¹ Nakon fesan pae. Karu katol. Kinou pol apak se nasum maling se yesu kristo, tai genou timoti asong ui ne wesien. ² Plak apphia tai nematu gante, plak archippus ntamol ne fekal, ru mae seisei se nasum gamus. ³ E, pak se kang me temat neg Atua mam plak Yesu Kristo, geksot kante. ⁴ Senapong ato til ta ki Atua se loten ginou tolu kamus. ⁵ Kinou arngo ne seralesoken nag pak se Yesu Kristo plak smen kag e ke kuto mari toklos ntamol tap. ⁶ Kinou alot raki peteieien ne seralesoken nag gepo gekerkerei, te papo legki ataien eke epur ki senaleo ui e tulegki se Yesu. Kinou alegki semsem euaru se spen kag e ke eui, naftuan nag, pon ntamol tap neg Atua ru semsem se sefe kut gali, tai. ⁸ Namoran fau ginou, mousan Kinou, Kinou agmene ne pakti mtag ne pagorous Yesu se fesan nega ke papog mari. ⁹ Totur se sup neg Atua, ato pes pag se kamus, Kinou pol, kat pi teui, ntamol fegal neg Yesu kristo.. ¹⁰ Kinou atomar fesan tolu kua kinou onesimus, kinou api mam nega. ¹¹ Tuea Onesimus emasa mar nauesiaen skot kamus plak kinou. ¹² Kinou atpeki nega emea pis kamus, Kinou agmenuaru nega se pogui kinou. ¹³ Efual nega eskot kinou nag getapuel lefen kang nigra atok se nasum maling raki nauesean neg Yesu Kristo. ¹⁴ Atimgene nag ngamar kerkerei ki ne mari tefla, pa mar nauesien se namroan nag efuel kutimene nag pa torog se kinou. Agpog masa potsok nega. ¹⁵ Nigrane nega kit pafserser ki kang se malsarik, me agmene nag pamer potlifak kinega nag eskotik se senapong. ¹⁶ Nigrane nega kitipei faria; me kitol ntmol faria; epei tai ui gante. Kinou agmenuiki nega; te kang; tunomser pi ntamol neg Atua. ¹⁷ Ningrane ku pis kinou na kante toru pei tai ui; agmene nag pa mer potlifak kinega meipak se nasum nag tefla ke kumar kinou ki. ¹⁸ Efuel nega emar lomtun eke egpomer lifak ki tu kang; pakse arun kinou. Kinou; pol; amtir fesan e ke arun kinou. v ¹⁹ Kinou agpo lifak ki tu kang ; me pa titolua ne ku legki lomtun nag papo tu kinou ki. ²⁰ Tai; pamar kinou galegki lomtun tur se kang se Atua; pamar pon kinou getok se Yesu Kristo. ²¹ Kinou atokasu se takirogen nang; tur se kang se Atua; pamar pon kinou ngetok se Yesu Kristo. ²² Se mal paskei; pamar soksok naor eskei kenou esum nag;se loten kinou agpomer lefak ki tu kang. ²³ Epafras; ntamol tok nasum maling skot kinou kat Yesu Kristo. ²⁴ Mak;Aristakas; Dema; Luk; ruto mar nauesien skot kinou;rumene til E ki kang. ²⁵ Agmene tili nag suk neg Yesu kristo eskotik. Amen.