakupya mutinyilizya, ngati muno ayinji yawonvile nukuti yononika na angeli akufwe. ¹¹ Nomba vintu vino vyawovilwe kuli woliwo ngati ukulazya kuli sweswe. Vya walikwe pa kutulanjizya - kuli muli wuno tukupalamila kupelu yako yamwaka ndi yiza. ¹² Alino lakani wonsi wino akwelenganya ayimilila ningo atapona. ¹³ Pasi amwezyo ukukomikana nawe yano sayinji ku wantu eonsi. Pano, Leza uwisuwilo atalileka amwenzyo yakulusya amaka yako. Namwenzyo alakupa nupya nizila ya kutuchila, alino amakupa kuti mupotelemo. ¹⁴ Nomba , yakundwe yane, wutukini kufuma kuli ya ngoza. ¹⁵ Ikuvwanga kuli wewe ngati antu yano yakawuvwichisya, alino ungapingula chino ikuvwanga. ¹⁶ Ulwako lwa ntayizyo luno tukatayizya lutakwakana mu wenzi wakwe Kristu? Ichitumbuwa chino chamonyoka, chitakwakana mu mwili wakwe Kilisitu. ¹⁷ Pamulandu pali chitumbuwa chonga. Wino swe yanji mu mwili wonga. Swensi twatozila chitumbuwa chonga pamwi. ¹⁸ Lola pa ya Isilayeli vino ukulingane pa mwili. Sayano yalile infinga pa saka. ¹⁹ Ichani ikuwanena alino?vino kuli yangoza kuli chimwi? Pamwi vino chakulya chafinga kuli yangoza kuli chimwi? ²⁰ Kweni ukulanda ni vintu amakandi akulukuwa yakupa, vino yakupa vintu vino kuli chiwa nukuti kuli Leza pola. Itakulonda kuti wuwanyako kuli chiwa! ²¹ Utanga umwa ulwako lwakwe Leza nu lwako lwakwe chiwa. Utanga wanyako pa chipango chakwe mwene ni chipango chakwe chiwa. ²² Pamwi uzye ukukana mwene umuzuwa? uzye we wamaka ukulusya wene? ²³ 'Vintu wonsi ivi sunde, '' kweni vintu vyonsi sivizima. Vintu vyonsi ivisunde, kweni vyonsi vitanga vizenge antu. ²⁴ Pataya na weng alonda vyakwe visuma. kwene, wensi wenga amulondela visuma muze wakwe. ²⁵ Lya vyonsi vyakukazya ku musakano ukwawula mawozya iwuzyo muno ukuwuvula. ²⁶ Pano '' insi yakwe mwene, na vino vyamuzulamo.'' ²⁷ Ndi uwabuta kuwilo akukwama ku kulya chakulya nukuti walinda pa kulya, Lya chalicho si chino yakukupela kwawula uku koloozya iwuzyo vino akuchula. ²⁸ Kweni ndi umwi akukunena, '' chino yakupila ichawupi, '' Alino ulalya chene pamulandu kuli wenga wino wakunena na pamulandu wa kuchula. ²⁹ Ukuchula kwa muntu muze, ikusula nukuti sukwako. Aalino ichani chino wutungwa wene ukupingulwe nu kuchula kwakwe muze? ³⁰ Ndi nemo mu luse kulila, ichani chino nene ikutukwe kuli vino kuli achino kusalifya? ³¹ Alino ukulya pamwi ukumwa, pamwi ukuwomba, vyonsi ukuwombela mu ukulu Lyakwe Leza. ³² Utavwanga iviipe ku wayuda na ku wa Giliki na ku ng'anda yakwe Leza. ³³ Muzila yiliyimwi ikwezya kusechelesya antu wonsi muli vino vyonsi. Itakulonda chimwi ichane, kweni chino ichawinji. IKuwomba vino ukuti ize yapusuka.