¹ Bo Uyesu akufuma mu Tempeli, weka umumanyili akanena kukwache, '' Linga amabwe aghakuswighisya nivyakuzenga ivyakuswighisya.'' ² U Yesu akanena kukwache, ukulinga ivyakuzengiwa ivi? Ibwe nalimo lyo inthi lisyale sona liwe pansi.'' ⁴ Bo ikalite pamwanya pachipili cha olive umwakulingana ni tempeli, u Petulosi, Yakobe, Yohani nu Andulu bakamulalusya kumbali. '' ³ Tubuzye po ivinthu ivi vikwiza pakubombiwa? ka tulimanyila muchoni ukuti ivinthu ivi vili papipi pakubombiwa?'' ⁵ U Yesu akanda pakunena kukwabo ukuti, '' muchebe ukuti nayumo''abapusike.'' ⁶ Abanthu abinji baliyizila mwizina lyane baliti, nene sona baliza babapusike abanthu abingi. ⁷ Nanthi mwiza mwivwa ukuti ubwite buli apa napa, mutakize mupasye awe; Ivi vilibombiwa loli ubumalilo buchili. ⁸ Ichisu chililwanga nichisu ichinyabo. Kuliba ivindindindi amalo aghinji, ni nzala. Ivi bobwandilo bwa nthamyo. ⁹ '' muchebe, Inthi bakabapenge inongwa nukubuma muma sunagogi ghabo. Inthi mukimililenge pa mafumu napa ba mwene panongwa yane, ukuba lusimikizyo kukwabo. ¹⁰ Loli uye ulumbilile amazyu ghane kuvisu vyonsi. ¹¹ Nanthi biza babapinya bababika pabulongelo mutakize mupasye ichakunena ukuti mukuyukunenachi. Ivyakunena mulupewa nzila. Temwemwe mulinenanga loli umzimu. ¹² U wamwabo nu wamwabo balikomana, sona utata nu mwana. Abana balisambukila abapapi babo nukubakoma. ¹³ mulibengiwa nabosi chifukwa chizina lyane. Loli yo akujimbilila mpaka pa bumalilo, umunthu uyo alipona. ¹⁴ ''Nanthi mwiza mwalinga ivya masiku, nivyakukomania vili pabuyo po vitabaghile ukuba,'' muleke uwakubelenga ivwe) '' mwize muleke bobali mu Yudeya bakwele muvipili,'' ¹⁵ leka bobali pamwanya panyumba batakisike sona, batakasendemo nachimochimo, sona ¹⁶ muleke yo ali kuvyalo atakanyokele pakusenda ichakuvwala vyache.. ¹⁷ Loli mukosi ku bo bali nabana mu nthumbo nukonsya abana babo mumasiku agho! ¹⁸ mwipute ukuti vitakabombiwe mulupepo. ¹⁹ Pakuti amasiku agho kuliba inthamyo zyozitachitikitepo kubwandilo, po uchala akapelanga ichisu mpaka ilelo, po tevikachitikepo sona. ²⁰ Pene papo nanthi uchala afupizya amasiku nachimo ichabumi cho chingapona. Loli umwakusala ku bo bamenye, yo akufupizya amasiku. ²¹ Nanthi yumo akunena kukwinu, '' linga'' pano pali uyesu! sona yuno ali kuno, mutakize musubalilenge. ²² Pakuti abayesu ababumyasi na bawonela ababumyasi baliboneka nukubapa ivisimikizyo, ukubasobezya, nanthi chamachitiko nabasaliwa bwaka. ²³ mube maso papo nababuzizya nzila ivinthu vino poakabalilo kachili . ²⁴ Loli pala inthamyo izyo ziza zyapululila mumasiku agho, '' izuba liliba chisi, umwezi te wukabale, ²⁵ inthondwa ziliwa ukufuma kumwanya, amabulamulilo gho ghali mumwanya ghaliyingana. ²⁶ po balilinga umwana wa munthu akwiza pa mabingu nubulamulilo ubukulu sona nubuchindamu. ²⁷ Po alituma abangelo ukubungana poka naba saliwa ukufuma ku mphepo folo, ukufuma kubumalilo bwa chisu mpaka kubumalilo bwa kumwanya ²⁸ Mumanyililepo ukufuma ku chikomo cha mukuyu. Nanthi insamba zyamela bwaka amani sona amani ghapululuka, mukumanyanga pakuti ichisanya chili papipi. ²⁹ Sona nanthi mwiza mwalinga ivinthu vikuchitika, mukamanyenge ukuti u Yesu ali papipi, mukapalamilenge ku mulyango. ³⁰ Naloli nkhubabuzya umwe, imphapwa yino te yikamale mpaka ivinthu ivi vikaboneke. ³¹ Kumwanya nichisu cha pansi vilimala, loli amazyu ghane teghakamale lumo. ³² Loli cho mumanye chakuti isiku nakabalilo nayumo yo alimenye, nabangelo bakumwanya, napo mwana wane loli u Tata mwene. ³³ Mube maso, papo mutakamenye akabalilo. ³⁴ Vikuba ngati munthu yo aba pabulendo aleka inyumba yache, sona abika abambombo ukuti balamulilenge inyumba yila, wensi pambombo yache, sona amubuzya u malonda ukuti abe maso. ³⁵ Mwebaya, po mube maso chifukwa mutamenye akabalilo ko umwenenyumba inthi izilenge; Pangaba popachamabwila lumo pa busiku pakasi, lumo kubuche, lumo sona pandabindabi. ³⁶ Nanthi umwene nyumba angiza umwambula kulayizya, atakize aghe muwonite. ³⁷ Cho nkhunena kukwinu nkhunena ku wensi; Mube maso!''