¹ Oñolele e ngiroyi lye nkeleke ya mwa Sade ye: "Anu nga mazywi ozyu a kwatirire e myuzya ye arya -ru-yobire ya nyambe ne ntungwezi ze anja-ni-zobire. Ndizyi e zitendantu za ko, O bubene ye o hara, kono o fwite. ² Buke, gorise eci shi siyarire ho mi shi ca ku fwa. Kakulyi ka nda wani e mitendo yi sepahala mu mensho a Nyambe wa ngu. ³ Kumburuke, mpaho, eci ni wa tambura neci wa shuwa , o ci mamere no kuzoka, kono atiko buki, nendi ra kezya mbo musa, mi kari no zyibe ye nji nako nji ne ndi kezye kwako. ⁴ Kono mwa Sade kusina bantu bacenya, aba kaliniba vundavunda e zizyabaro zabo mwivu. Ni ba ra yenda neme, ni ba zyabele ezi zi tuba, kakuli kuba botere. ⁵ Ozyu na wore naraba, shina mbabo, nara zyabara ezi zi tuba. Kalyi ne ndi swaye e zina lyakwe mwi buka yo buharo, kono ne ndi ra zyibahaza e zina lyakwe mwi buka ha buso bu ba tata na mangiroyi abo. ⁶ Ozyu ena matwi, a shuwe eci wu ta omuzya ku makeleke. ⁷ O ñolele e ngiroyi lye nkeleke ya mwa filadelufia ye: " Anu nga mazywi akwe, ozyu acenete ne niti, ozyu a kwatirire enki za Davida. Eci na aruri kwaazya ozyu aci ara, mi ne ci na ari kwaazya ozyu a woro ku ci arura. ⁸ Ndizyi e zitendantu zako, bone , nda biki e cigwaro ci arukite ha buso bwako eci kaci na ozyu a woro kuci ara, Ndizyi okwesi tumanta-ana , mi ni wa mamera enzywi lyangu mi kalyi ni wa shampura ezina lyangu. ⁹ Ne ndira tenda bena bashi Sinagoge ya Satani, aba ba lyita ye majuda no ku ka ba lyi mbabo, kono mbahata. Nendira ba cita ye bake batongame habuso bwamatende ako mi ni bazyibe ye ni ndakushaka. ¹⁰ Bulyaho ni wa mamera entaero yangu ko ku rigoresa kuku liombeka , Ne me ndira kuzyakwira mwi nako yo muliko owu ne wu kezye mwi fasi lyoshe. ¹¹ Nanga nda kezya, kwatise kweci okwesi. Okuta ye enkuwani yako ye cifumu ne ku bulisike ozyu na yi kutape. ¹² Ozyu na wore, ne ndi ra mutenda e wutwana enene mu tempele ya nyambe wangu. Nera kalyi mo hape. Ne ndira mu ñola e zina lya nyambe wangu ne zina lyo muleneñi wa nyambe wangu, Jerusalema o muya, o wu neusuke hanshi kuzwa ku wiru kwa nyambe wangu, mi hape nendi ra muñola ezina lyangu eya. ¹³ Ozyu ena amatwi, a shuwe eci wu amba o muzya ku makeleke. ¹⁴ Oñolele e ngoroyi lye nkeleke ya mwa Laodesia ye: " Anu nga mazwyi a Amen, epaki yi sepahara ne niti. omubusi we zibumbwa Nyambe. ¹⁵ Ndizyi e zitendantu zako, ye waazya kutontora kapa okuyisa. Ndishaka ye no ntotora kapa no yisa. ¹⁶ Mpaho kakuli otukuta bulyo ko yisi ko tontori. Nanga ne ndi ku suhe mukanwa kangu. ¹⁷ Otaye, ndi fumite, ni nda shanganya orubono mi na eci ndi shandite. Kono wa azya kuzyi ye oromberere, no kuswabisa olyi murumba, olyi mofu ne cishenshe o kere. ¹⁸ Ndi kuereza ye o li wurire kwangu e gauda eyi ni ya ceneswa mu mulilo, o kutaye o fume. ne zizwato zo kutuba o zwate , ye o zwate ye owore okuwira a maswabi e cishenshe cako, no mushamu wa mensho wo kulyi bika mu mensho ye owore kubona. ¹⁹ Ndi karimera no kudama bonshe aba ndi shaka. Mpaho osepahare no kuzoka. ²⁰ Ndime zyunu hanu! Ndi zyimene ha cizyi ne ndi odisa, Ati o muntu na shuwa ezwyi lyangu no kuarura ecizyi, mbondi kabire ndi lye neye, neye a lye neme. ²¹ Kozyu shake nawore, ne ndi ra muha e ntukero yo kukara neme mu rubona lwangu, shina bu lyaha ni nda wora mi ni nda kara ni ba Tata mu rubona lwabo. ²² Ozyu ena amatwi, a shuwe eci wuta O muzya ku makeleke.