¹ A sekivunia o Jisu na lea vivavuli ina voha vaibalebale,” a kwaya” A tahila nae cola a seia lea naga ni vaini, a vabania vavina, a kelia qea na lea I keli ni vaini. A tara e hila lea were na dau ni vatawa a qei lihitakinia lea naga ni vaini vuara o kura na sei vaini. A deidei o kua a yagwadji ina hila na vanua vayawa.

² . Ina gauna donu a qei vatalasia hila lea ecola cakacaka o taukei ni naga ni vaini me lai kou hila ma nav aini vuara na seivakinia koto lea naga ni vaini.

³ . A ra yakavia, a ra vadereia, a ra vatatailisia, a hukai hila na kwa a ra holia ma vua, ⁴ . A mei vatalasia tale e hila tale lea ecola, a ra mei vadereia vabura hara a yacovia ke hila na majila levu e ulu ji rewa ni kwaya ni sei tovo vamadjua haraga.

⁵ A mei vatalasia tale e hila tale, ia o kua okwe a ra sini vamasenia.Nai tov ovata kotoga okwe a ra mei tara vuara o kura na mei lei vatalawa I taku ara sini vamasenia taucoko hara. ⁶ A qai vo ju gaho e hila me vatalasia honi o luvea vo gaho e dreu vahamia. Lea numia o kua,’’Era na rokovia o luvea vagaho.

⁷ A ra qai kway ana seivakinia koto na naga ni vaini’o kua e luvea, na kea hohomi.Muju lama ni kua ji vamasenia ke me rewa ni letatou na lea I wahe ni yau. ⁸ A ra tobokia, vamasenia, a ra viritakinia I taudaku na naga ni vaini.

⁹ Ian aca ena qei tara nai taukei ni naga ni vaini?Ena lama o kua ena vatatailisira na seivakinia koto na naga ni vaini a holia na naga ni vaini vuara nai vavetawa vou. ¹⁰ Muju bau wilikia ho nai vohavoha okwe?Na vaju ara bilia dei na dau ni tara were a qei yaco me sai vadei ni juju ni were.

¹¹ O kwe nai jukujuku mai vu ana leju kalou, e sei rogorogo vina ho vo ketatou.

¹² A qai jubusira e hila na yalo ara mata vehukia o Jisu, a ra qei leqwataki nira nae cola ara vahoqonivata homa mera lamai rogo lea I vunau o jisu, Ni matata koto vuara na voha vaibalebale e li kwai koto okwe e balesira koto. A ra deinia dei juwa na viagwane ara lehu tale. ¹³ A ra qai vatalasirea e yavalu na farisi qeinira na kawa ni Eroti vua me ra lamai vihamei qera vavoha.

¹⁴ . Na gauna ara lamaike ara qei kwaya vua,’’ Qahenivuli, Maji kilasia ni o iko I tasi dau kawaitakinia Ledra numia ecola. O iko muni I tasi dau vadjuidjui takinira nae cola. Lemui vavuvuli tahila ga e vakilai.E bara donu j uva lawa me maju haumia lemaju I vacavacava e vua Sisa he sikai?Me maju haumia he kua?

¹⁵ . Ia o Jisu e bujutokonia juho Ledra drake ni cola ni vivukiyaki a qei kwaya vuara,’’Balesia na ca miji vatovolei au ke? Muju Kouma vuau e hila na siki ni siliva mequ tolavia’’. ¹⁶ Ara Kouma vua, A qei kwaya vuara,Ó cei kai yaloyalo, o cei e yaca okwe?’’A ra kwaya,’’ O Sisa’’.

¹⁷ . A qei kwaya o Jisu’, Holia vua o Sisa na kwa e lea o Sisa, holia vu ana kalou.’’ A karacira valevu hara na kwa a kwaya. ¹⁸ A ra qai lama o kura na lea I To o setoki,o kura okwe era tamu vabausia na jucake tale main a mase inai ka tolui ni higa,A ra vecugia,

¹⁹ ‘’Na vaeveli, o Mosese a volaia vokematou,’Ke mani mase o tacimu seigwane a hi cola koto leya yalewa, ia eru tamu valuveni, lea vitacini o kua e cola koto me na vamautakinia lea yada lea vitacini a mase ho, me ru na vajubu kawa me ra volai e ruku lea vitacini a mase ho’’. ²⁰ . A ru nokoto e viju na vitacini seigwane, na ulumajua a vayalewa a qei mase, a sikai luvedra.

²¹ Lama nai karua ni ulumajua a lamai lea na yada a mei mase muniu ni hibere ni ru valuveni.A mei kodaki muni nai talanoa vata kotoga honi vua nai katolu ni ulumajua.

²² Na vitacini vujuvuju e kwe a sikai coko luvedru.A mani yaco me mase muni na lewa okwe.

²³ . Ia ni na yavco ma na gauna ni jucake tale main a mase, o cei vuara na lewe ni viju nai vitacini seigwane o kwe e na wili vu ana yada o kwe me nia lea yalewa ni vamau ‘’ kai balebale o kuru coko a Ledra osi homa na lewa okwe’’. ²⁴ A qei kwaya o Jisu’’ o kua haraga o kwe lemuju vuni vilecayaki, balesia miji tamu kilasia nai balebale ni voha cala ni kalou qeinia na kaikai ni kalou.

²⁵ . Na gauna era jucake maike main a mase,era na tamu vamau he mera vibuku, era na kodaki ju na agilosi mai lomalagi. ²⁶ Ia me balesira o kura na mase ho ara qei jucake tale, e kwaya na lea I vola o Mosese na gauna a voha ken a kalou main a yaloga ni vikaikai a mudre ju,’’O au lea kalou o Eparama,lea kalou o Aisake,qeinia lea kalou o Jekope’’

²⁷ O kua na kalou o kwe Ledra kalou na cola, tamunia Ledra kalou na mase.E vacala ni kemutou valevu lemuju numia. ²⁸ Tahila na vunivola a rogo koto ledra viuqwa, a rogo muni koto lea I vamacala matata o Jisu vuara. A vacegunia hara’’,Naca nai vunau bibita tahila?

²⁹ . Qai haumia o Jisu a kwaya’’Nai vunau bibita tahila okwe,’’Muju varorogo ma na isireli,O jiova tahila ga leju kalou, o kua e tahila ga.

³⁰ . Mo lomania o jiova na lemu I Kalou I yemu yalo taucoko, I lemu lewe ni yaloga taucoko, I na lemu vakahama taucoko qei nia lemu kaikai taucoko.

³¹ Nai karua ga ni vunau okwe,’’Lomania o kua miri vivolekasi vata me kodaki haraga na lemu lomaniko.’’E sikai hila tale nai vunau bibita me kodaki o kuru nav unau ruarua okwe. ³² A kwaya tale na vunivola,’’Donu vina qahenivuli!’’ E djina taucoko na kwa I kwaya ni leju kalou e tahila ga e sikai hilatale eru lewe rua vata.

³³ Meju lomania I leju yalo taucoko, ina leju kilasia taucoko qei nia leju kaikai taucoko,qeinia muju lomania o kura ji cola vivolekasi qera me kodaki haraga lemu lomaniko vai niko,o kwe nai vunau levu vatautauvata na kea bibita na vacabe horo.

³⁴ Na gauna e tolavia ke o Jisu ni donu vina lea vamacala, a qei kwaya vua’’O iko I voleka haraga ho vua na mataniju ni kalou.’’Ni osio honi e sikai hilatale a dauvakinia ho na vecucu vua o Jisu. ³⁵ A voha o jisu na lea vivavulikoto ina yaloga ni ba ni were ni loju, a kwaya ‘’I vei kodaki okwe na ledra kway ana vunivola ni nia o luvea o Tevita na karisito?’’

³⁶ A qei kwaya o Tevita ni uqesia homa na yalo ni kalou,’’A kwaya o jiova vu ana lequ kalou,tadra dei koto I lequ yaha I matau yacovia na gauna qina hakwalaki nira ke nak emu meca me ni rta kai juju mun la.

³⁷ O Tevita vainia e covia ke lequ kalou,e qei rewa vaca me nia tale o luvea o Tevita na karisito.A ra qei levu gaho nae cola ara qai uqesi gaho me ra lama I varorogo vua ³⁸ A qei kwaya vuara o Jisu ina lea I vivavuli,’’Muju qarauni kemutou vina hara mai vuara na vunivoloa,e ra yato wavoki ju ina ledra I hulu yabalavu me ra covia juke ledra kidavaki mai vuara nae cola ina vanua ni vivoli.’’

³⁹ Era drau vinasia muni me ra tadra I yata ina viwerewere ni loju vata qeinia mera dau kana I mata ina hoqo.

⁴⁰ Era dau vayakavia ledra I yau na yada,a ra yabalavu ledra mahu me ra qorovira ken a ecola.O kura okwe ena levu hara na ledra lai ocasi. ⁴¹ O jisu a tadra volekasia koto na vanua ni holi I were ni loju,a tolavira koto nae cola ledra lawa I holi.Levu hara nae cola vai caqe ara holia nai lavo yalevu.

⁴² . A yabe harajuhowa e hila na yada a valujunia hara e ruan ai lavo yagere hara kea levu e sisiveni. ⁴³ A qei covira na lea dauniviqwaravi o Jisu a kwaya vuara,’’Hila nai jukujuku kwadjina qi mata vatakea vukemutou,na yada o kwe e levu tahila na kwa e holia mai vuara coko na holi kwa n ahiga nikau.

⁴⁴ . O kura coko kea vo e taciqi botoma na kwa ara holia mai na kwa e koro ju vuara,ia na yada o kwe na lea I yau taucoko haraga a lama I holia e wili ken a kwa me cola ina veihiga.