2 تہِ وچھؠو، لوکو اوُن اکھ فالجہِ لد چارپایہ پؠٹھ تمِس نِش.عيسىٰ ہن وُن تمسُند ایمان وُچھتھ فالجہٟ لَدس."گوُبریا" دل تھاو ڈنجہ"چانؠ گناہ گے معاف". 3 تہٟ کینژھو عالمووُن پننِس دلس منز "یہِ چُھ کُفر بکان.
4 عيسىٰ ہن وُن تِہندٟؠ خیال زانِتھ."توہؠ کیازِ چُھؠو پننِس دِلس منز غلط خیال اَنان؟.
5 سہل کیا چُھ؟ یہ ونُن ہا زِ چانؠ گناہ گے معاف، یا یہ زِ وَتھ تُھود تہٟ پکھ.
6 مگر امہٟ موجُوب زِ تو زانُیو زِ ابنِ آدمس چُھ زمینہ پیٹھ گناہ معاف کرنُک اختیار، اتؠِ وُن تیمؠ فالجہ لدَس"وَتھ پنؠنؠٟ چار پاؠی تُل تہٟ گژھ پنُن گھرٟہ. 7 سُہ وُوتھ تہٟ گو پنُن گھرٟہ.
8 لوکھ کھوژؠٟ یہ وُچِھتھ؛ تہٟ مگر خدایہ سندٟ تعریف کرنہِ، ؠمؠ زَنن انسانن بخُش یُوتھ اختیار.
9 عيسىٰ ہن وُچھ تَتہٟ برونہہ کُن پکتھ،متیِ ناوُک اکھ شخص یوُس گزر وانس پیٹھ بِہت اُوس. 10 ییلہٟ سُہ گھرِہ کھِؠن کھؠنہ بؠوٹھ، تہٟ سپُد یہِ زِ واریاہ گزُر رَٹن وٲلؠٟ تہٟ گنہگار آے تہٟ بیٹھؠٟ عيسىٰ ہس تہٟ تمسندؠن شاگردن ساتؠٟ کھِؠن کھؠنہ.
11 فرِسیؠو وُن ؠہ وُچھؠتھ تمسندِؠن شاگردن" تُہند ووُستاد کیازِ چُھ گزر رٹن والؠن تہٟ گنہگارن ساتؠ کھؠوان؟. 12 یہٟ بُوزِتھ وُن تؠمؠٟ"صحت مندن چھؠنہٟ حکیم سنز ضرورت بلکہ چھے بیمارن .
13 مگر گژِتھ کرؠو توہی امؠوک معنی معلوم زِ بُوچُھسنہٟ قربانی کؠنہ بلکہ رحم پسند کران، تکیازِ بُوچُھسنہٟ نیک لوکن کؠنہ بلکہ گنہگارن ناد دنِہ آمُت. 14 تمہٟ ساتہٟ وُن یوحنا سندؠُو شاگردو تس نِش یتھ. کیا وجہ چُھ زِ ٲسؠٟ تہٟ فریسی چِھ اکثر روزٟہ دار آسان تہٟ چانؠٟ شاگرد چِھنہٟ روزہٟ تھاوان؟.
15 عيسىٰ ہن وُن تمِن، کیا سالٟر ہیکنا توتام ماتم کرِتھ یوتام مہرازہ تمن ساتؠٟ چُھ؟مگر سُہ دُہ واتہِ زِ مہرازہٟ یؠہِ تمِن نِش جُدا کرنہٟ، تمہ ساتہٟ تھاون تِم رُوزٟہ. 16 ٔو دجؠٟ چُھنہٟ پُرانِس پَلوس کانہہ لاگان.تکیازِہ سُو دجؠٟ لاگنہٟ ساتیٟ یؠہِ تَتھ چار تہٟ سُہ ژھؠنہ زیادے. 17 تہٟ تازٟہ دچھہِ رَس چھنہٟ پُرانین مشکن منز تھاونہٟ یوان تکیازِ مشکہٟ پھٹن تہٟ دچھہِ رَس پؠؠہِ وسؠٟ تہٟ مشکہٟ سپدن تباہ بلکہ چُھ تازٟہ دچھہِ رَس نَین مشکن منز تھاونہٟ یوان تہٟ تِم دونوے چِھ محفوظ رُوزان. 18 سُہ اوُس تمِن ؠمہٟ کتھہٟ ونانؠٟ زِ وُچھؠو اکھ زیوُٹھ آۆ تہٟ کورنس سجدٟہ.تہٟ وننس میانؠٟ کُور مُویہِ وُنؠ مگر ژہٟ پَکھ تمِس پیٹھ تھاۆ پنُن اتھٟ تہٟ سُو گژِھ زندہٟ.
19 عيسىٰ وُتھ تہٟ دراۆ تمِس پتہٟ پتہٟ پنین شاگرد ہؠتھ. 20 تہٟ وچُھؠو اکھ زنؠٟ یمِس بَہو وریُو پیٹھٟ خون جارٟی اُوس آیہِ تمِس پتہٟ تہٟ لوگُن تمسندِس دامنس اَتھٟ.
21 تکیازِ سُہ ٲس پنِنس دلِس منز ونان زِ اگر بُو صرف تمسنٔدِس دامنسؠٟ یُوت تہِ اتھٟ لاگہٟ تہٟ بُو گژھٟ ٹھیک.
22 عيسىٰ ہن وُچھ پتھ کُن تہٟ وُننس گوبری بھروسہٟ تھاۆ.چانؠ ایمانن کرکھ ژہ ٹھیک. ادہٟ سُو زنؠٟ گیؠہِ تمے ساتہٟ ٹھیک. 23 تہٟ ییلہٟ عيسىٰ زِٹھؠٟ سُند گھرٟہ آۆ تہٟ وچُھن نٔے واین ؤالؠٟ تہٟ ہجُوم شُور تُلان.
24 تہٟ وُننکھ روُزؠو یوکُن تکیازِ کُور چھینہٟ مومژ بلکہ چھے شِؠنگِتھ. تِمو لُوگ اسُن تس پیٹھ. 25 مگر ییلہِ ہُجوم ٹتِہ کڑنہٟ آۆ تہٟ سُہ گواندر تہٟ کرن تمسندِس اَتھس تھپ تہٟ کُور وژٔھ.
26 تہٟ امہٟ کتھِ ہنز شُہرت پھہلؠہٟ تَتھ سارسیٟ علاقس منز. 27 ییلہِ عيسىٰ ٹتِہ بُرونہہ کُن دراۆ تہٟ ٲے تمِس پتہٟ پتہٟ ناد لایان زِ ہے اِبن داۆد اَسہِ پیٹھ کر رحم.
28 ییلہ سُہ گھرٟہ ووُت تہٟ تِم اَنؠٟ آے تس نِش تہٟ عيسىٰ ہن ووُن تِمن کیا تُوہہِ چُھووٟہ یقین زِ بُو ہیکہٟ یہ کرِتھ؟ تمووُن تس اَوے خداوند. 29 پتہِ تہنزن ٲچھن اتھٟ ڈالتھِ وُنن تُہندِ یقینہٟ مطابق سپدِن تہندِ خاطرٟہ.
30 پتہٟ آیہ تہنذٟہ ٲچھؠ مُژرنہٟ تہٟ عيسىٰ ہن وُن تمن زُور دِتھ خبردار، کانسہِ گژھنِہ ؠمہِ کتھِ ہنز پے لگنؠٟ.
31 مگر نیرِتھ پھہلأۆ تمو تَتھ سأرسی علاقس تمسنز شُہرت. 32 ییلہِ تِم درٲے نیبر تہِ وچُھؠو لوکو اوُن اکھ کوُل تِمس نِش یِمس منز بدُروح اُوس.
33 تہٟ ییلہِ سُہ بدُروح کڈنہٟ آۆ تہٟ کُول لوگ کتھٟ کرنہِ تہٟ لوکو وُن حاران گژِتھ، اسرایٔلس منز چُھنہٟ زانہہ تہِ یتھٟ کنؠ وُچھنہٟ آمت.
34 مگر فریسیووُن یہ ہا چُھ بدروحن ہندِس زٹھؠٟ سنٔدِ مدتہٟ ساتؠٟ بدروحن کڈان. 35 عيسىٰ روُد سارنیٟ شہرن تہٟ گامن منز پھیران، تہٟ تہندہن عبادت خانن منز رتعلیم دِوان تہٟ پادشاہی ہنز خوشخبری ہُند اعلان کران. تہٟ پرتھِ قسمکؠٟ دٲدؠٟ تہٟ پرؠتھ قسمچ کمزوری دور کران.
36 تہٟ ییلہِ تیمؠ ہجُوم وُچھ تہٟ تمِس آۆ لوکن پیٹھ عار، تکیازِ تِم ٲسؠ تمن تیرن ہندؠ پاٹھؠٟ یمن نہٟ رٲچھدرؠٟ چُھ تہٟ خستہٟ حالیِ منز ٲسؠ پیمتؠٟ. 37 اتؠٟ وُن تؠمؠٟ پنین شاگردن "فصل چُھ واریاہ" مگر مُزور چھ کم.
38 امہٟ موکھہ کرؠؠو فصلکِس مالکِس زارپارہ زِ سُو سُوزِ پنُن فصل لُوننہٟ خاطرٕہ مُزور.