¹ Jezu adapindazve mu sinagoga; Ndipo popale pakhana mamuna ubodzi kuti akhana dzanja la ku benda. ² Ndipo akhamu wongorora, kuti angada poresa mu sabatha, kuti wamupomere m'phozva. ³ Ndipo Jezu adalonga kuna munthu ule akhana dzanja la kufunhika: Muka, ndipo bwera pakati. ⁴ Ndipo adawabvunza: Ndi bzva kubvumiziwa kucita bzva bwino mu sabatha, kana bzva kuipa? ku sunungula munthu, kana kupha? Ndipo wadadzakhala wakunhamala. ⁵ Ndipo acidingisa mu khundu kuna iwo na kutsamwa, acibva ntsisi kwa kuwoma moyo kwawo, adadzalonga kwa munthu ule: thamula dzanja lako. Ndipo adadza thamula; ndipo dzanja lace lidadza khala bwino. ⁶ Napopo ma farisy wambuda, wadadza khala na songano na wa herodiano thangwera iye, kuti wapangane kuti wangada muphatani. ⁷ Ndipo Jezu adadzabuda na wa pfunzi wace acienda ku nhanza; Ndipo udadzamutera nthinthi ukulu wa ku Galileiya, wa kuJudiya, ⁸ wa ku Jeruzalema, kwa ku Idumeia, dalem kwa ku Jorodani, na pafupifupi pa Tiro na Kwa Sidom; n'thithi ukulu, wucibzvibva ibzvi bzvikulu bzvace akhacita, wada bwera kwa iye ⁹ Ndipo adadzalonga kwa wapfunzi wace kuti mwadiya ibodzi ikhale pa duze naye, na thangwera nthithi; kuti wasaye ku mupzvinhiza. ¹⁰ Ndipo akhada polesa wajinji, na khayindi yakuti wentse wale kuti wakhana bzvakuipa wakhabzvithusa kwa iye nakuda ku mukhuya ¹¹ Na mi n'zimu yakuipa payo ikhamuwona ikhamugodamira, na ku khuwa: Iwepo ndiwe mwana wa Mulungu. ¹² Jezu akhawatairisa kuti wasaiye kudziwisa kuti iye akhali mbani. ¹³ Iye adadzakwira phiri, acicemera wale wakhada; Ndipo adadza bwera kwa iye. ¹⁴ Ndipo adadzakonzekera wa pfunzi khumi na wayiri khuti wakhale nayie, kuti adzawatume, ¹⁵ kuti wadzakhale na ntsimba ya kucosa madimoni. wakhali iwo: Simeao, ¹⁶ ule kuti adadza ikha dzina Pedro; ¹⁷ Tiago mwana wa Zebedeu, na joau, m'bale wa Tiago; ndipo wadadza muikha nadzina la Boanerges, kuti bzvi kulonga ''wana wa Trovao'', ¹⁸ na Andre, Felipe, Bartomeu, Mateu, Tome; Tiago mwana wa Alifeu; ¹⁹ na Djuda Iscariote, ule adamulamba. ²⁰ Pace Jezu adadzayenda pa nyumba inang, penangopace adazakhla na n'thithi, mwa khaindi kuti angadalhalini n'kate. ²¹ wa bale wace wacibva bzvobzvi, wadabuda kuti wakamutenge nakuti wakhalinga: '' iye ali kunja kwa ife''. ²² Ndipo na wanenbi wakada buda ku Jeruzalema wakhalonga: wuyi ana thumwa, ndipo ndiye nkulu wa madimoni. ²³ Ndipo Jezu adawacemera, aciwabvunza na m'fananidzo: Tani sathani anga xose sathani? ²⁴ inga khala Nyika inango inga khala ya kugayiwa thangwera iye, nyika yeneiyo n'khayikhali, ²⁵ ingakhala nyumba inango ida gwatiwa ibodzibodziyo, nyumba yeneiyo n'khayikhali. ²⁶ Ndipo kana Sathani angabzvimukira payekha, aci gayiwa, ankhalalini, ndipo ina kumala. ²⁷ Palibe aniba bzvinthu bzva wakhudikana, panga pindiwa pa nyumba pace, pakuyamba angasaiya ku mumanga ule nya kudikana; kubuda popo kubha nyumba yace. ²⁸ Mwa cadidi ninkhu bvunzani kuti wentse wanhakutaza wana lekererelha kwa wana wa wanthu, na yentse manyazo kuti wananyaza; ²⁹ ndipo ule anza nyaza n'zimu wa kucena anzakhala alibe malekerero kwenda na kwenda; kunja kwa bzvobzvi, anzakhala nya thangwe la zvitazo kwenda na kwenda. ³⁰ Ndipo wakhalonga: ''wuyi ana m'zimu wa kuipa''. ³¹ Napopo wadafika kuna mayiwace na wabale wace; pakhali iye kunja, wada dza mucemeresa. ³² N'thinthi ukhada khala mu khundu mwace. andipo wadamubvun'za: Ndipo mai wako na wabaliwako, na wabaliwako wacikadzi wali panja wali kukusaga. ³³ Iye adadzawataira: mbani mai wangu? na wabaliwangu? ³⁴ Ndipo, acidingisa mu khundu mwa wale wakadakhala paduze pace, adalonga: mai wangu na wabalewangu walipano. ³⁵ ule ambayita kuda kwa mulungu, ndiye mai wangu na, bale wangu, bale wacikadzi, na mai wangu.