¹ UKu kokokwanda kwa makani aghiza agha Yesu kilisitu umwana wa Chala. ² Pakuti mumo vikasimbiliwa mwa Yesaya umuwonela, '"Linga, nkhutuma inthumi yane panthanzi pako, yo akwiza pakuyanizga inzila. ³ Amazgu gha yo akwitizga mnkholongo, myanizge umwene umusebo, muwolosye inzila zgache izgakwendamo." ⁴ Po u Yohani akiza, akalumbililanga mnkholongo nizga lozgo lwalupinduko ku mbibi nukozga. ⁵ Akaya kosi aka Yudeya nabanthu bosi abaku Yerusalemu bakabuka kukwache; ⁶ U Yohani akavwalanga ichikwera cha meya gha mphunda nulamba uwa chikwera mumusana, sona ichakulya chache akaba we makantha nu buchi bwa munkholongo. ⁷ Akanena akati," yo inthi ize bo une nafumapo yo ali namaka hee ukumphota une; inkhusa zga sapato zgache nthabaghile ukwinama pati nsatule. ⁸ Nkhubozga umwe na minzi lori umwene inthi akabozge nu mzimu umuswepu." ⁹ Vikabombiwa mumasiku ghala ukuti u Yesu akafuma mu Nazareti muchisu cha Galileya, sona akoziwa nu Yohani uwa lozgo mu lusoko ulwa yolodani. ¹⁰ Bo u Yesu afuma muminzi, akalinga kumwanya kukiwuka sona umzimu umuswepu wukika papache ngati yo nkhunda. ¹¹ Izwi likiza ukufuma kumwanya, " we mwana wane umughaniwa. Yo akunhobosya." ¹² U mzimu umuswepu wukamutuma ukuti aye munkholongo. ¹³ Akaba munkholongo amasiku 40, u satana akamuyezganga. Akikalanga nivinyamana vya munkholongo,sona aba ndumi bakamubombelanga. ¹⁴ Bo u Yohani bamukola, u Yesu akaya mu Galileya nukwanda ukulumbilira izgu lya chala. " ¹⁵ Akanena akati akabalilo kakwanilisiwa sona ichinamwene cha chala chili papipi. Pinduka sona mwitike izga chinamwene cha ku mwanya." ¹⁶ Bo akwenda mumbali mu nyanja iya Galileya, akamulinga u Simoni nu Andileya uwamwabo wa Simoni bakasumbilanga ubukonde mu nyanja papo bakaba bakolanswi. ¹⁷ U Yesu akababuzga akati, " zakuno, munkhonkhe, inthi mube mwe bakukola abanthu." ¹⁸ nakalubiro bakavileka ivilepa nukwanda ukumukonkha. ¹⁹ Bo u Yesu akwenda akuya munthanzi panandi, akamulinga u Yakobe umwana wa Zebediya nu Yohani uwamwabo; bakaba mu bwato bakasonanga amabukonde. ²⁰ Akabitizga sona bakamukonkha nukumuleka u Zebediya mu bwato na banthu bo akabalanjila po abene bakamukonkha. ²¹ Po bakabuka kukaperenawumu, pisiku lya sabata, u Yesu akaya mu sunsgogi pakumanyisya. ²² Bakaswigha pa bumanyisi bwache, akabamanyisyanga ngati we mumanyi yo apeghiwe amaka sona atakamanyisyanga ngati musimbi. ²³ Aponyene umunthu yumo akaba mu sunagogi yo akaba nimphepo imbibi akakolomoka, " ²⁴ Akatingi tubombechi nuwe Yesu wamu nazareti? ka wiza pakutukomania? nkhumenye we mu swepu wa chala! ²⁵ u Yesu akazikalipira imphepo imbibi akati, " ube mya sona ufumemo mumwache!" ²⁶ Imphepo imbibi zikamusumbila pansi zikafumamo mumwache bo akukolomoka nizgwi ilikulu. ²⁷ Abanthu bonsi bakaswigha, bakabuzikizanianga, " chochoni chochikubombwa? ubumanyisi ubupya ubu ubwamaka! yuyo akuchemela imphepo imbibi sona zikumwivwira!" ²⁸ Ubumanyisi bwache bukusata akya konsi aka Galileya. ²⁹ Bo afuma mu sunagogi, bakaya mu nyumba iya Simoni nu Andileya, poka nu Yakobe nu Yohani. ³⁰ Aponyene unyinavyala wa Simoni akalwala akawona kuno akutetema, po bakamubuzga u Yesu izga bulwale bwache. ³¹ Po akiza akamukola panyobe, akamunyamusya; ukutetema kukamala akapola akanda ukubakonkha. ³² Nichamabwira bo izuba linjira, bakiza na banthu bonsi abalwale nabo bakaba ni mphepo inyali. ³³ Akaya konsi kakabungana pamulyango. ³⁴ Akapozga abinji hee abalwale aba mphungo zgakupambanapambana sona akachemela imphepo imbibi, lori atakitikizga imphepo imbibi zira ukuti zinene pakuti zikamumanya. ³⁵ Akanyamuka pandabindabi, nakachisi; akabuka sona akabuka pabutali nkhani pabuyo bwapamwene po akanda pakwiputa. ³⁶ U Simoni nabo bakaba nawe bakanda pakumulonda. ³⁷ Bobamwagha bakamubuzikizga bakati, " Wensi akukulonda," ³⁸ Umwene akati, " zatuye kubunji, tuye ku twaya utunji tuto tuzgunguliliwe nato, chochobene nizite kuno." ³⁹ Akabuka akazgungulila akaya konsi aka Galileya, ukulumbilira muma sunagogi ghabonukufumya imphepo imbibi. ⁴⁰ Uwamambombo akiza kukwache, akamulenganga; akafugamila pansi akanena kukwache akati, " nanthi ukulonda ungamphozga." ⁴¹ Akenda nichibabilizi, u Yesu akamukola inyobe, akamubuzga akati, " nighanite. uswefiwe," ⁴² nalubiro amambombo ghakamala, sona akiza aba akiza bwaka. ⁴³ U Yesu akamusoka hee nukumubuzga ukuti abukenge. ⁴⁴ Akamubuzga akati, " nalori nkhukubuzga utakanene nachimo kwa munthu yumo, bukanga uye wilangizge kuba puti, ukuti baye bakusatule ukuyanana nu laghiro lo lo u Moses akabika, ngati chochisimikizgo kukwako." ⁴⁵ Lori akabuka akanda pakunena nabo amazwi umwakuvulilavulira aghiza aghakumpala u Yesu po u Yesu atakinjira sona mtwaya mula Pabweru akikalanga mukaya mo abanthu bataliko abingi.abanthu bope bakizanga kukwa abanthu kukwache ukufuma mumbali zyonsi.