¹ Bo Upetulo nu Yohanai bakunena ku banthiu, Abaputi naba kapitawo, naba sadukayi bakiza kukwabo. ² Bakatamiwa hee, ninyinong'ono chifukwa chakuti Upetulo nu Yohani bakamanyisyanga abanthu nukufumusya izyakuzyuka kwa Yesu ukufuma kubufwe. ³ Bakabakola nukbapinya nukubingizga mubukayidi, paka nindabindabi pakuti chikaba chochamalwila. ⁴ Loli abanthu bonsi babakivwanga ubulumbilili bakitikizya; Abanathu bo bakitika ubulumbili bwabo babo bakabanga fayivi sauzani. ⁵ Likiza isiku ilinyabo abalaghili babo, abakulumba, nabasimbi bakabungana poka mu yelusalemu. ⁶ U Annas umuputi usongo, nu kayafa, nu Yohani nu Alekizanda, Nbosi bobakaba bakamu bamuputi usongo. ⁷ Bo bamubika u Peteli nu Yohani pakasi papabo, bakabalalusya bakati, bakaba pamo lyawenu momwabombela ivi. ⁸ Umwene upetulo boizwile numuzimu wa Chala, Akababuzya akati, mwebalaghili mwabanthu umwe namwebasongo. ⁹ Nathi uswe tukulongiwa pano pakuti twabamba ibomba imbombo iyiza pamunthu umulwale, kwa munthu uyu bakamupozya bulibuli. ¹⁰ Nkhalonda ukuti muzimanye mwebonsi pano nabanthu bonsi aba muizilayeli umunthu uyu akwimilila panthazi papinu yo ali ichete mwizina ilya Yesu kilistu uwa munazaleti, yuyo mukamupamanthila, Loli weyo Uchala akamuzusya kubakufwa. ¹¹ Uyesu kilisitu, lyo libwe lyomukalitaya loli lyolyoba pakona. ¹² Mutalimo ukutuliwa mubanthu abanji pakuti patali izina ilinji pabanthu bapachisu ilyakuti tungaponelamo. ¹³ Bobaalinga kabonekele kwa Petulpo nu Yohani bakazyaghania ukuti bakaya bobatamanyile, Loli vikaswighiya, bobazimanya ukuti Upetulo nu Yohani bakendanga poka nu Yesu. ¹⁴ Chifukwa bakamulinya umuthu yobakamupozya akimila nabo, batakaba nizyakunena nazimo izyakuti bangamususya. ¹⁵ Loli bobalamula abatumiwa ukuti bafumepo pobakaba palukomano, bakanenezania bene. ¹⁶ Bakati, tupange choni ku banthu aba? Pakuti ukusimikizya kwaboneka mumwambo vyamanyikwa ku munthu wensi mu Jelusalemu tutangachikana sona. ¹⁷ Loli chitakapululila ukufumukwa ku banthu za tubasoke batakanene sona kwa munthu yumo mwi zina ili. ¹⁸ Pobakabitizya ukuti bingile sona bakabalamulila ukuti batakanene pamu ukumanyisya mwizina lya yeso ¹⁹ Loli u Petulo nu Yohani bakamula bakati, ''chosi chochili mulubatiko lwa chala ubaghile ukuti witikizye, utakamususyenge. ²⁰ Tutangaleka pakunena pavinthu vyo tuvibweni. ²¹ Bobabasoka hee u Petulo nu Yohani bakabaleka bakati bukanga. Bakapotwa ukubagha ni chifukwa, chifukwa abanthu bonsi bakamupalgha uchala pa vyovyabombwa. ²² Umunthu yo akalinga mo umunthu akapolela akaba wamyaka iyakupululila fote (40). ²³ Bobabalekezya, u Petulo nu Yohani bakaya ku banthu babo nukubabuzya vyo abaputi namakambala bababuzya. ²⁴ Bobivwa bakakwezya mazyu ghabo kwa chala bakati, ''mwene, ukapela kumwanya na pasi ninyanja, na vyosi vyovilimo. ²⁵ Ukanena nu muzimu umuswepu ukwendela mu wambombo wako, utata witu u Devedi, choni cho abapazi bakolanga na maluko aghanji binong'ona ivyabwaka?'' ²⁶ Ukati, amwene ba pachisu babungane poka, sona nabalaghili bapachisu bakalwananga nu mwene sona bwakalwananga nu kilisiti. ²⁷ Naloli bosi u Helodi nu Pontiyasi Pilato, poka na bakuzi sona na banthu bonsi abamu Izilayeli, bakabungana poka mukaya kanonyene ukulwana nu munthu wako umuswepu u Yeso yo ukamupakazya. ²⁸ Bakabungana poka ukubomba nu kususya vyonsi vivyo ukabikapo inyobe yako nu lubatiko lo ukabika ukuti vyo vikwiza ukubombiwa. ²⁹ Apa, mwene, lingisya pavyo bakutusoka sona mupe amaka umubombi wako ukuti anene izwi lyako namaka ghonsi. ³⁰ Gholosya inyobe yako ukupozya nukulangizya ivimanyisyo ivyakuswighisya mwizina lya wambombo umuswepu uyesu. ³¹ Bobiputa, pabuyo bobakabunganapo pakaneng'ena, bosi bonsi bakizula numuzimu ughuswepu bakanena izyu lya chala na maka. ³² Inambala inkhulu yoyikitika bakaba u moyo ghoka numuzimu ghoka, nayumoyumo yo akanena ukuti cho akaba nacho chikaba cha pamwene, loli bonsi vyobakaba navyo vikayana bwaka. ³³ Namaka ghonsi abatumiwa bakafumusyanga nukusimikizya ukuyana nukuzyuka kwa mwene uyeso ulusayo lukaba papabo bonsi. ³⁴ Patakawapo umunthu nayumo pakasi papabo yo akasobelwanga chimo chifukwa chakuti abanthu bowakaba na malo pamo inyumba bakaghulizya nukuwatwalila indalama. ³⁵ Sona bakazibika muvinama vyawatumiwa, nukuzigaba ukuyana navyo bakulonda. ³⁶ U Yosefe, yuyo abatumiwa wakamwitizya bakati Banaba (chochikung'anamula ukuti umwana uwakupa amaka), umulevi umunthu yo akafuma kusayipulasi, ³⁷ akaghulizya ichalo chochikaba chache akatwala indama nukuziwika muvinama vya batumiwa.