2 تہٟ قٲدخانس منز مسیح سنٔذن کامین ہُند حال بُوزِتھ پُرژھنُو یُوحناہن تس پنین شاگردن ہندِ ذریعہ.
3 زِ ینہٟ وۆل چُھکھا ژیٟ کِنہٟ ٲسؠ وچُھو بیہِ کانسہِ ہنز وِتھ؟ 4 عيسىٰ ہن وُن درجواب تِمن یہ کیژھا توہی بُوزان یا وچھان چُھؠو، گژھؠو کرؠو یوحناہس نِش بیان.
5 زِ ٲنؠٟ چھِ وچُھان تہٟ لنگؠٟ چھ پکان ٹِکان، میند لد چھ ؠوان پاک صاف کرنہٟ. تہٟ زرؠٟ چھ بوزان تہٕ موردہ چھ ؠوان زٔندہ کرنہٟ تہِ غریبن چھے ؠوان خوشخبری بُوزناو نہٟ.
6 تہٟ مبارک چُھ سُہ یُوسنہ میانہٟ وجہ ساتؠٟ ٹھوکرٟہ کھیِہِ. 7 ییلہِ تِم دراے تہٟ عيسىٰ لوگ لوکن یوحناہس مطلق وننہِ"زِ تُوہی کیا آسؠو وُجارس منز وُچھنہِ گمٔتؠٟ؟کیا واوہٟ ساتؠ الہ ڈلہٟ گژھُون نرٕہ کُون ہا؟
8 تیلہِ کیا وُچھنہِ آسیُو گمٔتؠٟ؟ کیا زٲوِل پَلو لاگتِھ شخص ہا؟وچُھؠو ؠِم زٲوِل پَلو چھِ لاگان تِم پادشاہن ہندہن گھرن منز آسان. 9 تیلہِ کیازِ آسیُو گمٔتؠ؟کیا اکھ نبی وچُھنِہ ہا؟ آ بُو چُھسو تُوہہ یہِ ونان بلکہ نبین کھوتہٟ تہِ بڈِس.
10 یہِ چُھ سُوی یَس مطلق لیکتھ چُھ زِ وُچھ بُو چُھسن پنُن پیغمبر ژے بُرونہہ سُوزان یُوس چٲنؠٟ وَتھ ژے بُرونہہ شیہرٟہ. 11 بُو چُھسو توہہِ پُوز ونان، ؠِم زنین پادہٟ چھ سپِد متؠٟ تِمو منز سپُد نہِ یُوحنا بپتِسمہ دنہٟ وٲلِس کھوتہٟ بُوڈ کاہنہ.مگر یُوس آسمانچہ پادشاہی منز لوکُٹ چُھ سُہ چُھ تِمس کھوتہٟ تہٟ بُوڈ.
12 تہٟ یُوحنا بپتسمہ دنہ وٲلؠ سنٔدِؠو دوُہو پیٹھٟ چُھ ونؠوک تام آسمانچہ پادشاہی پیٹھ زوُر سپدان روُزان، تہٟ زوُرہٟ وُول چُھ تَتھ تھپہ نیوان. 13 تکیازِ سارویٟ نبیو تہٟ توراتن کٔر یُوحناہس تام نبوت.
14 تہٟ اگر تُوہی مانِن یژھان چُھو، ایلیآس یُوس ینہِ وُول اُوس چُھ یُوہے.
15 یِمس بُوزنکؠٟ کَن آسن سُہ بُوزِ. 16 ادہٟ یمہ زمانکین لوکن کس ساتؠٟ دِمہ بُو تشبیِد؟ ؠِم چِھ تِمن شُرین نہدؠٟ پٲٹھؠٟ ؠِم بازرَن منز بہتھ پننین ساتِھین آلو کرِتھ ونان چِھ.
17 اَسؠِ واؠی تُہندِ باپت نٔے تہٟ تُوہی نژِؠُونہٟ. اَسہِ کور ماتم تہٟ تُوہہ دُوگونہٟ سینہٟ. 18 تکیازِ یُوحنا اُوس نہ کھؠوان نہ چیوان تہٟ تِم چِھ ونان زِ تس منز چُھ بدرُوح.
19 ابنِ آدم آۆ کھیون چیوان تہٟ تِم چِھ ونان وچُھیو یَڈل تہٟ شرٲبی نفر گزرٹن والین تہٟ گنہگارن ہُند یار! مگر حکمت سپٔز پننیو کامؠو سٲتؠٟ پیز ثابت. 20 سُہ لوگ تمہٟ ساتہٟ تمن شہرن ہنز مزمت کرنہِ.یمن منز تمسند معجزٟ اکثر ظاہر ٲسؠ سپدان تکیازِ تِمو اُوسنہ توبہ کورُمت.
21 ہُؠو خرُازیِن ژے پیٹھ افسوس! ہُؠو بیتِ صیدا ژے پیٹھ افسوس! تکیازِہ ؠِم معجزٟہ توہہ منز ظٲہر سپد اگر صُورس تہٟ صیداہس منز سپدے متؠٟ آسہن تہٟ تمو آسہے کرتام ٹاٹ ولِتھ تہٟ لژٟھ منز بہتگ' توبہ کورُمت.
22 مگر بُو چُھسو توہہِ پُوز ونان صُورک تہٟ صیداہُک حال آسِہ قیامژ دُہ تُہندِ حالہ کھوتہٟ زیادہ برداشس لایق. 23 تہٟ ہُؠو کفرِنُحوما کیا ژہٟ یِکھا آسمانس تام تُھود کرنہٟ.ژہٟ ہا وسکھ ستمِس زمینس تکیازِ ؠِم معجزٟہ ژے منز ظاہر سپٔد اگر سدُومس منز سپدہٟ ہن تہٟ از تام روُزہے قٲیم.
24 مگر بُو چُھسو توہہِ ونان زِ قیامژ دُہ آسہِ سدوُمکہِ علاقک حال چانہِ حالہ نشہِ زیادہ برداشس لایق. 25 تمہٟ ساتہٟ وُن عيسىٰ ہن ہُؠو بباٟ آسمان تہٟ زمینکہِ خداوندٟا بُو چُھس چُون شُکر کران زِ ژے چُھپایتھ یمہٟ کتھہٟ دانہِ ہن تہٟ عقل مندن نِش تہِ شُرؠن پیٹھ کریِتھ ظاہر.
26 آ. ہے ببہٟ تکیازٟہ یتھے کنؠٟ آیؠ ژے پَسند .
27 میانؠٟ بَبن کور مے سوری کہنہ حوالہ.مٲلِس وراے زانِہ نٕہ کانٛہہ نیچوِس تٕہ نیچوِس ورٲۓ زانِہ نٕہ کانٛہہ مٲلِس. بیہ تس ورٲے یس پیٹھ نیچو تمِس ظاہر کرِہ. 28 ہُؠو محنت تُلن والیُو تہٟ بُورس تَل دبیمتُیو لوکو سارؠٟ یُیو مے نِش. بُو دِمو توہہ آرام.
29 میٲنؠ یپٹ تُلیو پانس پیٹھ تہٟ مے نِش ہچُھیو.تکیازِ بُو چُھس حلیم تہٟ دلہٟ کنؠٟ نرم تہٟ تُہندؠ زُو لبن سکون.
30 تکیازہٟ میٲنؠ یپٹ چھے نرم تہٟ میون بُور چُھ لُوت