2 ابراہمَس نِش زاۆ اِسحاق تہٕ اِسحاقس نِش زاو یعُقوب تہٕ یعُقوبس نِش زاۆ یہوُداہ تہٕ تمسندٟی بٲؠٔ.
3 تہٕ یہوُدس نِش زاۆ فارص تہٕ زارح زاۆ تمَرس نِش، فارصس نِش زاۆ حصرُون تہٕ حصرُونس نِش زاۆ رام. 4 تہٕ رامس نِش زاۆ عمینداب، عمیندابس نِش زاۆ نحسُون، تہٕ نحسُونس نِش زاۆ سلمون.
5 سلمونس زاۆ بوعز راحبس نِش،بوعزس نِش زاۆ عوبید روتس نِش ، تہٕ عوبیدَس نِش زاۆ یسی؛
6 یسیِ ہَس نِش زاۆ داۆد بادشاہ. تہٕ داۆدس زاۆ سُلیمان تس زنہِ نِشہٟ یُوسہٟ گوڈہٟ اوریاہ سنٔز زنان ٲس. 7 تہٕ سُلیمانس نِش زاۆ راحُبعام، تہٕ راحُبعامس نِش زاۆ ابیاہ تہٕ ابیاہس نِش زاۆ آساء؛
8 تہٕ آساہس نِش زاۆ یہوسفط،تہٕ یہوسفطس نِش زاۆ یُورام، تہٕ یُورامس نِش زاۆ عُزِیاہ. 9 .عُزِیاہس نِش زاۆ یُوتام، یُوتامس نِش زاۆ آخز تہٕ آخزس نِش حزقیاہ؛
10 تہٕ حزقیاہس نِش زاۆ مُنسی، مُنسیس نِش زاۆ امُون تہٕ امُونس نِش زاۆ یُوسیاہ؛
11 تہٕ گرِفتار سپدِتھ بابُل گژھنکِس زمانس منز زاۓ یُوسیاہس نِشٕ یکونیاہ تہٕ تسنٕدؠ بٲؠٔ، 12 . تہٕ گرِفتار سپدِتھ بابُل گژھنہ پتہٟ زاۆ یکونیاہس نِشٕ سیالتی ایل تہٕ سیالتی ایلس نِشہٟ زاۆ زُرباُبل؛
13 تہٕ زُرباُبلس نِشہٟ زاۆ اَبِہیُود، تہٕ اَبِہیُودس نِش زاۆ اِلیاقیِم تہٕ اِلیاقیِمس نِش زاۆ عازور؛
14 تہٕ عازورس نِش زاۆ صدوق تہٕ صدوقس نِش زاۆ اخِیم تہٕ اخِیمس نِش زاۆ لِیہُود. 15 تہٕ لِیہُودس زاۆ الیعزر تہٕ الیعزرس نِش زاۆ مَتان تہٕ مَتانس نِش زاۆ یعُقوب؛
16 تہٕ یعُقوبس نِش زاۆ یوُسف، یہ اُوس تس مریم سنُد خاندار یس نِش عيسىٰ زاۆ، یِمس زَن میسح چُھ وننہٟ یوان؛
17 ادہٟ سآریِ پُشت ابراھیمسٕ پیٹھ داوٗدَس تام چھِ ژوداہ پُشت، داوٗد سنٔدِ پیٹھ گرِفتار سپدِتھ بابُل گژھنہس تام چھِ ژوداہ پُشت تہٕ گرِفتار سپدِتھ بابُل گژھنہ پیٹھ چھِ میسحس تام ژوداہ پُشت. 18 ونیٟ سُپد عيسىٰ میسح سُند زیُون یتھ کنؠٟ زِ تَس ہٕنزِ ماجِہ مریمَس ٲس یُوسفَس سٲتؠ نشٲنؠ سپٕزمٕژ تہٟ یہندِ یکوٹہٟ سپدنہٟ بُرونٹھؠٟ ٲس سُو رُوح القُدسہٟ سسٕندِہ د قُدرتہٟ سٲتؠٕ گُوبہِ ِکُھور رُوزمژ.
19 ادہٕ ٲمسنٔد خاندارن یُوسفن یُوس زن نیک اُوس .تہٕ اُوسنہٟ تمِس بدنام کُرن یژھان، تِمس مُوکلاوُنک کُورن لُوتہٕ پاٹھؠٕ ارِادہ. 20 سُہ اُوس یمہٕ کتھٟ وُنہِ سُونچٲنؠٟ زِ خداوند سُند فرشتہٟ آو اَمِس خوابس منز تہٕ وُننس " ہیے یُوسف داوٗد سنٔدِ فرزندٕہ پٕننؠٟ زنانہٕ مریم یُور پانس نِش اَننس مٔہ کُھوژ، تکیازہِ یُوس تمسٔندِس شِکمس منز چُھ سُہ چُھ روحالقُدسہٕ سنٔدِ قدرتہِ سٲتؠٕ.
21 تمسِ زییہِ نیُچو تہٕ تس تھأیزِ ناۆ عيسىٰ.تکیازہِ سُہ دیِیِہ پننٟس اُمتَس گنہُو نِشہٟ نجات. 22 یہِ سورؠٟ کہنہ سَپدِ امہٕ مُوجوب زِ یہِ خداوندن نبی سٔندِ ذریعہٕ وُنمُت اُوس تہِ سپدِ پُورہٟ زِ.
23 وُچٕھیُو، اکھ اَنہٕ ہرِش سپدِ گُوبہِ کُھور. تَس زییہِ نیُچو تسُہنٔد ناۆ تھأوُن عمانوٲیل، یمیوک مطلب گو خدا چُھ اَسہِ سٲتؠٟ. 24 ادہٕ نِنیٕدِرِ وَتھتھِ کُور یُوسفن یتھہ کنؠ تمسِ خداوند سنٔد فرشتن حکم دیوتُمت اُوس . تہٟ پننؠٟ زنانہٟ اننؠٟ پانس نِش.
25 تہٕ توتام گو نہٕ تمسِ نِش یُوتام نہٕ تمسِ نیُچو زاۆ تہٕ تس تھُوون ناۆ عيسىٰ.