^{1 3} Paulusi, ozyo akuitwe kwa Kiresite Jesu kuba muapositora koku shaka kwa Nyambe, ne Sosithenesi o mukwetu. ² Ku nkerenke ya Nyambe kwa Korinte, abo niba chenesiwa mwa Kiresite Jesu noku kuiwa kuva a vantu vachenete, hamwinya nabo bawanisika muzivaka zonshe aba bakuwa hazina lyo Nfumu Jesu Kiresite wetu. Enshee ne mpore zive nenwe zizwa kwa Nyambe Shwetu ne Nfumu Jesu Kiresite. ⁴ Ndiki tumera kwa Nyambe wangu kenu kevaka lyenshee za Nyambe ezo namiha Jesu Kiresite. ⁵ Namiha o vufumu mwinjira zonshe. Mukuamba konshe nomwi nzunu zonshe, ⁶ shina o bupaki bwa Kiresite nibwa vumbilizwa ko vuniti mukati kenu. ⁷ Kovulyaho mwaazya kuvulite echihewa cho ruho vuti mulindire enyuhero ya Nfumu Jesu Kiresite wetu kenchiseho. ⁸ Neye mbo amitende ye muzumine ko kugora mani kuma manimani, ye mwashawani siki no murandu hazyuva lya Nfumu Jesu Kiresite wetu. ⁹ Nyambe asepahara ozyo na mikuwa ku vushere, Jesu Kiresite wetu.