¹ Kandi tonderere Nguana aha na ramatura e ciramatera ce ntanzi cezi ramatera ze anja-ni-zovire. Mpaho shendi shuwa cimwi ce zivumbwa Nyambe zone zihara neci taye kezye kezywi lifwana mbo mulinga - wo-nvura. ² Ninda tonda noku vona ye haho havuso bwangu kahena embizyi yo kutuva. Ozyu kai bberesa ka kwatilire ovuta, mi nahewa enkuwani ye cifumu. Mi nakezya kowora mi kawora. ³ Nguana ahasha ramutura e ciramatera caviri, ninda shuwa e civumbwa - Nyambe chihara caviri neci taye, ''Kezye!'' ⁴ Mpaho sheku kezya embizyi yimwi, yo kusuvira - vu- vundukire. Ozyu kayi bberesa naa hewa a manta o kuzwisa empore mwifasi noku tenda ye a vantu vayaye vayenzavo. Ozyu ka beresa nahewa o mukware o munene. ⁵ Nguana aha na ramutura e ciramatera co vutatu, ninda shuwa, ninda shuwa e chivumbwa - Nyambe cihara co vutatu necita ye, ''Kezye!'' Ninda tonda havuso bwangu kahena embizyi yo kusiha. Ozyu kayi bberesa ka kwatilire e cikara muanja. ⁶ Mpaho ninda shuwa ezywi mukati ke zivumbwa - Nyambe zone ezi zihara litaye, '' E lita yonke yo vuroto yi lingana entifo yo mutendo we zyuva, mi otatwe a mahira a lingana entifo yo mutendo we zyuva mutumbi, mi washa sinyi e woili ne waine.'' ⁷ Aha sha ramutura nguana e ciramatera co vune, ndoku shuwa ezywi lye civumbwa - Nyambe chihara co vune ne litaye, ''Kezye!" ⁸ Ninda tonda mi haho havuso bwangu kahen embizyi yoku vundukira, ozyu kayi bberesa ka kuwiwa Rufu, ne civaka ca vafu kacimu chilire. Niva hewa e ngamu ha civaka co vune ce fasi o kuya ko mukware, rukubwe ne nkozi nike zivatana zamu mutemwa zefasi. ⁹ Aha sha ramutura e ciramatera ce anja, ninda vona mwinshi lye arutare e myuzya yava niva yayiwa kevaka lye zywi lya Nyambe niko vupaki ovu kavatenda. ¹⁰ Niva kuwa kezywi kali wongoza ye mbohinde enako yihura he, Nfumu ozywa a vusa, ozyu a chenete ne niti, o kutaye o ature ava vazyakite mwifasi nokuva lifisa kaza maroha etu. ¹¹ Paho sheva hewa zyumwi no zyumwi e cizyavaro co kutuva, mi voku tewa oku lindira enako endeana, mbita e mparo ya bakana bayenzavo na vashere vavo ava va votere oku yayiwa shina mbabo neyi kwaninine. ¹² Kandi tonderere aha ka ramutura eci ramaterace anja-ni-chonke, nikwava ne nzikinyeho yefasi enene. Ezyuva nilya zoka lyoku siha shina ndi sira lye saka elyi nilya tendwa ha vozya mbwe mpene, o mwezi niwa zoka mbwe maroha. ¹³ Ne ntungwezi nizawa ku mbimbiwiru kuwira mufasi, shina zi nkwizyu ze citompo ziwa ku vukuzyu kuti bwa nyungiwa kwi ruho orunene. ¹⁴ Ewiru nilya livunga shina nji vuka ya vungiwa mi erundu ne rundu ne wongo ne wongo nilya zwiswa mucivaka calyo. ¹⁵ A vaNfumu befasi na vantu vovu tokwa, ava kuru ve nkondo ava vafumite, ava vagorete, ava vamunitwa nava valivusa nivali zika mu marambo a mabwe nomu mabwe a marundu. ¹⁶ Nivate a mabwe na marundu ye mutu limbame, mutu zike havuso vozyu akere muruvona ni havuso bwa kanyeezi ka Nguana. ¹⁷ Kakuli ezyuva enene lya kanyeezi kavo shilya huli, mi ndini shake a wore oku zyimana?''