¹ Tesa ko nrog perkat tem go rait mus ipi nafsan nig Atua. ² Kofak etan ki tem go rait, tenen ipi nanriksoksok wen pei.Go Naurslawen top nega. ³ Go pa fo piatlak namolien pram emeromen nen ⁴ Apap patap pol kerkrai ki tesa nen itae mael mau.Iwi nag pa fusosok tesa ki nafsan wi ni Atua. ⁵ Te weswes top, panrog perkat nale naot gag taus namolin go nfaketanwen go namtakwen, plak natilmorian nig napom.pa nrong perkati ke taosi pa nrog perkat Yesu Christo. ⁶ Pa tap pi lesok mas mau nlaken kin telekor itok mag wok reki nen ku nag pa fregi ke semsem.Me tuk weswes taos te weswes ni Yesu Christo taus namurien nig atlakekit ki napom ke mau. ⁷ Pa weswes skot napom kemaui taosi kin ku tok nig Atlakekit weswes. ⁸ Nlaken tu tae nag sef nauesien wi kin tu tok weswes kin tuk fo piatlak nafuswen nig Atlakekit nametpagon nig nawesien sikskei nega kit taos te nafit ko te tupal. ⁹ Nafet te lekor ko lekor ptaki tenafit pitoskei.Ko tap folfol makalkel kir mau. Ag ku tae nag telekor negar go negag i patok elangsau go nega ga i len usrek. ¹⁰ Nametpagon tuk fo mai kerkrai etan namermran nig Atlakekit skot nauian nega. ¹¹ Pa kal ki silu nkal nafkal tlasi nen kin ka te krakpong nafet na kraksoksokien nig te wal potae. ¹² nafkal negakit i tap pi nafkal nig nafsik go nra mau, me nafkal skot telekor skot te paklag ne ru piatlak nakerkraian ni nmaten sa nig nmalko nen ru ntok ur nsau elag. ¹³ Pa fo kal ki nakal nig nafkal ni atlakekit nen kin pafo tae patlas mal nig nanrogtesan.Tkal mal ne pafo lao potut. ¹⁴ Pa tuleg kerkrai go pa tumom fif ki nmalom ki naplai nig natilmorian,nlaken kaipe kal ki nakal nen ipi toskei nakal nig nafkal. ¹⁵ Go natuom ke fa nakraksoksokien nig nmarakan neu ke til sei nanrognrogon ni intamat. ¹⁶ Totur sermal nig namolien pa fo sik nafafatwen reki nen pafo tae krakpun nafet timen sor ni naten sa ¹⁷ Pa slat pulpou nig nafkal nig namolien faum go lof nig naten tap,kin ipi nafsan nig Atlakekit. ¹⁸ Go iskot ser nafausien reki nalotwen, sermal ko lot skot naten tap, nametpag nafkal negag pa tumom leperkatik sermal selwan ku tok mrosok ser namer tap nig Atua ki nalotuen ¹⁹ Go ko nigneu lot nag tete nafsan nig nametmatuan i tae mai pi te nigneu seluan au mag nakanrok nen ka fes. ²⁰ Ipi nanrogonwi ni Yesu kristo nen kin kineu taos te weswes nig Yesu, atok klapus me ka mas tap mtak nen ka tilsei mau taus teplan nen a murin nag ka tli. ²¹ tikikas, ta te nanromien go te weswes sralesok nig Atlakekit, kefo nriksei mus ki telap teplan go kofo nomser tae natokwen nig neu. ²² Kai pe tpekin i net pak mus reki tenperkati nen akam kofo tae natokwen nigmam go reki ne nega me kefo tae sger mus ki nafsan soksok nig namolien. ²³ Imtamat pak nafet tai skot nanromien nig nasralesokon nen itok Atua temen go Atlakekit Yesu Kristo. ²⁴ Nanromien nig Atlakekit skot silu tenen ru nrom Iesu Kristo nanromien tu mau tu.