2 .توہِہ روزنَو فضل تہٕ اطمینان خدابب تہٕ خداوندِ عيسىٰ مسیح سٕندِ طرفہٕ حاصل سپدان._ 3 .ہے بایُو!توہِہ مطلق چُھ پرؠتھ ساتہٕ خدایِہ سُند شُکر کرُن اَسِہ پؠٹھ فرض.تہٕ یِہ امِہ موجوب مُناسِب زِ تُہند اؠمان چُھ واریاہ برونہہ پکان،تہٕ توہِہ سارنؠٔ ہُند محبت چُھ پانہٕ وأنؠٕ زیادہٕ سپدان روزان._
4 .یُوتانیٕ زِ أسیٕ چِھ خدایِہ سنٔزَن کلیسیاہن منز توہِہ پؠٹھ فخر کران زِ یؠتیاہ ظلم تہٕ مصیبت توہی تُلان چُھو تَتھ منز چُھ تُہند صبرٕ تہٕ ایمان ظاہر سپدان._
5 .یہ چُھ خدایہ سٕنٔدِہ پزِ عدالتُک صاف نشان.تاکہ توہیٕ بنؠو خدایہ سنٔزِہ پادشاہی لایٔق تمہٕ خاطرٕہ توہیٕ تکلیف تِہ چُھو تُلان._ 6 .تکیازِ خداؠس نزدیک چُھ یہ انصاف زِ توہِہ پؠٹھ مُصیبت انن والین اَنِہ تَتھ بدلہٕ مصیبت._
7 .تہٕ توہِہ مصیبت تُلن والؠن تھایہِ اَسِہ ساتیٕ آرامہٕ سان.ییلِہ خداوند عيسىٰ پننؠن مضبوط فرشتن ساتؠٕ آسمانہٕ پؠٹھ ظاہر سپدِ._
8 .تہٕ دزوُنہٕ نارٕہ ساتیٕ ہؠیہِ تِمن انتقام یِم نہٕ خدایس زانان چِھ تہٕ بیِہ چِھنہٕ سأنِس خداوندِ عيسىٰ سنٔز خوشخبری مانان._ 9 .تِمن میلِہ ہمؠشہ ہلاکٔژ ہُند سزا خداوندِ سنٕدِہ رُویِہ تہٕ تہنٕدِہ قدرتکِہ جلالہٕ نِشہٕ دورأ سِتھ._
10 .یِہ سپدِ تؠمہِ دوہ ییلِہ زن سُہ پننؠن مُقدِّسن منز جلال لبنہِ تہٕ تمام ایمان انَن والین ہندِہ سببٕہ تعجُبکہِ باعِثہٕ آسنہٕ موکھٕ یِیِہ تکیازِہ توہِہ اونُو سانِہ گواہی پؠٹھ اؠمان._ 11 .امےٕ موجوب چِھ أسیٕ تُہندِ خاطرہٕ ہروقتہٕ دُعا تہِ کران رُوزان.زِ سُون خدا زانؠُو توہِہ یَتھ بُلاوَس لایٔق.تہٕ کرِ نیکی ہنز پرؠتھ خواہش تہٕ ایمانٕچ ہرکانہہ کام قدرتہٕ ساتؠٕ پورٕہ._
12 .یُوتھ زن سأنِس خدا تہٕ خداوندِ عيسىٰ مسیح سنٕدِ فضلہٕ موافِق سأنِس خداوند عيسىٰ سُند ناۆ توہِہ منز جلال لبِہ تہٕ توہِہ تس منز._