¹ Ang leader sa hinigugma nga Gaius, nga akong gihigugma diha sa kamatuoran. ² Hinugugma, ako nag-ampo nga molambo ka sa tanang butang ug magmahimsog, sama nga ang imong kalag malamboon. ³ Kay ako nalipay ug dako sa dihang ang mga kaigsoonan miabot ug nagdalag pagsaksi sa imong kamatuoran, ingon nga naglakaw ka diha sa kamatuoran. ⁴ Wala nay labaw sa akong kalipay gawas niini, nga madungog nga ang akong mga anak nagalakaw diha sa kamatuoran. ⁵ Hinigugma, nagkinabuhi ka sa pagkamatinud-anon sa nagapamuhat ka alang sa mga kaigsoonan ug alang sa mga langyaw, ⁶ nga maoy nakasaksi sa imong gugma taliwala sa simbahan. Maayo ang imong gibuhat sa pagpadala kanila sa ilang paglakaw sa pamatasan nga takos sa Dios, ⁷ tungod sa katuyoan sa ngalan nagsangyaw sila, nga walay gikuha gikan sa mga Gentil. ⁸ Busa kita kinahanglan moabiabi sa sama niini, aron nga kita mahimong isigka magbubuhat alang sa kamatuoran. ⁹ Nagasulat ako ngadto sa congregasyon, apan si Diotrefes, nga gustong mauna taliwala kanila, wala modawat kanamo. ¹⁰ Busa, kung moabot ako, akong hinumdoman ang iyang mga buhat nga iyang gihimo, nagsulti ug dautan batok kanamo. Wala pa matagbaw niini , siya gayud wala modawat sa mga kaigsoonan, iyang gidid-an kadtong nagtinguha sa pagdawat kanila ug gipapahawa sila sa simbahan. ¹¹ Hinugugma, ayaw sunduga unsa ang daotan apan kung unsa ang maayo. Ang usa nga nagbuhat ug maayo iya sa Dios; ang usa nga nagbuhat ug daotan wala makakita sa Dios. ¹² Si Demetrius nahimong saksi pinaagi sa tanan ug pinaagi sa kamatuoran. Kami usab magpamatuod, ug nasayod ka nga ang among pagpamatuod tinuod. ¹³ Aduna pa akoy daghang mga butang nga isulat kaninyo, apan wala ako manghinaot sa pagsulat niini alang kanimo pinaagi sa igsusulat ug sa tinta. ¹⁴ Apan naglaum ako sa pagpakigkita kaninyo sa dili madugay, ug mag-atubangay kita sa pag-istoryahanay sa usag-usa. ¹⁵ Ang kalinaw maanaa kaninyo. Ang mga higala nangumusta kaninyo. Pangumustaha ang mga higala pinaagi sa ngalan.