¹ Pol, iyi neteme nompurak eni Yesu Kristu, im iyi afenhai Timoti, im pogi Philimon, ravughaime im aven nduru. ² Im nandu vevent kam Aphia, im pogi Archippus hai neteme nehitu, im pogi ovon nimo tompor mori umavtit unisog ra temne. ³ Nelitongi enyau ponok im nenparata marogi Novu itment im Yesu Kristu. ⁴ Yau dansu yakamanui kompalogi ra Novu enyau nepigon yakamanuatompne kik unisog ra novaki su enyau. ⁵ Ra yaumorgi naringi tavniri kimbai be pogi Yesu kristu im nelintogi kim bai neskon ovoteme tompor eni. ⁶ Yakamnofuaki memanku utuwi ovon tavniri, ambesog nimsin kambai taru ogi omsame armai ra Yesu. ⁷ Yam pai navos im kemnavoryau gi nelintogi horom, ra patmonuk eni Novu pogi ovoteme tompor eni mori ametogi pogi avughai. ⁸ Mopi, yam bai torogat ra Narisak woretipi se kik konompi. ⁹ Ko amantelap ra nelintogi, yau yamaprokik, ko yau Paul, paul hai netetalam, im marima hai neteme ndomo eni Yesu Kristu. ¹⁰ Yamaprokik hogku hai nitug Onesitu, mori kik kimpelom nate en yau ra nimo nogkongko. ¹¹ Ra hai ndan iyi itrogsisat ko marima iyi aremaives niskom im niskun . ¹² yam tamule tolki bonok iyi more ra patmonuk enyau. ¹³ yamnakyongi naku kavinte iyi nandu nimsin iyi avinteyau niskom ndan yamate ra nimo nongkongko ogi nam navosavos. ¹⁴ Ko yau yametwayogi nompi hai sesi naku tawi hai taru enogkik. ¹⁵ Nigoi hongu ndrumotavor ra hai ndre, nimsin kambai iyi torilkik ndorwi. ¹⁶ Tawi tantop iyi ampelom hai tankou, ko momu armai ra talow, sai avug hai, iyi avan wokon enyau, im momu neskom, ra nduru su ra noklesiram im Yesu. ¹⁷ Nimsin kampai yau ogu hai abmu, kambai iyi ogu yau. ¹⁸ Nagku iyi ombai ur iram ku ofai hai sesei, kantipe ra nign. ¹⁹ Yau Pol, yanetai netai gi norong. yau wokon yapasi torelki metwan magu kik kovai yau ogu kik be kik. ²⁰ oi avng hai, tenimpe yau bahai mambe ra nin eni Yesu, ovutolki patmonuk ra Yesu. ²¹ Taru horom ndmo gi nalolki, yanetai ponok. yamakili magku konompi momu ra eteme yotukili. ²² Ra nepkon ndan ima, tavestvest gi hai silvuk enyau, ra yamentavniri gi nofwaki horom ma umentorilki ponok. ²³ Ephris, hai nduru ndomo eni Yesu Kristu, nevtit armai nantun. ²⁴ Im Mak, Arstachus, Demas, im Luk neteme nompurak enyau. ²⁵ Ra nelintogi eni Yesu Kristu im naviat tompor ante nantu kik, amen.