¹ Kinew Pol abi te wesews nig Yesu kristo totur nanromien nig Atua, Amurin saof mus te weswes nig Efeso, Nen u fafat Yesu Kristo. ² Nanromien nig Atua go nt'mat nig Yesu Kristo kefo skot mus. ³ Iwi nen Atua nag ipi apap nig Yesu Kristo nagien kefak elag,Nega i psawi ki kit ki nafsawian tab nega nag itok elagsau mai, Esan kin Yesu Kristo i tkos. ⁴ Atua i mtalu ser natamol malen i kaimes ki emermen nen. Go imurin nag tuk tap go tuk tik ki takpar. Me tuk tok etan nanromien nig Yesu Kristo. ⁵ Tetwei perkati nega kipe mtalu kit, Imurin nag tuk mai pi tesa nega totur Yesu Kristo.Tenen ipi namroan nega go nega me i semsem nen kemai teflan. ⁶ Nega i welu kit totur nanin Yesu Kristo nen i nromi itop. ⁷ Totur nra Yesu Kristo. Atua i preg tenen ru skot Yesu.Takpar negar, Yesu ki be metpakro totur nanromien nega. ⁸ Me totur nanromien nega, imer tu kit ki nametmatuan go nanromien. ⁹ Atua i semsem nen ke fei ki kit ki nawesien nen tetwei ipi nawesien nen ikus, Me kipe pi namroptakien nega, Nen kefo pregi ke fakor totur Yesu Kristo. ¹⁰ Me kefo preg namroan nega ke fakor mal leg knen, Nlaken imurina namroan nen kin i weswes kin ruk mai pak naor keskei. Go ser nawesien nen ruto elagsau go emermen ruk mai tok etan namermran nig Yesu Kristo. ¹¹ Malen Atua ipreg namroan nen Yesu Kristo imai skoti namroan, Go imtalu mam tesa nig israel go Atua i to preg nawesien taos namroan nega. ¹² Go ru tli nag komam upi tepei nen upus namroan nigmam ito Yesu Kristo, go imer wi nag ko sik nagien kefak elag. ¹³ Me imer wi nen akam nen uta pi nametrau nig Israel mau, Atua me i mtalu mus nen tukfi teweswes nega, go itao naten tap nega imai, nen ke welu. ¹⁴ Nlaken kin naten tap nen imai skot kit, akit me tuk fo tae nawesien nen Atua imur ke nrik kit kin,go selwan kin tu tae,sermal tukfo tok sik nagien kefak elag. ¹⁵ Nlaken kin iteflan, sermal nalotwen neu, kafo to lot mroberkat mus, go kafo to psawi ki Atua, nlaken kin akam.Atli teflan nlaken anrogo nag akam me upo fafat Yesu Kristo,nen kin ipi naot negakit, go ipregi akam me upo nrom ser natamol. Ipregi tkal mes ato lot mroki mus. ¹⁶ Kineu ata pnut nen ka fsawi ki Atua mau nlaken kin akam, go teflan kin ato tli nalotwen neu. ¹⁷ Ato lot nag Atua nag ipi apap ni Yesu Kristo,go nag ipi apap ni nlaun elag, ke tumus naten ni nametmatuan go teflan u tae lele go namroan wi nen nega kefo tumus kin. ¹⁸ Sermal ato lot nag nakp wi nega kefo seltae, nag ag kutae nag ga kipe sosok go nawian lap nag itok elag tron tap nega ke fo tu mus kin nen upi nagmer iwi nega. ¹⁹ Go nalotwen nig neu me apo to lot nen ag me pa tae nakerkraian nega nen itop go itop go ito weswes nagmolien sikskei nega kit nag tuk fafat wes. ²⁰ Tenen ipi tete nakerkraian nen tu tli teflan ipreg Yesu imer tuleg emat go ipan skoti nlaun tap nega elag. ²¹ Go nagi Yesu ipak elag, imer tol agel go tenen kin me ru pi telekor nen nagier me ipak elag. Yesu Kristo kefo lekor, itapi mes gmas mau me naliati lap nen kefo mai. ²² Atua kipe pus sernale lap ru mai pak etan natu Yesu, go ipreg nega imai pi m'pau nasumtap nen kefo lekor sernale lap. ²³ Nasumtap ipi Yesu Kristo go ipi nega gmas nen kefo to mes go itu tu kai tu mau tu.