¹ Bo isiku lya pentecost liza, bonsi bakabungana muchipinda choka. ² Umwachenukizga kumwanya kukafuma ichongo ngati yomphepo, ukizula munyumba mo bakikala. ³ Zikafika kubabo ineno ngati moto izyalekanalekana, zikikala. ⁴ Bonsi bakizula numuzimu umuswepu, nukwanda ukunena ineno izinyabo, mo umuzimu wababuzizga. ⁵ Kukaba abayuda wo akikalanga ukufuma luko lonsi muchisu cha pansi. ⁶ Lyo ichongo ichi chivwika, ibumba likiza poka likanizgika chifukwa wensi akivwikanga ukuti akunena ineno iyache. ⁷ Bakaswigha nukutetema, bakati, naloli te boaba bo banena ichigalileya. ⁸ Choni cho tukubivwa, wensi muneno iyache momo tukapapiliwa bunonye?. ⁹ Pafigani, Modesi nu Elamitesi, nabala bobakwikala ku mosopotamiyya, mu Yudeya na kapadosiya, mupontasi na ku esiya. ¹⁰ Filegiya na pamfiliya, mu egiputi nulubazu lumo lwa libiya panthanzi pa sayilini, na bagheni ukufuma ku loma. ¹¹ Abayuda naba pulofetesi, Kilitanisi, naba alanizi, Tubivyile bakulongosola namaka ghambombo ya Chala. ¹² Bakaswigha ninyinong'ono zikaakomanika bakanenezania weka numunyache, chikung'anamulachi ichi?. ¹³ Abanyabo bakamunyoza nukunena, wang'wa ubwalwa. ¹⁴ Upetulo akimilira nabale leveni, akakwezga izwi lyache, akababuzga akati, mwebanthu ba ku Yudeya mwebonsi mwe m'kwikala ku yelusalemu, leka ivi vimanyikwe kukwinu ivyikisya izwi lwane. ¹⁵ Pakuti abanthu batakolwizwe nga mo mukwinong'ononel, pakuti kakaba kabaliro kabutatu mwisiku. ¹⁶ Ivi vyo vikaneniwa numukunguluka u Joyelo. ¹⁷ Likwiza ukuba liosiku lya bumalilo Uchaala akanena nkwiza ukupungulira umuzimu ku banthu bonsi, abana winyu abalumendo nabasungu abaghonela, bazukulinga ivyakunthanzi abalumendo bakwizukulinga kunthanzi, abaosongo bakuzukulota ivilota. ¹⁸ Naloli abambombo wane m'masiku ghala nkhwizukupungulila umuzimu wane, bakwizukukunguluka. ¹⁹ Nkhwiza ukubonesya iviswigho kumwanya, ivimanyisyo muchisu cha pansi udaba, umoto na chosi. ²⁰ Izuba ukwizukung'akung'anamuka ukuba chisi umwezi ukuba udaba bo isiku ilikulu ilya kusimikiziwa ilyamwene litafikite. ²¹ Kukwizuba ukuti wensi yo itizga pi zina lyamwene akwizukupona. ²² Banthu ba izilayeli, ivya amazwi agha Uyesu uwanazaleti munthu yo abenge nu Chala mumaka ghache ukwendela mu viswigho ni vimanyikwilo vyo uchala akabomba ukwendela m'mwache papitu, ngati momumanyila. ²³ Umunthu uyu weyo akapewa nubumanyisi ubwakumanyila nkhamubikatu nu Chala, umwene momwivwanila nukumukoma mwakuti bamukome umwakumupamanhira pamphinjika. ²⁴ Lola Uchala akamuzyusya, ukumusatula kububavu bwamfwa, chifukwa chitakaba chamachitiko ukuti umwene akoliwe nawe. ²⁵ Pakuti udeveti akanena nawe, nhulinga Uchala itayimu yonsi amaso ghane, pakuti alikumbali lyandyelo iyanyobe yane mwakuti nkhakendekendenge. ²⁶ Ukufuma apo umoyo wane wukahoboka ululimi lwane lukasekelela. ²⁷ Nukuti te mwize mwitikizge ukuti umoyo wane ghulamuliwe nu haadesi, pano tewvize mwitikizye umuswe umuswepu winyu ukuti. ²⁸ Mwamanyisya une ;mzila zga bumi, mwizuzga ukuhowoka mulwitiko. ²⁹ Bamwitu, chakwenela ukowopa izya mupapi udeveti, ukuti wonsi babili bakafwa nukusiliwa, sona ipimpha lilipo mupaka nisiku ili. ³⁰ Ukufuma apo, akaba mugonelela akatangazga izya Chala sona Uchala akamusaya ukuti yumo mumphapwa yache mtimi akaobe mulangozgi mubumwene bwabo. ³¹ Akalinga vyo inti vize vibombwe munthanzi akanena izya kuzguka kwa kilisitu, mwakati te ize alekune munyobe zga badesi, sona numubili wake te wukanangike. ³² Uyesu uyu Uchala akamunyamusya, sona twebonsi twe bakaboni. ³³ Ukufuma apo akweziwe alikunyobe iya ndyelo iyachala, uwise akamulaghuzga izga muzimu umuswepu wo umwe mukaghulinga nukwivwa. ³⁴ Pakuti udevesi atakakwela kumwanya loli akanena, Uchala kakanena kwa Chala wane, ikala lanyobe yane iya ndyelo. ³⁵ Mphaka ponkuzukubika abalwani bako ku ndyatilo zya vinama vyako. ³⁶ Ukutuma apo, leka inyumba zgosi izgaba izilayeli zimanye ukuti uchala weyo akapangisya ukutiumwene nu kilisitu yo mukamupamanthila. ³⁷ loli ukufuma apo bo bavya ivi, bakababwa mu myoyo, wakanena kwa Petulo nakubamanyili abanji , mwebaya , ka inthi tuti choni?. ³⁸ Upetulo akababuzga , 'mulape nukuziwa wensi wa umwe , mwizina ilya Yesu kilisitu umwakutiabahobokele imbibi zyinyu, po mukuya ukupokela ichabupi ichamuzimu ughuswepu. ³⁹ Pakuti ukulaghizga kuli kukwinu. nakubanabinu nakwa wensi we ali kubutali , nakonsi bo uchala witu azukubitizga ⁴⁰ Namazgu aghanji aghingi akubasimikizga nabubadandaulila, akati , mwipulamusye kuphapwa iyi iyakunyongana. ⁴¹ Ukufuna apo bakapokela amazgi ghoche bakoziwa , sona bakiza bongeleziwapo mwisiku , lila abanthu abakukwana fili sauzandi. ⁴² Bakipeleka kubamanyili , muvimanyisyo namunyiputo , napakumenyula ichibama nukwiputa. ⁴³ Ubogha bukiza mumizimu yonsi, abanji bakaswigha mumanyikwilo vyo bakabomba abamanyili. ⁴⁴ Bonsi bo baka.bakasubila poka bakabombela invinthu nyonsi poka. ⁴⁵ Bakaghuzga ivinthu vabo vyo bataba navyo. ⁴⁶ Po isiku ni siku bakikatapoka nu moyo ghoka mutempile. Bope bakamenyla ichibama munyumba numoyo yakuhowoka mubwanaloli. ⁴⁷ Bakamumukwizga uchala umwakuvikililiwa na banthu abinji , po isuku lyosi uchala akongelezga inambala ku banthu bonsi bo bakapokiwa