YOHANI 7
1
Bpenda ivinthu ivi u Yeso akenda mu Galileya, pakuti atakalonda ukwenda mu Yudeya chifukwa aba Yuda bakamulonda ukuti bamukome.
2
Po lusekelo lwa ba Yuda ulwa vitembe lukaba papipi.
3
Abamwabo polelo bakanena kukwache, fumako kumalo kuno po buka ku Yudeya ukuti abamanyili bako bope, balinge imbombo zyako zyo ukubomba.
4
Nayumo we akubomba ivinthu mubufisamu po umwene akulonda ukuti amanyikwe pabwelu. Pala mukubomba ivinthu ivi, ilangizya we mwene kuchisu chapasi."
5
Pakuti nabawamwabo pope batakusubila mumwache.
6
Polelo u Yeso akanena kukwabo, akabalilo kane kachili katakwanite, lole akabalilo kinu kasenganie akabalilo konsi.
7
Ichisu chapansi chitangababembanga umwe, loli chikumbenga une chifukwa nkusimikizya izya mbombo zyache ukuti zibibi.
8
Mukubuka kulusekelo, une nthakubukako kulusekelo chifukwa akabalilo kane kachili katakwanilisiwe."
9
Bo anena ivinthu ivi kukwabo, akikala mu Galileya.
10
Loli bo abamwabo babuka kulusekelo, po wepe akabuka, atakabuka pabwelu loli umwakuvwama.
11
Abayuda bakamulonda pa lusekelo apo bakati , "alikwi?"
12
Mukaba ukunenezyaniache muvilundilo izya yuyo. Bamo bakati , " munthu umwiza." abanji bakati , " Awe , akusobezya ivilundilo."
13
Nayumo akanena pabwelu izya yuyo pakuti bakoghopa aba Yuda.
14
Po bo ulusekero lwaya kubumalilo, u Yesu akakwelera ukuya mu chalichi nukwanda ukumanyisya.
15
Po aba Yuda bakabuna, nukuti," vili bulibuli umunthu uyu amenyehee? atamanyile lumo".
16
U Yeso akabamula nukuti , " ubumanyisi bwane tebwane, loli bwa yuyo yo akanthuma.
17
Pala yumo akulonda pakubomba ubwighane bwache, akumanya izya bumanyisi bwache, pala bukufuma kwa Chala, pamo pala nkhunena izyane nemwene.
18
Wensi we akunena mwene akulonda ubuchindamu bwache bwa we akamutuma, umunthu yula wabwanaloli, sona mute ubusita bugholosu nabumo mumwache.
19
U Mosesi atakaba indaghilo? loli nayumo mw umwe aksunga indaghilo . Ichoni cho mukulonda pakunkhoma une?"
20
Ichilundilo chikamula, uli nichimphepo , wewenu akulonda pakukukoma?"
21
U Yeso akamula nukunena ukuti kukwabo, " nkhabomba choka, po mwebonsi mukabuna pa ichi.
22
U Mosesi akabapa ulusilimulo( tekokti lukafuma kwa Mosesi, loli ukufuma kubanyenya) sona pa sabata mukusilimula umunthu.
23
Pala umunthu akapokela ulusilimulo pa sabata ukuti ululaghilo lwa Mosesi lutakalusiwe, ngachoni cho mukalalite nune chifukwa nkhamupozya umunthu pa sabata?
24
Mutakalonge ukuyana nu munthu mo akubonekela lole mulonge mubagholosu.
25
Bamo mwababo abakufuma ku Yerusalemu bakati , Tewe yuno yo bakulonda pamukoma?
26
Linga akunena pabwelu sona batakunena nachimo kukwache.Kutangaba ukuti abalaghili naloli bameneye pakuti uyu we kilistu.
27
Loli tumenye ko uyu afumile. Loli pala u kilisitu akwiza, nayumo alimanya ko akufumila."
28
Po u Yeso akalila mu Tempele, ukumanyisya nukunena ukuti, mebonsi mumenye sona mumenye konkhufumila. Nthizite nemwene, loli uyo anthumite une wanaloli, sona mutamumenye.
29
Mumenye chifukwa nkhufuma kukwache sona akanthuma .
30
Bakulonda pamupinya , loli nayumo akabika inyobe papache chifukwa akabalilo kache kakaba kachili katakwanite.
31
Loli abinji muchilundilo bakasubila mumwache, posona bakati , pala ukilistu iza, alibomba ivimanyisyo ivinji ukulusya.
32
Abafalisayi bakivwa ivilundilo vikuteketa ivinthu ivi ivya Yeso, po umuputi usongo nabafalisayi bakatuma abambombo ukuti bamupinya.
33
Po u Yeso akati , " Nchili ndinumwe pakabalilo akanandi, po nkhubuka kwawe akanthuma.
34
Inthi mukandonde loli mutalinagha, konkhuya mutaliba numwabi wakwizako".
35
Polelo aba Yuda bakanena benebene, " umunthu uyu aliya kwi ko tutalimwagha? Alibuka ko aba Giliki basamite nukwanda pamanyisya aba Giliki?
36
Lizwi buli ili lyo anena, " mulindonda une loli mutalinagha, konaya , mutaliba numwabi wafikako?"
37
Po pabumalilo ilisiku ilikulu lya lusekelo, u Yeso akimilila nukulomoka, " pala yumo alininyota, ize kukwane nukung'wa.
38
We asubila mumwane, ngati mo amasimbo ghakunenela, insoko zya minzi agha bumi ghakwiza pakwenda ukufuma munthambo yache.
39
Loli akanena ichi muzimu, we bobakusubila mumwache balipokela, umuzimu wuchili wutapeghiwa chifukwa u Yeso achili atekweziwe
40
ichilundilo chimo , bo bivwa amazyu agha bakati " uyu naloli we mughonela."
41
Abanji bakati " uyu we kilisitu" loli bamo bakati , " ka u kilisitu akafuma ku Galileya?
42
Amasimbo ghatakunena ukuti u Kilisitu alifuma mubanyenya ba Davide naku Betelehemu, mukaya ko u Davide akaba.?"
43
Po kukanyamuka ukuganininkana muvilundilo chifukwa cha yuyo.
44
Bamo mwa babo ngebakamupinya, loli nayumo yo akamukola ninyobe.
45
Po aba mbombo bakanyokela kwa mputi usongo nakuba Falisayi, bobakanena kukwabo ngachoni cho mutiza nawe?
46
Abambombo bakamula, "nayumo we anenitepo icha ngati ichi."
47
Po aba Falisayi batakamula, " numwe mupusikiwe?
48
Alipo yumo mwa umwe mwebalaghili asumubile, pamo yumo muba Falisayi?
49
Loli ichilundilo ichi chitamenye ululaghilo, batembeleliwe."
50
U Nicodemo( weka mwaba Falisayi, yo akiza kukwache pakwanda) akanena kukwabo.
51
Ka indaghilo yitu yikulonda umunthu boyitivwile kukwache nukuti yimache cho akubomba?"
52
Bakamula nukunena kukwache." nuwe wewaku Galileya? londalonda nukulinga ukuti nayumo umughonela yo akufuma ku Galileya."
53
Po aliwensi akabuka kunyumba yache