¹ Abanji basendiwe ukuya kumbombo ya kubika poka ivinthu vyo vikasimbiwa ivya uswe. ² Ngati mobakipelekela kwa uswe bo bakaba bokaboni nabatumiki ba mazuumu chisu. ³ Nune nkalinga ukuti chiza, pakuti nkalalusya akiza umwakufikapo chilichosi ukufuma popabwandilo, ukusimba umwandondomeko kwa uswe. ⁴ Mwakuti ukwendela ukumanya ivya bwanaloli mazyu gho ukadziwa ⁵ Mumasiku gha Helodi umwene wa Yudeya kukaba umulumbilii yumo izina lyache Zakalia mugulu lya bankhondo ba abiya; umukazi wache Elizabeth muphapwa ya Aloni. ⁶ Bakaba bagholosu bonsi pamaso gha Chala, bakendanga mumalamulo navyosi vyovikabikawa ivya mwene. ⁷ Loli batakaba numwana pakuti u Elizabeth atakapapa bonsi babili bakaba bagosi mumasiku ghalanyene. ⁸ Kakiza akabalilo ko u Zakaliya akaba mu lughano lwa Chala, akanyamula ivyakupeleka ivyabupi kwa Chala ngatimo vibelile. ⁹ Ukuyana ni ndondomeko zya kasalile ka muputi yo angiza asunge akasaliwa nu Loti ukuti ingile mu temepeli lya mwene nivyakununkhila. ¹⁰ Abanthu bonsi bakiputa panzi mukabalilo ko ivyakununkhila vikapelekiwa. ¹¹ Uwanthumi wa Chala akaya kukwache akimilila ku malyelo gha kupipi ku chighemo. ¹² Bo u Zakaliya amulinga, akaswigha, nubogha bukamukola. ¹³ Loli uwanthumi akamubuzya, utakoghope Zakaliya, pakuti inyiputo zyako zivwika. Umukazi wako u Elizabeti inthi akupapile umwana. Inthi ukamwitizye izina lyakuti Yohane. ¹⁴ Inthi wize uhoboke nukusekela, sona abinji bazukuhoboka hee nukupapiwa kwache. ¹⁵ Akuzukuba we songo pamaso gha Chala. Te akang'wepo ubwala bwambula nyambo nu bwalwa ubwakukolwa, sona azukwizula nu muzimu ughuswepu ukufuma munthumbo mwa mama wache. ¹⁶ Abanthu abainji bazukung'anamuka nukwanda ukumukonkha umwene u Chala wabo. ¹⁷ Azakumulongozya nu mzimu umuswepu sona namaka gha Eliya, nukung'anamu umoyo wa bo baba nukuya ku bana nabambula kwivwila ukuti bakonkhe inzila ya bamahala aba bwanaloli mwakuti abanthu banozyeke kwa mwene wabo." ¹⁸ Uzakaliya akanena ku wanthumi, " ningamanya bulibuli ivi? pakuti ne munthu usongo umukazi wane wepe amasiku ghache ghapulile. ¹⁹ Uwanthumi akamwamula nukunena ne Gabiliyeli, ne nkwimilila muchisa cha Chala. ²⁰ Nthumiwe ukuti nene nuwe nukuletela inkhani inyiza. Linga inthi ube mwee, inthi upotwe ukunena mphaka pisiku lyo vizuchitika. Inthi vibe ngati ulu chifukwa utasubalile amazyu ghane mukabalilo kache. ²¹ Po abanthu bakalindilia u Zakaliya bakaswigha ukuti akukaba nkhani mu tempele. ²² Loli bo afuma panzi, atakanena nabo bakiza bamanya ukuti alinga ivyakunthazi po ali mu temepeli akapitilizya ukubomba ivimanyikwilo kubanthu sona akapitilizya ukuba myiee. ²³ Vikaba ngati ulu mumasiku gha mbombo yache mphaka ghamala. Akabuka ku nyumba yache. ²⁴ Bo ghenda amasiku umukazi wache u Elizabeth akaba ni nthumbo sona pa myiezi 5 akikala umwaku vwama akanena. ²⁵ Ivi vyovyo u Chala abomba kukwane bo alinga ku kwache ni chisa ni fundo yakuti amfumye insoni ku banthu. ²⁶ Mumwezi wa 6, uwanthumi wa Chala u Gabilieli akatumiwa ukuya mukaya ka Galileya ko kakwitiziwa ukuti Nazareti. ²⁷ Ku mwanakazi yo akaba pa lughano nu munthu yo izina lyache akaba we Yosefe, yo akaba wa muphapwa ya Davide, izina lya mulindu akaba we Maliya. ²⁸ Akabuka ku kwache nukunena, mwaghona, uwe we ichisa cha Chala chili pa uwe. Umwene ali nuwe. ²⁹ Loli akatimbanizyika na mazyu ghache sona akaswigha kulamuka bulibuli kuno. ³⁰ Uwanthumi akanena nawe utakapasye utakoghope, Maliya pakuti we musaliwa wa Chala. ³¹ Linga inthi ube ni nthumbo nukupapa umwana. Inthi ukamwitizye izina lyakuti Yesu. ³² Azakuba we songo sona azukwitikiziwa ukuti mwana wa songo nkhani umwene u Chala azukumupa ichitengo cha wisekulu u Davide. ³³ Azukuba we mwene mu nyumba ya Yakobe muyilayila sona ubu mwene bwache tebukamale lumo" ³⁴ Umaliya akanena ku wa nthumi, vikukubombwa bulibuli, pakuti nthamumenye nayumo umwanalume? ³⁵ Uwanthumi akamula nukunena nawe, " umuzimu umuswepu ghuzukwiza pa uwe, namaka agha mukulu nkhani ghakuzukwiza papako. Po umuswepu yo akuya pakupaiwa azukwitiziwa ukuti umwana wa Chala. ³⁶ Linga umukamu wako u Elizabeti wepe ali ni nthumbo ilya mwana mughosi bwache. Umwezi ghumo wanambala 6 kukwache yo bakatingi atakupapa. ³⁷ Nachimo cho chipala kwa Chala. ³⁸ U Maliya akanena , linga , ne mwanakazi wambombo wa Chala vibe ngati ubonye kwa une ukuayana namo mwanenela." Po uwanthumi akamuleka. ³⁹ Po u Maliya akanyamuka mumasiku ghalanye mwalubilo akabuka muchikaya cha kuchipili , mukasi mwa kaya ka Yudeya. ⁴⁰ Akaya munyumba ya Zakaliya nukumulamuka u Elizabeth. ⁴¹ Po palanye bo u Elizabeth ivwa ukulamuka kwa Maliya, umwana yo akaba munthumbo akanyela, po u Elizabeti akiziziba nu muzimu ughuswepu. ⁴² Akakwezya amazyu nukunena umwakukwezya we musayiwa wemwanakazi ni chabupi chochili munthumbo yako. ⁴³ Choni cho chabombwa ukuti umama wa mwene ize kukwane? ⁴⁴ Pakulinga bo ukulamuka kwa mazyu kwiza mumakutu, umwana yo ali munthumbo yane anyela nukuhoboka. ⁴⁵ Musayiwa yo akusubila pakuti vizukukwanilisiwa ivinthu vyo vikaneneka kukwache ukufuma kwa mwene." ⁴⁶ U Maliya akanena, umoyo wane ghukumuchindika umwene. ⁴⁷ Numuzimu wane ghukusekela umwene umutuli wane. ⁴⁸ Pakuti akalinga ukuchepa kwamahala ghamubombi wache umwanakazi linga ukwanda ulu imphapwa yosi yizukunitizya ne musayiwa. ⁴⁹ Pakuti yo wamaka abomba ivinthu kwa une nizina lyache liswepu. ⁵⁰ Ichisa chache chizukuya ku banthu ukufuma ku mphapwa ni phapwa kwa wensi yo akumoghopa. ⁵¹ Akabomba ivya maka ninyobe zyache, akababinga akakwikwezya nakinong'onele ka myoyo yabo. ⁵² Akabisya abamwene pa mipando yabo nukubakwezya bosi boba kwiyisya. ⁵³ Akabikutisya bonsi bobakaba ninzala nivinthu iviza. Loli aba vyuma akabafumya kwa mzila nachimo. ⁵⁵ Akamwavwa u izilayeli umubombi wache mwakuti akumbukile nukulangizya ichisa. ⁵⁴ (Ngati mo a akanenela kwa baba bithu) u abulahamu ni mphapwa yache mphaka kale." ⁵⁶ U Maliya akikala nu Elizabeti imyaka mitatu po akanyokela kunyumba yache. ⁵⁷ Akabalilo kakamukwanila u Elizabeti ukuti apape umwana. ⁵⁸ Abapalamani nabakamu bache bakivwa ukuti umwene alangizye ubukulu nichisa kukwache, po bakasekela poka nawe. ⁵⁹ Vikabombiwa mwisuku lya 8 bakiza uzukumudumula umwana nukumwitizya izina lyakuti zakaliya." pizina lya baba wache. ⁶⁰ Loli umama akama akamula nukunena, "awe, azukukwitiziwa ukuti ukuti Yohane. ⁶¹ Bakanena kukwache, ''ataliko nayumo uwabakamu bako yo itiziwepo izina ilyo.'' ⁶² Bakalangizya ivimanyikwilo kwa baba wache mumo akalondelanga ukuti bangamwitizizya izina. ⁶³ Ubaba wache akalenga ichakusimbilapo, nukusimbapo, '' izina lyache we Yohani.'' Bonsi bakaswigha pa chino. ⁶⁴ Pakabalilo akonyene umulomo wukiwuka nu lulimi lwache lukasatuka. Akanena nukupalizya uchala. ⁶⁵ Ubogha bukiza ku bonsi bo bakikala nawe poka. Inkhani zyonsi zino zikaghiwa mukaya konsi aka mapili gha yudeya. ⁶⁶ Bonsi bo bakabivwa bakavisunga mumyoyo yabo, nukunena, '' ngapo umwana uyu inthi abe wewenu?'' Pakuti inyobe ya chala yikaba papache. ⁶⁷ Ubaba wache u Zakaliya akizula nu muzimu ughuswepu nukukubwa, ukuti, '' ⁶⁸ amapalo ghaye kwa mwene, wa isilayeli pakuti izite ukwavwa nukumalizyaimbombo yo yikasyala ku banthu bache. ⁶⁹ aAtwimikile umwene uwabupoki munyumba ya mubomba mbombo wache pudavide. ⁷⁰ (Ngati mo akanenela numulomo wache ukwendemuba ghonela abaswepu muntubalilo twa kwisinda). ⁷¹ Chiponosyo ukufumo ku balwani bithu sona ukufuma munyobe zya wensi yo atubengite uswe. ⁷² azukubomba ivi ukukulangizya ichisa ku ba baba withu.Nukukumbukila ipangano iliswepu. ⁷³ Ipangano lyo akapangana nusekulu witu u Abuluhamu. ⁷⁴ Akatupoka uswe ukufuma mu nyobe zya balwani binthu azukumupoka kwamzila bogha. ⁷⁵ Mubuswepu nabwanaloli pamaso pache mumasiku ghitu ghosi. ⁷⁶ Inga, nuwe mwana, tuzukwitiziwa ukuti baghonela abakulu abo pa mwanya pakuti uzukubuka pamaso gha mwene nukunozya inzala yache, nukunozyela abanthu mukwiza kwache. ⁷⁷ Ukubapa amahala gha bwabuke kubathu bache munzila yaluhobokelo ku mbibi zyabo. ⁷⁸ Ivi vizukubombiwa chifukwa cha chisa cha Chala, chifukwa chakuti izukuba likuzufuma pamwanya lizukwiza ukutwavwa uswe. ⁷⁹ Nukubala kubosi bobikalite mu Chisu namumu zyezye wamfwa. Azukubomba ivi umwakupululila muvinama vitu munzila ya mtende. ⁸⁰ Po umwana akukula nukuba namaka mumuzimu, sona azukuba mu nkolongo mphaka mwisiku iyo inthi akilangizye ku banthu ba Izilayeli.