¹ Na kalou a deinia na vanua a la ina yavuha o Jiutia qeinia e hila tale na yaha ni ruwai o Joritani, nai vavakoho ara la tale ma i vua. O kua vavulicira tale, ni matau juho vua me tara. ² Ara lama na farisi i vua mera vatovolia, ara tarogi,' E rewa me hila na seigwane me here ledru vamau qeinia la yalewa?'. ³ A haumia a kwaya", Naca a varosia o Mosese vokemutou. ⁴ Ara kwaya,: O Mosese a vataraia na seigwane me volaia nai vola oqo, a kwaya na kalou i vuara. ⁵ Balesia boto lemuju yalokaikai a vavunia me volaia vokemutou nai vola oqo, a kwaya na kalou vuara. ⁶ Ia ina sekisekivu ni veibuli, na kaloua bulia na lewa qeinia na seigwane. ⁷ Me balesia okwe na seigwane ena deinia o tamaya qeinia o hunaya me lai hilavata qea ho lea yalewa. ⁸ Ia o kuru na rua a yaco gaho meru hila ga. ⁹ Ia na kwa e hemasiaho na kalou, hukai hila na ecola ena waheiru dei. ¹⁰ Na gauna aru nokoto ke ina were, kuru na jiseveli ara tarogia me balesia okwe. ¹¹ A kwaya vuara, ' O kura ga e vihere qeinia lea yalewa a vamau qea tale e hila tale na lewa, o kua e matamata lewa. ¹² Kodaki e hila na lewa e deinia lea seigwane a vamau qea hila tale na seigwane, o kua e matamata seigwane. ¹³ Ara qai meia ma o luvedra yahewa i vua, me rewa ni dereiru, ia na jiseveli a vunaucisira. ¹⁴ Na gauna vakawaia ke o jisu, A qai ocasiru la tisaipeli a qai kwaya vuaru muju deniru na vero me ra lama vakeau, Muju kua ni tarovira balesia o kura e ledra na mataniju valomalagi. ¹⁵ Qu kwaya osi ho vakematou, O kua e tasi vabausia na mataniju ni Kalou me kodaki na vero hewa ena tasi hita. ¹⁶ A qai roqosiru na vero ve lima a qai vakalougata taki niru na gaunaa deiniru ke. ^{17 18 19} Na gauna a sekivu ke na lai tosotoso, e hila na ecola a druha ma vua a qai sekijuru a qai kwaya, qahenivuli vina naca mequ tara mequ rewa ni rewasia ke na cola tawamuju. A qai kwaya vua o Jisu, naca e vu o covike na qahenivuli? Hukai hila tale e vina me kodaki na viagwane tahila ga. I kilasia koto ho nai vunau, kua na vidravasi, kua na laba, kua na vibeitaki vailoa, me dau rokoviru na lejui jubujubu. ²⁰ A qai kwaya na saigwane vua, qahenivuli na kwa coko okwe qina vabausia ho na lequ jubu cake ma me cadravia na gauna okwe. ²¹ O Jisu a tolavia, a lomania, a qai kwaya vua e hila na kwa e hukai vuako, mo la, mo volitakinia na kwa coko e no vuako, mo holia vuaru na dravudravua. Ina qai vaiyau i lomalagi. Mo lama mo sekuci keau. ²² A qai matabura ho ina vuku voha honi, a qai ladei ho ina levi ni lea rarawa balesia ni ecola vujuniyau. ²³ A qai tola o Jisu a qei kwaya vuara lea Jisaipeli e rewa vaca vua na ecola vujuniyau me rewasia na mataniju ni Kalou. ²⁴ A karacidru na Jisaipeli na voha a kwaya o Jisu. A qai kwaya tale vuaru na vero e dredre vaca me muju rewasia na mataniju ni Kalou. ²⁵ E rewarewa vua na kameli me hita ve na mata ni cula he na ecola vujuniyau me rewasia na mataniju ni Kalou. ²⁶ A karacidru coko, a qai kwaya vuadru o cei ena vacolai rewa. ²⁷ Na Kalou a tolavidru a qai kwaya, Na kwa e dredre vo na yacola e rewarewa veke au. ²⁸ O Vita a sikivu ho me voha vua. Tolavia, maji denia ho na kwa coko me maju sekuciko. ²⁹ Na Kalou a kwaya qi kwaya jina ho vuako e hukai hila e denia na were he veitacini, veigwaneni, veiluveni he na qwele qu vuku ga qenia na kosiveli. ³⁰ O kua ena tasi ciqomia va hilanadrau na gauna ni lea cola ina yataga ni vuravura okwe na were, veitacini, veigwaneni lewa, vero yahewa he na vanua, qeinia na veivaburataki, vata qeinia na gauna ehi bere ma ina cola tawa muju. ³¹ Lewe levu era seimata eri na sitaku qeiniru na sitaku eri na seimata. ³² Ara yato ho i calevu mera lacake ho i Jerusalemi, na Kalou a simata taki niru, a qai karacidru niru seseku vuka. Na Kalou a qai qulumidru e lewe Jinikarua na Jiseipeli a qai sikivu voha vuadru a kwaya na kwa e varau yaco i vua. ³³ Tolavia qina lacake i Jerusalemi, qeinia na luveni yacola me holi i vuaru na bete levu qeiniru na vunivola eri na lewaia me mase, aru holia i vuaru na mataniju hila yali. ³⁴ A ra varivarivacia, katahivisia, rubicia, ara qai va mase nia, osi e tolu na higa a cola tale ma. ³⁵ O Jemesa qeinia o Joni o luvedru o Sepete a lacake ma vuadru a kwaya, vavuvuli maji vinasia mo tara na kwa miji vinasia mo tara. ³⁶ A kwaya vuaru naca miji vinasia mequ tara vekemutou. ³⁷ Ara kwaya vataraikematou me maju tadra ina lemu i ukuuku, e hila mu lima i matau e hila tale mu lima i mawi. ³⁸ A voha lehu na Kalou i vuaru a kwaya miji tabu kilasia na kwa miji kerevia miji rewa ni homu ina bilo qi homu ke me muru vavitaiso ina vavitaiso qina vavitaiso ke. ³⁹ Ara kwaya vua io e rewa. A kwaya na Kalou i vuaru na bilo qina homu ke miri na homu muni ke, na vavitaiso qina vavitaiso ke miri na na vavitaiso muni ke. ⁴⁰ Ia o cei ena tadra i qu lima i matau he ocei qu lima i mawi, e tamu sa lequ mequ holia, ia vuaru ga era varau takinira ⁴¹ Na gauna aru rogo ke na jini na Jisaipeli me balesia na kwa okwe. A sikivu ho meru katakata sidru o Jemesa qenia o Joni. ⁴² A qai covidru Kalou a qai kwaya vuadru, miji kilasia koto ho niru lewaia na veimataniju kura era kilai menia ledra Juraga aru tamu mata kawaitakinia na levu ni kaikai a no vuaru. ⁴³ Ia honi me kua ni kodaki ke vekemutou. Ia o kua ga e vinasia me levu ma i vuako honi na yecola viavialevu. ⁴⁴ Era na yecola tasi yaga boto kuru na yecola eru dau viavia Juraga. ⁴⁵ A tasi lama na luve ni Kalou me qwaravi ia me dauniviqwaravi. A holia lea cola me balesikedatou. ⁴⁶ Aru qai cadra i Jeriko , i Jeriko a qai deidei tale o kua qeniru la tisaipeli , aru taubale kotoma i calevu aru hota qae o luvea Timeo , Pateo na mataboko . ⁴⁷ Na gauna a rogo ke ni cadra ma na Kalou o kua a qai mio aqai kwaya na Kalou o luvea o Tevita kerekere lomani ke au. ⁴⁸ Aru qai kwaya vua na yacola me nolo , okua a qai mio a qai kwaya na Kalou na levea o Tevita loma niko au ma. ⁴⁹ A qai ju vahila na Kalou ni rogo toko la coco aqai kwaya vuadru na yacola meru covia ma aru qai kwaya vua na mataboko jucake o yato vo na Kalou oiko i lai covi . ⁵⁰ A viritakinia vasikisiki la kote a sekivu yatovia ho. ⁵¹ Aqai rogo toko la coco na Kalou aqai kwaya vua naca i vinasia mequ tara vuako aqai kwaya o kua kerekere aqi vinasia mequ tola. ⁵² Aqai kwya vua na Kalou la ina vabausia oiko i tola ho , Na gauna ga a tola ke a mata sekivu ho me sekucia na Kalou.