¹ Si Pablo, usa ka sulugoon sa Dios ug usa ka apostol ni Jesu-Cristo alang sa pagtuo sa mga piniling katawhan sa Dios ug sa kahibalo sa kamatuoran nga nahiuyon sa pagkadiosnon, ² uban sa paglaum sa walay kataposang kinabuhi nga ang Dios, dili mamakak, misaad sa wala pa ang tanang kaliwatan. ³ Sa tukmang panahon iyang gipadayag ang iyang pulong pinaagi sa mensahe nga iyang gisalig kanako nga ipahayag ako nagahimo niini pinaagi sa mando sa Dios nga atong manluluwas. ⁴ Ngadto kang Tito, usa ka tinuod nga anak sa atong managsamang pagtuo. Grasya, ug kalinaw nga gikan sa Dios nga Amahan ug kang Cristo Jesus nga atong manluluwas. ⁵ Alang niini nga katuyoan ikaw akong ibilin sa Creta, aron ikaw mamahimong maghan-ay sa mga butang nga wala pa nahuman ug magtudlo sa mga pangulo sa matag siyudad ingon sa akong gisugo kanimo. ⁶ Ang usa ka pangulo kinahanglan walay ikasaway, ang bana sa usa ka asawa, uban ang matinud-anon nga mga anak dili mapasanginlan sa pagkadaotan o masinupakon. ⁷ Kini kinahanglan alang sa tagalantaw, ingon nga tigdumala sa panimalay sa Dios, nga dili salawayon. Siya kinahanglan dili mapahitas-on, dili dali masuko, dili hinginom ug bino, dili palaaway, ug dili hakog nga tawo. ⁸ Hinuon, kinahanglan siya maabiabihon, higala sa kung unsa ang maayo. Siya maalamon, matarong, diosnon, ug adunay pagpugong sa kaugalingon. ⁹ Kinahanglan nga siya gayod nagahupot ug hugot sa kasaligan nga mensahe nga gipanudlo, aron nga siya makahimo sa pagdasig sa uban sa maayong pagpanudlo ug pagtul-id niatong misupak kaniya. ¹⁰ Tungod kay adunay daghang masinupakon nga katawhan, walay pulos manulti ug malimbungon, ilabina niadtong mga tinuli. ¹¹ Kinahanglan gayod nga pahunongon sila. Gisamok nila ang tibook pamilya pinaagi sa pagtudlo sa makauulaw nga kaayuhan nga dili nila angay itudlo. ¹² Usa sa ilang kaugalingong propeta miingon, "Ang mga Cretanhon mga bakakon, daotan ug makuyaw nga mananap, tapolan ug mga ulitan." ¹³ Kini nga pahayag matuod, mao nga tul-ira sila pag-ayo aron sila mamaayo sa pagtuo. ¹⁴ wala magtagad sa mga tomotumo sa mga Judio o sa mga balaod sa mga tawo ng mitalikod sa kamatuoran. ¹⁴ Ayaw paghatag ug bisan unsang pagtagad sa mga tinuohan sa Judio o sa kasugoan sa tawo nga mitalikod sa kamatuoran. ¹⁵ Alang niadtong putli, ang tanang mga butang putli. Apan niadtong libongan ug dili matinuohon, walay putli, kay ang ilang mga hunahuna ug konsensiya limbongan man. ¹⁶ Sila nag-angkon nga nakaila sila sa Dios, apan ila siyang gisalikway pinaagi sa ilang mga binuhatan. Sila salawayon ug masinupakon. Sila wala mahiuyon sa bisan unsa nga maayong buhat.