¹ Bo u Yesu akwingila sona mu sunagogi akabapo yumo umunthu yo akalemala inyobe. ² Abanthu bamo bakalondanga ukuti balinge nanthi angamupozga pasabata, ukuti bamupe inongwa. ³ U Yesu akamubuzga umunthu umulemale inyobe, "Nyamuka wimilile pakasi pa banthu." ⁴ Po akababuzga abanthu akati, "Ka lulaghiro pakubomba ichiza pisiku pisiku lya sabata pamo chibibi; pakupoka ubumi pamo ukukoma?"Lori bakaba bwaka myaa. ⁵ Akabalingisya bonsi nubukalale, sona akaba nichitima chifukwa chabuwomu bwa myoyo yabo, sona akamubuzga umunthu, "wolosya inyobe,"Akawolosya, inyobe yache mo yikabela. ⁶ Abafalisi bakafuma panzi akabaliro akonyene bakivwana mobangamukomela. ⁷ Po u Yesu, nabamanyili bache, bakaya ku nyanja, sona abanthu abinji bakamukonkha ukufuma ku Galileya na ku ⁸ Yudeya, Sona ukufuma ku Yerusalemu, Idumeya, ukupululira mu Yolodani, nukuzgungulila mu Tire na mu Sidon.Bobivwa vyo akabomba, abanthu abinji bakabuka kukwache. ⁹ Akababuzga abamanyiri bache ukuti basende akabwato akanandi chifukwa chabwinji bwa banthu, ukuti atakafyenyiwenge. ¹⁰ Bo apozga abinji,po wensi yo akayimbanga nubulware, akaba ninyota ukuti amupalamasye. ¹¹ Zgope imphepo imbibi bo zgamulinga, zikawa panthazi zgache, nukukukuta ukuti, Üwe we mwana wa chala." ¹² Akabakomelezga ukuti batakaye bamulate. ¹³ Bo akukwera ichipiri, akabitizga bo akabalonanga, po bakiza kukwache. ¹⁴ Akasala abanthu twelovu ( bo akabitizga ukuti abatumiwa) ukuti bo abenge nabo sona nukuti abatumenge pakulumbilira izgu, ¹⁵ sona akabapa amaka aghakufumizga imphepo imbibi. ¹⁶ Akabasala twelovu: u Simon, yo akamupa izina lya Petulo; ¹⁷ Yakobe umwana wa zebediya, nu Yohani uwamwabo wa Yakobe, yo akamupa izina ilya Boanerge, chochikung'anamula,abana ba libingu; ¹⁸ u Andileya nu Filipu, Baratumeyo, Mateyo, Tomasi, Yakobe umwana wa Alifeyo, Tadayi nu Simoni uwa mukaya ka kana, ¹⁹ po nu Yuda sikaliyoti, yo akamutwala u Yesu munyobe zgabalwani. ²⁰ Po akaya kunyumba, abanthu abingi bakamubunganila sona, chochikapangisya ukuti bapotwe nukulya ichibama. ²¹ Bo abakamu bache bivwa, bakabuka nukumuwomya, pakuti abanthu bakatingi, umutu wache wuvulunganite. ²² Bo abamanyandaghiro bakwisika ukufuma ku Yerusalemu bakati, ali ni mphepo ya belezebule, " sona momubulamuliro bwa mphepo imbibi mo umwene akufumizga imphepo imbibi." ²³ U Yesu akabitizga nukunena nabo mu vyili ukuti, ka u satana angamufumya u satana umunyabo? ²⁴ Nanthi ichinamwene chikusambukilana chene, ichinamwene chitangabako. ²⁵ Nanthi inyumba yikusambukilana yene, inyumba iyo yitangabako. ²⁶ Nanthi usatana akwinyamukila mwene, nukugabinkhana atangabukilira sona, ubo bo bumaliro bwache. ²⁷ Nayumo yo angapangula inyumba yamunthu uwamaka nukwiba ivinthu vyache, pala atamupinyite tasi umuntu wamaka yula, po anginjira mnyumba yache nukwiba. ²⁸ Nalori nkhunena numwe, izga bana ba banthu zikuzukuhobokeliwa, navyosi vyo bakamusamula navyo. ²⁹ Lori wensi yo akutuka umuzimu umuswepu atakuzukuhobokeliwa, pakuti bo ananga iya bwile na bwile. ³⁰ U Yesu aknena vino chifukwa chakuti bakanenanga, " ukuti ali nimphepo imbibi." ³¹ Unyina na bawamwabo bakiza; nukwimilira kunzi, bakamutuma yumoma pakumwitizga. ³² Ichilundiro chikikala umwakumuzgungulura u Yesu nukumubuzga ukuti, " umama wako nabawamwinu bali kunzi, bakukulonda." ³³ Akabamula, " umama wane wewenu? naba wamwitu bobawenu?" ³⁴ Akabalingisya abanthu bobakikala umwakumuzgungulira nukunena ukuti, " umama wane naba wamwitu bo abanyene bo ndi nabo losulu! ³⁵ Pakuti wensi yo akubomba ubwighane bwa chala, yo wewamwitu, muyemba wane, sona we mama wane."