¹ Iyi ndiyo mpharidzo ya kutoma ya Jezu Krixtu, Mwana wa Mulungu. ² Ninga bzidanembiwa m'bukhu la muprofita Izaia: '' Kweneko ndiri kutumira ntumi wangu patsogolo pa khope yako, iye ana khonzekera njira yako. ³ Fala la mun'thu lida cemera ku tsanga: ' Khonzekerani njira ya Mbuya, citani njira zanu zitambalale'''; ⁴ Juwau abwera, kudzababatiza ku tsanga adakonzekera bhatijimo ya kukhumbula kuti ulekerere kuphonya. ⁵ Centse cigawo ca ku Judeya na wakhali wentse wa ku Jeruzalee adabwera kuna iye. Iwo wada batiziwa naye munkulo wa Jordan, waxipupula kuphonya kwawo. ⁶ Jowau akhadabvala nguwo za makanda ya kamelo, na nceka wa khanda m'khundu khundu mwa khundu yace, wakhadya makhumbidzi na uci bwa mu'tsanga. ⁷ Iye adakhonzekera acilonga: '' Alipo alibwera manduli mwangu, iye ngwamphanvu ikulu kupita inepano, ndipo ine ndilibe kubvimiziwa kugodama kuti ndi phuthumule tsapato zako. ⁸ Ine ndakubabatizani na madzi, apo iye anzababatiza na zimu wa kucena''. ⁹ Bzidacitika kuti, tsiku zozire, Jezu adabwera kucokera ku Nazare ya Galeliya adabatiziwa na Juwau mu nkulo wa Jordan. ¹⁰ Pace Jezu adadabuda m'madzi, Iye adawona denga licifunguka ndipo mweya wa kucena ucincin'tha kuna iye ninga njiwa. ¹¹ Fala libodzi lidabuda kudenga: '' Iwe ndiwe Mwanangu omwe nimbada. Ine ndina pfanso ukulu kuna iwe''. ¹² Na penepo Mweya udabudisa aciyendanaye kutsanga nakucimbiza. ¹³ Iye adakhala mu tsanga, acimala tsiku makumi manayi, aciyezeriwa na Sathani. Iye akhana bzirombo bza thengo na ngirozi zikhawapasira. ¹⁴ Pomwe Jowau adayenda nkadheyiya, Jezu adabwera ku Galeliya, acipadza vangeri la Mulungu, ¹⁵ aciti: ''Nthawe nji tali, umambo wa Mulungu uli pafupi. Khumbulani kuti mupinde mu vangeri''. ¹⁶ Acifamba pafupi na nyanza ya Galileya, Iye adawona Simawu na Andre, balewace Simawu acithusa bwazi munyanza, thangwe wakhali wa wanyakumedza tsomba. ¹⁷ Jezu adati: '' Bwerani, nditewereni, Inepano ninkucitani kuti mukhale wamuna wasodzi''. ¹⁸ Nakukulumiza wasiya bwazi wacitewera. ¹⁹ Na tenepoyio, Jezu aciyenda kutsogolo, adawona Tiyago, mwana wa Zebedeu, ndipo Jowau, bale wace; iwo wakhali m'mwadiya wacidonza bwazi. ²⁰ Adawathanidza, ndipo wadasiya payi wace, Zebedeu, na anyabasa mu mwadiya, aciwatewera. ²¹ Wadapinda mu Kafarnaum, mu Sabbath Jezu adapinda mu Sinagoga aciwapfuzisa . ²² Iwo wadapfansa na kupfunzisiwa, thangwe Iye akhawapfunzisa ninga wan'thu omwe ana utongi sikuti ninga wa nembi. ²³ Pamwepo, mu sinagoga, mwmuna bodzi omwe akhana zimu wa kuyipa akhakuwa aciti: ²⁴ ''Tinanyi ifepano nayiwepo, Jezu wa Nazare? Wabwera kudzatipfudza? Inepano ndkudziwa kuti ndiwe yani. Iwe ndiwe mupswene wa Mulungu!''. ²⁵ Jezu adalonga kuna mizimu ya kuyipa aciti: '' Unyamale, buda kuna iyeyu''. ²⁶ Cizimu nca kuyipa cidamoga patsi, cixibuda kuna iye. ²⁷ Wan'thu wentse bzidawadabwisa na kubvunzana bodzi na bodzi: '' Ncanyi coxi? Ni pfunzo libodzi la utongi? Iye ambatonga bzizimu bza kuyipa mpaka kubula, icibva''. ²⁸ Nakanklumize nkhani yadzabveka ku mbuto etse ya Galileya. ²⁹ Watakabuda mu sinagoga, wadayenda ku muyi wa Simawu na kwa Andre, na Tiyago na Jowau. ³⁰ Mabzala wa Simawu akhada gona na kufesuka. Natepo iwo wadawuza Jezu thangwe ra iye. ³¹ Iye adabwera, adaphata djanja lace, acim'musa; maferu yada musiya ndipo iye adatoma kuwasenzera. ³² Pace kwadzadoka, pomwe dzuwa likhadamira, iwo wadabweresera wetse womwe wakhadwala na wanyabzizimu bza kuyipa. ³³ Zinda wetse udagwezekena pam'suwo. ³⁴ Iye adalapa wajinji watenda wakusiyana-siyana, acithontha mizimu ya kuyipa. Manji alibe kusiya kuti bzimizumu bzilonge, thangwe iwo wakhabzidziwa. ³⁵ Iye adacimbiza kumuka, napo kukana dima; adayenda ku mbuto ya ekha acikanamata. ³⁶ Simawu na wingo womwe akhanawo adapsaga. ³⁷ Iwo wadagumana, wacim'bvunza: ''Wentse wali kupsaga Iwepo''. ³⁸ Iye adam'bvunza: ''Mbatendeni kumbuto zinango, ku mizinda ya pafupi, kuti Ine ndinamatembo. Ndibzo bzangu ndabwera kudzacita kuno.'' ³⁹ Iye adayenda ku Galeliya kwetse, acipalidza na usinagoga bwace na xosa mizumi ya kuyipa. ⁴⁰ Bodzi nyamapere adabwera kwa Iye acim'dandawulira na kugodama. Iye adabvunza Jezu aciti: ''Iwepo ungafuna, ungabzicenese''. ⁴¹ Nakuphatiwa na Jezu, adafuthula djanja acim'uza: '' Ine ndikuda. Ukhale wakucena.'' ⁴² Mwakankulumize mapere yadamala ndipo adzakhala wakucena. ⁴³ Jezu adam'cenjeza na kumuyeruza, acimuwuza kuti ayende, ⁴⁴ adabvunza: ''Ona, leka kubvunza mun'thu, manji ndoko ukabzilatize kuna wanyatsembe ukulatize kucena kwako ninga bzatuma Mozeji, ninga mboni kuna imwe''. ⁴⁵ Manji iye adabula na kutangaletu ku mwaza nkhani, bzomwe bzidacitisa kuti Jezu aleke kupita na kupfansa mu zinda. Iye adzakakhala ku mbuto yomwe ikhalibe wan'thu, maji wan'thu wakhamutewera mbuto zetse.