¹ Jud iyi lesau eni yesu kristu im avanhai yakopo,pogi iror mori duvrokond ovanian heni Novu itment im wante niskon yesu kristu. ² Im naviat tompor im menilitongi ante dal kimi im nompi eni nivoris ronowi unisong kimi. ³ Nakyogi nempikon yau yaumtapi metai nimsin woramgi nogkugo Novu hamnompi worevinte koh,kou marima yamandgi armai momu yokonetai netai pongkum nimsin worvaisak taru hormi,kou armai momu kwomnavikat domo mavinte nam tanpo. ⁴ kou yau iamandagi nokon ovoteme umanuwali Novu,iror mori tawi ovoteme mori en novu Nduvoli mumopi ovon nompi ur irant ⁵ marima yumem manponk nigoi komokiliusu magku Novu eyowar ra ovoteme ra nur Igip mokini ovragi mori ndur tavniri. ⁶ Hongu, ovon nagelou mori ndutwokasisi vaneteme ihent vaneteme ra torongat, mori duihep nur ihend itrogko. Novu yetipe iror ra nur nogkogko tawi navlutin, ra nelvukat orong nimsin nuriyan ra ntan avni. ⁷ hongu nangelo mori ndu wolkasisi vanneteme ihend ra torong at nduwihep nur ihend itrongko .novu yetipe iror ra nur nongkoko tawi navlutnin ,ra nelkuvat orong nimsin nuriyan ra ndan avni. ⁸ hongu su sotom im kumora im ovon nur orongo makou irror peiror' iror ndmuvonor iror su tandvarpe im satsu eniror im ndumuvinte ovonnompi ur eni ror ndwompi hogu ndaru itvau iolat irand mori umampai ur ra ovon nevselatvi ra nam mori ndomo. ⁹ Ko nempikon maikel mori nanglou nevoris, nempgon ndumawor ndal natmah ra norlesirand moses, woren wi hai nam ur niskon natmah morgu tandvarpe ontalogkik. ¹⁰ Ko ovoteme ma nagku utumagkili nokili wonam ur ra nam, ra se ma. Ra nompi eniror, mori amnompi ovon nurak mori tawi hai ntaru eniror, mori amnompi ovon sayme mori iyi amandgi wokon worompi. Kou nompi ma eniror amagkini iror wokon. ¹¹ tawi armai veh niskon ovon tavsogi dumuri nokugo eni ken mori mampum. ko ra iror dumakyogi veh invat ndmol ra nompi hogukusu Profet palam mori yepmop. wokon dumutapmi worokinior mutuk mumuksisat Novu mori kora yepmompi itetwai. ¹² kou ra ovoteme ma iror ovnurgo mori nomurep eni iror hongku mori nelilingo mori angkili nokili hai sesimongi mori aremai. Ra iror umneni nvang, mum nomonki mutum mnarompro, mumon tavuntant. iror ongu nompaow mi wilyoru amampai mammpelom. Kou tawi nevip. Iror ongu hai mori tawi lap ihen nimsin ampwo kou ra ovoteme umam si, kou mori amamah su. ¹³ Ongu hai ovon nimpiyau domo ra ntok amentet gi nakik im hongu mosi navan Novu osiman hai nevulkvat mori nivorih. ¹⁴ Enok, iyi sukrim ndurugi marogi yemenwi memoku Novu ampelom ndal ovon nalem narwolem ndal ovon nagelou tompor ihen. ¹⁵ Im worurian irand ovoteme owmisu im worompi nuriand navoret irand ra utum mosesie ra Novu. ¹⁶ Kou iror ovoteme ndan su ndu mompi norigsat mum nuri nelasivsien sat eniror umanwi narigi ovoteme ogi nipmi nimsin. ¹⁷ Kou kik yakamnayogi kik veh kontrugi nam mori ra menwi mampu pogi ovon nuriye eni Iesu kristu. ¹⁸ Niempgon narisak ante ndmo im ovon senduekye. Mumnavan ra nelahivien sat eniror. ¹⁹ Im iror mori uman tipe netwavwi, iror ovnurgo tawi naviat. ²⁰ Ko kik, kem nakyogi ete unam umeliwo ra tompor tavniri, im menovwaki gi naviat tompor. ²¹ Ete kikohai gi nelintogi en Novu, im mentetwi nelitongi en avethai Iesu Kristu mori amponok nomurep uvruni. ²² Ko nelintogi ra iror mori tavniri eniror tawi domo. ²³ Avror paipelakiror nom, miror wosesi nelitogi im nemetet magsisat nemah tawi aremai ra nolesirant. ²⁴ Marima pogi hai mori amante worefinte kik ra sompat im mompi kik kantur penuri nilaslaswi, marima tawi save im ogi navosavos nivoris. ²⁵ Ngi Novu saiteven Neyaor enokos ra Iesu Kristu, ompi nilsilaswi, oriokisak nin im kolanwi maku iyi natmonuk mori iyi momu umelwo ra ovon Natmonuk.