2 تہٟ پننؠٕ زیو مُژرتِھ لوگ تِمن یتھٟ کنؠ تعلیم دِنہٟ.
3 مبارک چھٟ تِم یم دلہٟ کینؠٟ غریب چھ تکیازِہ آسمانچٕ پادشاہی چھے تِہنزٟی.
4 مبارک چھٟ تِم یم غمگین چھ تکیازِہ تِم لَبن تسلؠِ. 5 مبارک چھٟ تِم یم حلیم چھ تکیازِہ تِم آسن زمینِہ ہندؠٟ وٲرث.
6 مبارک چھٟ تِم یم پزِ وَتہِ ہندیٟ بُوچھٟ ہتؠٕ تہٕ تریشہِ ہتؠ آسن تِم سپدن سیِر.
7 مبارک چھٟ تِم یم رحم دل چھٟ تکیازِہ تمن پیٹھ سپدِ رحم.
8 مبارک چھٟ تِم یم پاک دل چھٟ تکیازِہ تِم وُچھن خداؠی. 9 مبارک چھٟ تِم یم صلاح کرناوان چھٟ تکیازِہ تمِن ییِہ خدایہ سند فرزند وننہٟ.
10 مبارک چھٟ تِم یم نیکؠ ہندِ وجہ ساتؠ ستاونہٕ آے تکیازِہ آسمانچٕ پادشاہی چھے تمنؠٟ ہنٔز. 11 ییلہ لوکھ میانہِ وجہ ساتؠٟ تُوہہِ لعن طعن کرنَو. تہٕ ستاونَو تہٟ پرتھٕ رنگہ تو یہِ نسبت ناحق وُلٹٕہ کتھٟ ونن تہٕ تُوہؠ چُھیو مبارک.
12 خوشیٟ منایُو تہٕ سؠٹھا شادمان سپدؠُو تکیازِہ آسمانس پیٹھ چُھ تُہند اَجر بُوڈ.امہِ موجوب زِ لوکو ستایؠ یتھے کنؠ تِم نبی تہِ یمِ توہہ بُرونہہ ٲسؠٕ. 13 تُوہؠ چھؠو زمینکؠٕ نُون. وَ اگر نُونس مزٕہ موکلہِ سُہ کؠمہ چیزٕہ ساتؠٕ سپدِ نمکین؟ سُہ یینہٕ کونےٕ بکار تہٕ یؠہِ دارتھِ ژھننہٟ تہٕ گژِھ لوکن ہندؠٟ ساتؠ لتہٟ مونجہِ.
14 توہہ چُھؠو دُنؠاہکؠ نُور، یُوس شہر پہاڑس پیٹھ بِستھ چُھ سُہ ہؠکنہٟ ژھایہِ رُوزتھ. 15 تہٟ ژۆنگ زالِتھ چُھنہٟ یوان سُہ زُۆرِ تل بلکہ چُھ یوِان زۆرِ پیٹھ تھاونہٕ.تہٟ امہٟ ساتؠٕ چُھ گھرکین سارنؠٕ بٲژن گاش واتان.
16 یتھے کنؠٟ چمکہِ تُہند گاش تہِ لوکن برونہہ کنہِ. تاکہ تُہنزٟہ نیک کامہِ وُچھِیتھ کرن تِم تُہندِس ببہِ سندٕی تعریفٕ یُوس آسمانس پیٹھ چُھ. 17 یہ مۂ سوچُؠو زِ بو آس تورات یا نبین ہنزٕ کتابہٕ منُسوخ کرنہِ، منُسوخ کرنہِ نۂ بلکہ آس بُو تمہِ مکمل کرنہِ.
18 تکیازِ بُو چُھسو تُوہہ پُوز ونان،یوتام نہٕ زمین تہٕ آسمان ٹلہِ، توتام ٹلنہِ توراتُک اکھ حُرف یا فُیور تہٟ.یوتام نہٟ سُوری کؠنہ پورہٟ سپدِ. 19 ادہٟ یُوس اکھاہ یمُو لکٹیو کھوتہٟ لوکٹیو حکمو منزہٟ کانہہ حکم فٹرایہ تہٟ ییِ ہچھنأیہ لوکن. سُہ یؠہ آسمانچِ پادشاہی منز ساروؠٟ کھوتہٟ لوکٹ وننہٟ مگر یوس تمن پیٹھ عمل کرِ، تہٟ تمن ہنز تعلیم دییہِ سُہ ییہِ آسمانچِ پادشاہی منز بوڑ وننہٕ.
20 تکیازِ بو چُھسو توہہ ونان، زِ اگر تُہنز نیکؠ،عالمن تہٟ فریسین ہنزِ نیکؠ کھوتہٟ زیادہ آسنہٕ. تیلہ سپدیو نہٟ تُوہی آسمانچِہ پادشاہی منز ہرگز تہٕ داخل گژِتھ. 21 توہہ چُھو بُوزمت زہ تُوہہِ بُروہمِین اُوس وننہِ آمت زِقتل گژھنہٟ کُرن، یوُس قتل کرِ، سُہ آسہ عدالتکِس سزاہس لایق.
22 مگر بُو چُھسو توہہ یہِ ونان زِ یوُس اکھاہ پننِس بایِس رُوب کرِ سُہ آسہِ عدالتکِس سزاہس لایق، یوُس اکھاہ پننِس بایِس وَنہ ژہ چُھہک پاگل ، سُہ آسہِ صدرِ عدالتکِس سزاہس لایق، تہِ یوُس تَس بےوقوف ونہِ سُہ آسہِ نارِ جہنمُک سزاوار. 23 ادہٟ اگر ژۂ قربان گاہس پیٹھ پنُن نیاز نِکھ تہٕ ٹہِ پؠؠِ ژے یاد زِ چانسِ بایسِ چھے ژے ساتؠ کہنہ ملال دارِی .
24 ژۂ تراۆ پنُن نیاز تتی قربان گاہس نِش تہٕ گوڈہٟ گژھ تہٟ کر پننِس بٲیِس ساتیٟ صلاح.پتہٟ کر پنُن نیازہ پیش . 25 یوتام ژۂ پننِس مخالفِس ساتیٟ وتہِ منز چُھکھ تس ساتیٟ کر دستؠٟ صُلح. یُوتھنہٟ تہٟ سپدِ زِ مخالف کری ژے مُنصِفس حوالہٟ تہٕ مُنصِف کری ژے پُلسٟہ والس حوالہٟ تہٕ ژۂ یکھ قادخانس منز تھاوٟنہٟ.
26 بُو چُھسے ژے پُوز ونان زِ یوتام نہٟ ژہٟ رَژھ رَژھ ادا کرکھ توتام گژھکنہٕٕ ژۂ تتہ ہرگزِ تہٟ ییلہٕ. 27 تُوہیٟ چُھو بوزمت زِ زنا گژھنہٟ کرُن.
28 مگر بُو چُھسےٟ ژے یہِ ونان زِ یُوس اکھا کانسہِ زنہِ کُن شہوژ ہنزٟ نظرِ وُچھِ تؠمؠٟ کور پننہِ دلہٕ منزٕی تس ساتؠٟ زِنا. 29 ادہٟ اگر ژے دچھنؠٟ ٲچھؠ گنُاہ کرناؠی تہٟ یہٕ ژھنُن کڑِتھ تہٕ کڈُس کش،تکیازِ چانہِ خاطرٟہ چھِ یہِ بہتر زِ ژے رٲوؠٟ اکھ وُستہٟ خان تہٟ چُون سوری پان گژھنہٟ جہنمس
30 ونؠٟ اگر ژے دچھن اتھِ گنُاہ کرناؠی تہِ ییتہ ژھنُن ژٹتھ تہٕ کڈُس کش تکیازِ چانہِ خاطرٟہ چھِ یہِ بہتر زِ چون اکھ وُستہٟ خان تہٟ باقی پان گژھنہٟ جہنمس. 31 یتہ اُوس وننہٟ آمُت زِ یوس اکھاہ پننؠٟ زنانٟ تراوٟ تہٕ تمِس طلاق نامہٟ لیکتھ.
32 مگر بُو چِھسُو توہیِ ونان زِ یُوس اکھاہ پننہِ زنانہِ بدکاری ورٲؠ بؠہِ کُنہِ وجہ کؠنؠٟ تراوٟہ. سُہ چھِ تمِس زناہ کرناوان.تہٕ یُوس اکھاہ تس ترایہ مژِ ساتؠٕ ٕخاندر کرِہٟ سُہ چُھ زنا کران. 33 یتہٟ چُھو توہیِ بوزمت توہیِ بُرہمین اُوس وَننہ آمُت زِ اُپز قَسم گژھنہٟ کھؠون بلکہ کریو خدایس ساتیٟ پننؠٟ قَسم پورہٟ.
34 مگر بُو چُھسے ژے یہِ ونان زِ بلکل گژھنہٟ قسم کھؠن "نہٟ آیمانک" تکیازِ سُہ چُھ خدایہِ سُند تختہٕ.
35 "نہٟ زمینُک" تکیازِ سُو چھے تمسندِین کھورن ہن چُوکؠٟ"نہٕ یروشلُمک" تکیازِ سُہ چھِ عظیم پادشاہ سُند شہر. 36 "نہٕ پننہِ سرُک" تکیازِ ژۂ ہکؠکنہٟ اکھ مس وال نہِ سفید یا کریُوہن کرِتھ.
37 بلکہ چُون کلامہٟ ٲسن"اوہٟ اوہٟ یا نہَ نہَ. تکیازِہ یہ ٲمہ کھوتہٕ زیادہِ چُھ تہِ چُھ بدؠٟ ساتؠٟ. 38 تُوہیٟ چُھو بوزمت زِ وننہٟ چُھ آمُت. ٲچھ ہندِ بدلہٟ ٲچھ تہٟ دندٟہ بدلہٟ دندٟہ.
39 مگر بُو چِھسُو توہیِ ونان زِ بدؠٟ ہنُد مقابلہ گژھنہٟ کرُن.بلکہ یُوس اکھاہ ژۂ دٔچھنہِ بُوتھؠٟ لبہِ چپاتھ لایؠِ دُوؠم یتھؠٟ لب فِر تمس کُن. 40 تہٟ اگر کاہنہ ژے مقدمہٕ کرِتھ کُرتنؠٟ یژھی نیون تہٟ چُوغہٟ تہِ کُرس پیش.
41 تہٟ یوُس اکھاہ ژے اکھ کُوس بیگارِ نیِیِؠ ژۂ گژھ تمس ساتؠٟ ژۂ کُوس.
42 یوُس اکھاہ ژے منگؠِ تمس دِہ تہٕ یوُس قرض منگؠِ تمس نش مہ پِھر بُتھ. 43 توہہ چُھو بوزمت زِ وننہٟ چُھ آمُت"زِ پننس ہمسایس ساتؠٟ تھاو محبت تہ پننِس دُشمَنس ساتؠٕ دشمنی.
44 مگر بُو چِھسُو توہہ یہِ ونان زِ پننِس دُشمَنس ساتؠٕ تھایو محبت تہٟ پنین ستاۆن والین ہندِ خاِطرٟہ کریُو دُعا.
45 تاکہ توہہ ییو پنِنس ببہِ سندؠٟ یُوس آسمانس پیٹھ چُھ اولاد ماننہٟ، تکیازِ سُہ چُھ پنُن آفتاب بدن تہِ نیکن دُنونیٟ پیٹھ چمکاوان ، تہٟ پزؠ زیارس تہٟ اُپز زیارس دُنونیٟ پیٹھ چُھ رُود تراوان. 46 تکیازِ اگر توہہ پنِین محبت تھاون والین ساتی یوت محبت تھایو تہِ تہُندِ خاطرِہ کیا اجر چُھ؟ کیا گُزر رٹن والؠٟ تہِ چھنا ییؠ کران؟.
47 اگر توہہ صرف پنیس بایہس یوتؠ سلام کرؠو تہٟ کیا زیادہ چُھو کران؟ کیا غیٔر قومکؠٕ لوکھ تہِ چِھنا یتھے کنؠ کران.
48 ادہٟ توہہ بنیو کامِل یتھہٟ کنؠٟ تہند آسمانیٟ بَب کامِل چُھ.