¹ Paho shendi shuwa ezywi lizwa mu tempere kali shumpura ku mangiroyi e anja-ni- ovire nelyo ye, ''Muyende mukatire a mankwana e anja-ni-ovire o vukali bwa Nyambe.'' ² Lye ntanzi engiroyi nilya yenda no katira enkwana yalyo hafasi; mi aromaronda a mabbi noku kuvaza oku tuntauka ha vantu ava kava kwesi e swayo lye chivatana noku tongamina echi swaniso chacho chokuvumba. ³ Engiroyi lyavili nilya tira enkwana yalyo ha wate, mi nilya zoka a maroha afwana mbua muntu o mufu, mi ezintu zonshe zihara muwate niza fwa. ⁴ Engiroyi lyatatu nilya tira enkwana yalyo ha marwizyi naha mapopayizi a menji, mi niya zoka maroha. ⁵ Paho ninda shuwa engiroyi livona za menji litaye, ''O rukite mwezi nkaturo - Ewe ozyu enako, nozyu enako, Ozyu a chenete - kali mbovulyaho no atuli ezi zintu. ⁶ Kakuli niva tira a maroha ava vachena vako nia vaporofita, mi novahi a maroha ye vanywe; shina vulyaho kuva votere. ⁷ Mi ninda shuwa e arutare aha yitaye, ''Eni, Nfumu Nyambe Manta - onshe, Enkaturo zako zi rukite kame nzahawa.'' ⁸ Engiroyi lyane nilya tira enkwana yalyo ha zyuva, mi nilya hewa a manta o kuhisa a vantu ko muliro. ⁹ Niva yisiwa ku kamwi a kanene katiiza mi niva nyansaura ezina lya Nyambe, ozyu kakwesi engamu hewiru lyezi enkozi. Kono voku kana oku zoka kapa kumuha e tuvo. ¹⁰ Engiroyi lye anja nilya tira e nkwana yalyo ha ruvona lwe chivatana, mi o muvuso wacho wokuva mukansikwe. A vantu vokuli shuma endimi kevaka lyoku kuvaza. ¹¹ Mi niva nyansaura Nyambe wakwi wiru kevaka lyoku kuvaza kwavo na maronda, mi niva kana oku zoka kwezi niva tenda. ¹² Engiroyi lye anja-ni-lyonke nilya tira enkwana yalyo ha ruzyi o runene lwa Eufurati, mi a menji aro niaya hwira o kurukisa enjira ya vanfumu ava vazwa kuvuzwe - zyuva. ¹³ Paho shendi vona e myuzya e mibbi yo tatwe eyi kayifwana e zimbotwe kayizwa mukanwa ke diragoni nike chivatana no mukanwa ko muporofita wa kayama. ¹⁴ Eyi myuzya ya madimona eyi yitenda e zisupo zi komona, mi kayizwa ne yiya ku vanfumu vefasi lyonshe okuva shanganya ke vaka lye ndwa ye zyuva enene lya Nyambe a manta- onshe. ¹⁵ Bone, ndikezya mbo musa, a fwiyawirwe ozyu akara na tonda nali bikire e zizyabaro zakwe, o kuta ye na reke o kuyenda e cishenshe no kubonwa bu swabisa. ¹⁶ Cware paho shiba shanganisa a banfumu bonshe ku cibaka ci kuwiwa Amageddon mu Ciheberu. ¹⁷ Engiroyi lye anja-ni-obire ni lya tira e nkwana ya lyo muruho mumbimbiwiru, mi mutempere ha rubona ni mwa zwa ezywi li ongoza, lita ye, ''shikwa tendahali!''. ¹⁸ Paho she kukezya o kubesa kwe mimuni yp nvura, kuzuma, milikitizo ye milinga yo nvura ne nzikinyeho ye fasi e nene yi tiza. Kwaazya e nzikinyeho yi fwana neyi eyi shi ya tendahara shinga a bumbwa o muntu hanshi, ka yi li nene no kutiza hawa eyo nzikinyeho. ¹⁹ O muleneñi o munene niwa bbamauka e zi bbema zo tatwe, mi e mileneñi yi ba shi macaba neya hobaukira, Nyambe sha na ka azyali Babilona o munene no ku mutambika e nkomoki yi zwyire e waine ya kanyezi ko buhali bwakwe. ²⁰ A maongo o kutiya ko onshe na marundu na marundu kali kaa shi wanahara. ²¹ Ku mbimbiwiru ni kwarawa orubwe ro nvura o ru nene oru ru kuma ha 45 kilogiramu ebwe ne bwe ni rwa wira hawiru lya bantu. Mi ni ba nyansaura Nyambe ke baka lye nkozi yo rubwe, kakuli e nkozi kayili nkuru hawa no kutiza.