¹ Mi e cisupo cinene cikomokisa co kubonahara muwiru. Co mukentu ozyu a zyabere e zyuba no mwezi kwinsi lya matende akwe ne nkuwani ye cifumu ye ntungwezi ze kumi ni zobire ku mutwi wakwe. ² Kali musumba mi kena hafwihi no kuleta mi o kukubaza ne shando lyo kuleta o mwana zezo kazimu takumisa. ³ Cimwi cisupo ci komokisa co kubonahara muwilu: Bone! E dirakoni lyo kusubila enene lye mitwi ye anja ni yobire na manaka ekumi ne nkuwani ye cifumu ku mutwi no mutwi walyo. ⁴ O mucila walyo woku hurumuna e ntungwezi kuzi zwisa muwiru nokuzi shonjera mwi fasi, e zikwata zazo zotatwe nilya wisa cikwata catatu. E dirakoni nlya zyimana habuso bo mukentu ozyu shika reta, ye limine mwane shake a retiwa bulyo. ⁵ A kureta o mwana we cikwame, mwana we cikwame ndeye na buse ezishi zonshe ke nkoli ye nsipi. Mi mwane naa twaliwa kuwiru kwa nyambe noku rubona lwakwe. ⁶ O mukentu naa tiyira mwi haraupa mucibaka eco naa tenderwa kwa nyambe, oku a botere oku babarerwa ka mazyuba oli 1260. ⁷ Mi nikwaba ne ndwa muwiru. Maikulu na mangiloi akwe niba rwisa e dirakoni mi e dirakoni na mangiloi alyo niba li rwira. ⁸ Kono e dirakoni kali kali gorete nenja, mi boku zyawa e cibaka cabo muwiru. ⁹ E dirakoni enene nilya shonjerwa hanshi, lilina ezyoka lya kare likuwiwa dyaburusi, kapa satani, ozyu a lyanganisanga e fasi lyonshe, Naa shonjera mwi fasi, neye na mangiloi akwe. ¹⁰ Paho ninda shuwa muwiru ezywi liongoza lita ye: hanu shikwa kezyi oku huzwa na manja no mubuso wa nyambe wetu, na manta a kiresite wakwe. Kakuli o muhambilizi wa bance betu, ozyu na ku ba hambikanga habuso bwa nyambe wetu a kamwi na masiku, na shonjerwa hanshi. ¹¹ Ni ba muwora ka maroha e ngu nike zywi lyo bupaki bwabo; kali nina shaka hawa o buharo bwabo ye ba picuke o rufu. ¹² Kabulyaho muboterwa, enwe mumawiru nenwe nuzyakite mwawo! Kono mbu shomani kufasi ne wate, kakuli dyaburusi na surumukira hanshi kwenu! Kazywire kanyeezi, kakuli azyi ye enako yakwe njin nfwihi. ¹³ E dirakoni aha sheli bona ye lya shonjerwa mufasi, lyo kutanda o mukentu ozyu nareta o mwana we cikazana. ¹⁴ O mukentu a kuhewa a mabando obire e manje nene, kokuti ye awore oku wurukira ku cibaka eci naa rukisezwa muharaupa, o ku kabotere oka babarerwa mwi nako yonke, nako zobire ne nako niya koshorwa hakati, o kure oku kali kahuli ezyoka ¹⁵ Ezyoka paho sheli suha a menji mbo rwizyi kuzwa mukanwa kalyo ye a katante o mukentu nokumu kumpusa ka makumpe. ¹⁶ Kono efasi nilya zyaka o mukentu ko kuzyashura a kanwa kalyo no ku mina o rwizyi oru nilya suha e dirakoni kuzwa mukanwa kalyo. ¹⁷ E dirakoni paho nilya bengera o mukentu no kuyenda karwisa bonshe be mitumpira yakwe aba kaba mamera entaero za nyambe no ku kwatisa ku bupaki bwa Jesu. ¹⁸ Mi e dirakoni ni lya zyimana ha lizo lye wete.