2 .تہٕ ہجِہ وتہِ پکن تہٕ غلط نفرن نِشہٕ روزؠو بچِتھ تکیازِ سارِنےٕ منز چُھنسٕ اؠمان._
3 .مگر خداوند چُھ پُوز سُہ کرؠو توہِہ مضبوط تہٕ تس شریرس نِشہٕ تھایُو محفوظ._ 4 .تہٕ اَسِہ چُھ بھروسہٕ خداوندس منز توہِہ پؠٹھ.زِ یُوس حکم توہِہ أسیٕ دِوان چُھو تَتھ پؠٹھ چُھو عمل کران تہٕ کران تہٕ روزؠُو._
5 .تہٕ خداوند کرٔنو تُِہندؠن دِلن خدایہ سٕندِ محبتہٕ تہٕ مسیح سٕندِہ صبرٕہ کِنؠٕ ہِدایت._ 6 .ہے بایُو!أسؠٕ چُھو توہِہ پننِس خداوندِ عيسىٰ مسیح سٕندِ ناوٕہ توہِہ حکم دِوان زِ پرؠتھ اکِس تِتھس بأیِٔس نِش روزؠُو دوٗر یُوس بے قأعدٕہ پکان تہٕ تِتھ رؠواؠٔژ پؠٹھ عمل کران یوس تس سانِہ طرفہٕ وأژ._
7 .تکیاِز توہیٕ چُھو زانان زِ سأنیٕ پأٹھؠٕ کتھہٕ کنؠٕ پزیُِو توہِہ پکُن.امِہ موجوب زِ أسیٕ أسٕنہ توہِہ منز بے قأعٕدہ پکان._
8 .تہٕ مفُت أسنہٕ کانسِہ ہنٔز ژُوٹ کھؠوان،بلکہ أسیٕ راتس دُوہس محنت مشقتہٕ سان کأم کران تاکہ توہِہ منز تراوُونہٕ کانسےٕ پؠٹھ بار._
9 .امِہ موجوب نہٕ کؠنہٕ زِ اسِہ چُھنہٕ اختِیار بلکہ امِہ موجوب زِ أسیٕ تھاوَو پنُن پان تُہندِ باپتھ نمونہٕ تاکِہ توہیٕ بنیُو اَسِہ ہِیؠؠٕ._ 10 .تہٕ ییلِہ أسیٕ توہِہ نِش ٲسؠٕ تؠمہِ ساتہٕ تِہ ٲسیٕ أسیٕ توہِہ یِہ حکم دوان.یَس نہٕ محنت کرنؠٕ منظور آسِہ تس مؠلنہٕ کِھؠن تِہ._
11 .ٲسیٕ چِھ بوزان زِ توہِہ منز چِھ کؠنہ بے قأعدٕہ پکان تہٕ کانہ کأم چِھنہٕ کران.بلکہ بیکؠٕ سنٕزِہ کامِہ منز دخل اندأزِی کران._
12 .تِتھؠن شخصن چِھ أسیٕ خداوندس منز حکم دِوان تہٕ مشورٕہ دِوان زِ لُوتہِ پاٹھؠٕ کأم کرِتھ کھِؠیِن پننِؠ ژُوٹ._ 13 .تہٕ ہے بایُو!توہی ہأرٕزؠونہٕ نیک کأم کرنس منز ہمت._
14 .تہٕ اگر کانہ سانِہ یمہِ خطچ کتھ ماننہٕ تہٕ سُہ تھأؠووُن نظرِ تَل تہٕ تس ساتیٕ مَہ تھأیُو تعلُق تاکِہ سُہ سپدِ شرمندٕہ._
15 .مگر سُہ مہٕ زأنوُون دشمن بلکہ کرِٔوُس بُوۓ زأنِتھ نصیحت._ 16 .ونیٕ بخشیو اطمینانُک خدا پانےٕ توہِہ ہمؠشہ پرؠتھ رنگہٕ اطمینان.خداوند روزِن توہِہ سارنیٔ ساتیٕ._
17 .بوُ،پولُس چُھس پننِہ اتھہٕ سلام لؠکھان،پرؠتھ خَطس منز چُھ مؠون یُوہے نِشان؛بُو چُھس ؠتھے پأٹھؠٕ لؠکھان،_
18 .سأنِس خداوند عيسىٰ مسیح سُند فضل روزِن توہِہ سارنےٕ پؠٹھ سپدان روزان._