1
Kay tan-awa, ang adlaw moabot, nagdilaab sama sa hudno, sa dihang ang tanang mapahitas-on ug ang mga daotan mahimong tuod. Ang adlaw nga moabot mosunog kanila," nag-ingon si Yahweh sa panon, "aron nga walay mabilin niini bisan gamot o sanga.
2
Apan alang kaninyo nga adunay kahadlok sa akong ngalan, mosubang ang adlaw sa pagkamatarong uban sa kaayohan sa iyang mga pako. Manggawas kamo, ug manglukso sama sa mga nati nga baka gikan sa puy-anan sa mananap.
3
Nianang adlawa tamaktamakan ninyo ang mga daotan, kay mahisama sila sa abo ilalom sa inyong mga tiil sa adlaw nga ako molihok," nag-ingon si Yahweh sa panon.
4
"Hinumdomi ang gitudlo sa akong sulugoon nga si Moises nga akong gihatag kaniya didto sa Horeb alang sa tibuok Israel, ang mga balaod ug ang mga hukom.
5
Tan-awa, ipadala ko kaninyo si propeta Elias sa dili pa moabot ang dako ug makalilisang nga adlaw ni Yahweh.
6
Tandogon niya ang kasingkasing sa mga amahan ngadto sa mga anak, ug ang kasingkasing sa mga anak ngadto sa ilang mga amahan, aron dili ako moanha ug moataki uban sa hingpit nga kadaot".