¹ Pol natamol weswes nig Yesu Kristo, go palun Timothy. Nafsan negar ipak Filimon nen ipi asel wi, go teweswes iskei. ² Go korer nen nagien Apia, go ibak Akibas nen ipi natamol nafkal, go pak nasumtap nen ruto saisei emrom nasum negag. ³ Iwi nanromien go nt'mat nig Atua nen ipi apap go Yesu Kristo kefo skot mus. ⁴ Sermal ato psawi ki Atua , malen a til sei mus nalotwen neu. ⁵ Nlaken anrog nfafatwen nen akam upiatlaken toklos Yesu Kristo, go nanromien nen upiatlaken toklos ser natamol. ⁶ A lot nag naweluan nig nfafatwen gamus, me kefo piatlak nakerkraian, go kafo pi atlak nametmatuan pur nig sernale wi totur Yesu Kristo. ⁷ Go kinew api atlak nasemsemwen pur, go nt'mat, nlaken kin akam, go nanromien nlaken kin nap Atua, pak natamol nen rupi namer nega go namroan negar i m'alm'al. ⁸ Nlaken nalekoron ito etan namermran nen Atua itao ito naruk, kinew me api atlak nafsan nen ka nrik mus kin, ko nafte kin ko fregi. ⁹ Go nlaken nanromien, amur ka tli teflan kinew Pol nen ato nasum malik kaipe pi tiawi. ¹⁰ Amur ka nrik sei mus ki nagi tesa neu nen. Nagien ipi Onesimas, nen ga me ito nra nen kin atkos mai. Nega me apo lekoros selwan atok nasum malik. ¹¹ Ga ipi natamol nen malpei ito emae ki nawesien, nig Atua, me malfanen imai pak meltig ki namer weswes, nen ipi ag go kinew. ¹² kinew kin atpolua inet nlaken i weswes meltig ki kinew, go ipi nakpok. ¹³ Go aleka nag if mer skot wow tok, nega kefo tae welu wow, malfanen kis ato nasumalik, kat nawesien nig Yesu Kristo. ¹⁴ Me atap mur kafrig tenmatun mau, ifuel kin akam utato mao. A tap mus nafolflon wi negamus go ke fi nawesien nen ke fregi, me ke fi nafolflon skot nasemsemwen. ¹⁵ Nlaken malfanen ga ita to mao. Ito tete naor me tetemal ke fo mer ler mai skot mus, go kefo skot mus sermal. ¹⁶ Ita pi tetwei mao kefo mai pi natamol weswes, me kefo mai tol ser natamol nen ruto weswes. Ga me imer pi paluk nen anromi i top. Me imer top pak mus u tol totur nra go totur atlakikit. ¹⁷ Go ifwel ku mur kinew taos aslam, iwi nag nega me pa fatlasi taos kinew. ¹⁸ Ifwel kin ipreg tenmatun nen itap leg mau, ko if wes tenmatun negag, pa fnaus nen kinew me kafo to wi wes. ¹⁹ Kinew Pol kin a makir natus nen, go kinew kin me kafo mer paktofi ke ler. Ata na katli nag pa tau kin keler mau, me raki ag nen pa tmom pueti ke ler. ²⁰ Iwi paluk. iwi nag kafiatlak tete nmatun nen ku pi atlaken totur Yesu Kristo amur pa freng nap wow ke mer ler faum totur Yesu Kristo. ²¹ Pa fiatlak namroan kerkrai toklos nfafatwen negag. Ato tli teflan, me atae nag ag pafo pregi ketol nafte, kin a nrik ag kin. ²² Me apo paus kin nen pa fring ptaki namle keskei raki fei kin kefo mai pakor. Nlaken totur nalotwen kinew kafo tae ler mai lek mus. ²³ Paluk nen nagien ipi Epafras, nega me ipo to nasum malik skot kinew, nga me ipo murin patlas mus ki nagi Yesu Kristo. ²⁴ ipi toskei ki Mak, aristakas, Dimas go Luk ngar me rubo pi teweswes nig Yesu Kristo, nen ru taos kinew. ²⁵ nanromien go ntpat nig Yesu Kristo kefo skot mus, skot nakerkraian nig naten tap Amen.