2 ییلِہ اسؠ چِھ خدایَس سٲتؠ محبت تھاوان تٕہ تَسٕندؠن حُکمَن پؠٹھ چِھ عمل کران تٕہ امِہ سٲتؠ چُھ اسِہ معلوم سپدان زِ خداۓ سٕندؠن فرزندَن سٲتؠ تِہ چِھ اسؠ محبت تھاوان۔
3 ۔ تٕہ خداۓ سُند محبت چُھ یِہ زِ اسؠ کرو تؠمسٕندؠن حُکمن پؠٹھ عمل تٕہ تؠمسٕندؠ حُکم چِھنٕہ سَکھ۔ 4 ۔ یُوس اکھا خداۓ سٕندِ سٲتؠ پٲدٕہ سپدمُت چُھ سُہ چُھ دنیاہَس پؠٹھ غٲلِب یِوان تٕہ سُہ غلبٕہ یمِہ سٲتؠ دنیا مغلوب چُھ سپدمُت چُھ سون ایمان۔
5 ۔ دنیاَس مغلوب کرن وۄل کُس چُھ تَس شخصَس ورٲۓ یمسُند ایمان یِہ چُھ زِ عیسیٰ چُھ خداۓ سُند فرزند؟ 6 ۔ یُوہے چُھ سُہ یُوس آبٕہ تٕہ خونکِہ وسیلٕہ اُوس آمُت یعنی عیسیٰ مسیح۔ سُہ اُوسنٕہ صرف آبکِہ وسیلٕہ سٲتؠ بلکِہ آبٕہ تٕہ خونٕہ دوشونی ہٕندِ وسیلٕہ سٲتؠ آمُت۔
7 ۔ تٕہ یُوس گوٲہی چُھ دِوان سُہ چُھ رُوح تکیازِ رُوح چُھ پزَر۔
8 ۔ تٕہ گوٲہی دِنٕہ وٲلؠ چِھ ترۓ رُوح، آب تٕہ خون یِم ترؠشوے چِھ اؠکسٕے کتِھہ پؠٹھ متفق۔ 9 ۔ ییلِہ اسؠ انسانَن ہٕنز گوٲہی چِھ قبول کران۔ اتی چھے خداۓ سٕنز گوٲہی امِہ کھوتٕہ تْٔھز تٕہ خداۓ سٕنز گوٲہی چھے زِ تؠمؠ چھے پننِس فرزند سٕندِس حقّس منز گوٲہی دِژمٕژ۔
10 ۔ یُوس خدایِہ سٕندِس فرزندَس پؠٹھ ایمان چُھ تھاوان سُہ چُھ پٲنؠ پانَس منز گوٲہی تھاوان۔ یمؠ نٕہ خدایہ سُند یقین کوٚر سُہ چُھ تَس اپُزِیُور گنزران تکیازِ تؠمؠ اُوننٕہ تَتھ گوٲہی پؠٹھ ایمان یُوس خدایَن پننِس فرزند سٕندِس حقّس منز دِژمٕژ چھے۔ 11 ۔ تٕہ سُوٚ گوٲہی چھے یِہ زِم خدایَن چھے اسِہ ہمیشٕہ ہٕنز زندگی بخشمٕژ تٕہ یِہ زندگی چھے تؠمِہ سٕندِس فرزندَس منز۔
12 ۔ یَس نِش فرزند چُھ، تَس نِش چھے زندگی تٕہ یَس نِشنٕہ خدایِہ سُند فرزند چُھ تَس نِش چھؠنٕہ زندگی تِہ کینٛہہ۔ 13 ۔ مے چُھو توہِہ، یِمو خدایِہ سٕندِس فرزندَس پؠٹھ ایمان چُھ اُونمُت امِہ موکٕھہ یِمٕہ کتٕھہ لؠچھمَژٕہ زِ توہِہ چُھو پتَہ زِ توہِہ چُھو ہمیشٕہ ہٕنز زندگی تھاوان۔
14 ۔ تٕہ اسِہ یِمن تَس برونٛہہ کنِہ دلیری چھے، امؠُک وجہ چُھ یِہ زِ اگر تؠمِہ سٕندِ مرضی موٲفِق کینٛہہ منگان چِھ تٕہ سُہ چُھ سون بوزان۔
15 ۔ تٕہ ییلِہ اسؠ زانان چِھ زِ یِہ کینژھا اسؠ منگان چِھ، اتی چُھ سُہ سُون بوزان تیلِہ چِھ اسؠ یِتِہ زانان زِ یِہ کینژھا اسِہ تَس مونگمُت چُھ تِہ چُھ مؠولمُت۔ 16 ۔ اگر کانٛہہ پننِس بٲئیِس وُچِھ تؠوتھ گناہ کران یمؠُک انجام موت چُھنٕہ اتی کرِن دُعا۔ خدا بخشَس تؠمکِہ وسیلٕہ زندگی۔ تِمنٔی یِمو تؠوتھ گناہ چُھ کوٚرمُت یمؠک نتیجِہ موت چُھ۔ گناہ تؠوتھ تِہ یمیؠُک نتیجِہ موت چُھ۔ امِہ باپَتھ چھسنٕہ بُو ونان دعا کرنٕہ خٲطرٕہ۔
17 ۔ چُھتِہ ہرٕ رنگٕہ وتِہ ڈلُن گناہ مگر گناہ چُھ تؠوتھ تِہ یمؠُک تنیجِہ موت چُھنٕہ۔ 18 ۔ اسؠ چِھ زانان زِ یُوس اکھاہ خدایِہ سٕندِ سٲتؠ پٲدٕہ چُھ سپدمُت سُہ چُھنٕہ گناہ کران بلکِہ چُھ سُہ تُہند حفاظت کران یُوس خدایَس نِش پٲدٕہ سپُد تٕہ شیطان چُھنٕہ ہؠکان تَس اتٕھہ لٲگِتھ۔
19 ۔ اسؠ چِھ زانان زِ اسؠ چِھ خدایَس نِش تٕہ سُورُی دنیا چُھ تَس شیطان سٕندِس قبضَس منز گومُت۔ 20 ۔ تٕہ یتِہ چِھ زانان زِ خداۓ سُند فرزند چُھ آمُت تٕہ تؠمؠ چُھ اسِہ سمجھ عطا کوٚرمُت تاکِہ اسؠ زانوَن سُہ یُوس حقیقی چُھ تٕہ اسؠ چِھ تَتھ منز یُوس حقیقی چُھ یعنی تَسٕندِس فرزندَس عیسیٰ مسیحَس منز۔ حقیقی خدا تٕہ ہمیشٕہ ہٕنز زندگی چُھ یُوہے۔
21 ۔ ہے شُرؠو! پنُن پان تھٲیُو پُتلؠو نِشٕہ بچٲیِتھ۔