¹ Iut epei ntamol ekie etomar wesien neg iesu kristo. Nega tai neg Iemis. Pak se ntamol eke ru pei sor, bae se tomien neg Atua mam totur se Iesu Kristo. ² Fsauen te temat plak tomien, ge po waru pak se kang, fesoksok kag ne papo mar kerkerei, senapong raki seralesok en. ³ Tai tomien ginou rig raki atotolu markerkereien nag to mtir tu kag tiusus mutenneg Yesu. Senapong raki serlesok en eke kulegki tuei pae se ntamol tap neg atlaken kante. ⁴ Se tite ntamol e kie rukut kus kusk sil skotik, Se toue ne ntamol ekie sog neg naot kit laor, Raki fespeten. Ru pei ntamol kie ru pi ntamol tap, Se neger rukut tmer rer kat pak Emae ki fsauien neg Atua gante pak se namroan neg ntamol kie epei suanen toklos naot eskei mas ke epei Yesu Kristo. ⁵ Rig rane amen waru kikag na ga mer tik kag ki ne tuei ku pei tae wiki ne naot emut ntamol rumel mei se tokon ne nafit me etaken kene te Atua epo mar finfin ntamol e kie rut mti mene seralesok. ⁶ Plak agel eke ke rukut ti tu se onene kerkerei en meruku titu se onenekerkeren me rukut tor one mar soksok en neger Atua kit tror rutok ekop se matepafat tumoutu se oneke epei one malgolig raki fespeten se aleti pur. ⁷ Te epkaskei se sodom me gomorra. Plag tok pei kot ekie ru lifak goro ru tmer tu Namolin neger pak se fofolen Nanuei me nematu. ⁸ Me epkaskei se napu skei mase Ntambol e ru to pis pere te ru to tmer folfol sa ki namolin neger. Re timene Kerkereien me ru gerei ki one rerem. ⁹ Me maikel angel e ke epei poun agel pikot Rigra ke, Eto pes maet ki satan te eto pes pli plak satan raki namolin moses. Me etimar fekal plak fespeten pak se satan, Metik satan ki Atua ge po pes sa ki kag. ¹⁰ Me ntamol folfol sae kie ruto mar loe ke esa me neger ruti atae wiki, ru wel lomol ekie ruti atae lowi te lo esa. Lkie ruti atae soksok wiki me eto mar pinir te eto mar sakir. ¹¹ Maten etok rakir, ruto siuer se orate neg cain te ru krous cain te rukut kon tokse folfolen saneg Balam raki rug leg ki mane, Me rug po mat se fekal neg Korah. ¹² Ntamol e ru pei Ntamol sa ru ragrago wel kirkir les se orate ne lafet ne tomien me lafet e plak leon sa, ntamol ekie ru legor neger mas ke ruto tmer pgor. Ru wel taen katilang etik ki us. Lang esisi se epei mal ne nekas ru tou es me rutiki wan neger. Ru mat rigre eru rkatir. ¹³ Ru wel nao eke eatae mar sasakir se folfolen sa neger. Ru wel masei kie elolo etki merem emaling Etumoutu. ¹⁴ Enok koa kalaru neg Adam etik neger ki etli tefla na kug leo pon te po ne ntamol tap. ¹⁵ Nega kit to mei ne ge ptuki pespeten ntamol pikot nega ge mei marsaki ntamol sa, plak wesien sa neger se napu eti tap te plak fesan neger. ¹⁶ Ntamol ru to mar fesan kerkerei te ru pei ntamol fessasa ki ntamol korous namroan sa neger. ¹⁷ Me kamus ntamol tomien ginou ku tolu soksok fesan kie ru pe tli tuei Nafkou neg Yesu kristo. ¹⁸ Ru tik mus ki na rigrepei ge po legki ntamol sa rug po korous namroan sa neger. ¹⁹ Epei ntamol ekie ru mar tapoten ru pei ntamol ne emrmen ru ti legki naten. ²⁰ Me lotomien ginou ku tfag kamus blak seralesoken ekie etap te kulot ki naten tap. ²¹ Kug pogor mus ki tomien neg Atua te kug turaki bsauien neg Naot Yesu kristo ke ge po nag tap mouren tumoutu. ²² Pafei psaui en pak se lokeru toput. ²³ Ba mut ntamol pet te pa fotluer rung mel se nekap pak se ntamol pet te pa fei ki nafsauien blak metaku te nikal eke epi tapar ne namolin ntamol. ²⁴ Rirane bak se eskei eatae pot sok kag se roen te gepo marik pa tulen toklos merem plak kerkerein ne ge legor tuei te maes te etumotu. ²⁵ Pakse atua skeimou mutien totur se yesu kristo naot gante ske gen ge fak elang elegki wan te ekop, te kerkerien peki senapog mas te etumou tu amen.