¹ Im kik komamah ra ovon satndi im natvaru sat enogkmi. ² Hi ndan kemnavan memnuri nompi ku noungo ra imo nmap, kemamurep memuri namalam horong unai, ma navait mori amnopurak ra ovonian mori utum nalolki nam. ³ Ndan kokimlamurep ndal imo ovteme, amapesong ovon nompi ur ra noklesiran, memanioki pelak ra noklesiran im taru, ko ovonian ra nompi ur, ongu ovoteme omsaku. ⁴ Ko novu iyi nelgkion iyi nelitongi ,ra nelitongi eni nevoris mori amniokos tamas . ⁵ Ndan nempeon kokim lama ra ovon nompi ur enokos, iyi amnopi kokiamlamurep tavsimongi ra narisak-ra nelitongi kemapai nomurep. ⁶ Novu ovaisa ko tavsimongi ndal narisak ,im novou onompi kolantehap tasimongi, unpokup ndal narisak. ⁷ Ra ovon palsi amapelom iyi oksesi pokos ovon nompi armi ngo ra nelitongi osesi nompi armi pongi Yesu Kristu. ⁸ Ra nelitongi kovai nomrueup ngi tavniri, im imo otu velom tovnok, ovelom ra novu. ⁹ Tawi ra nompurak, ra tawi hai ongu iyi. ¹⁰ Ra kos ovon tandgo eni, savi ra Yesu Kristu worompi nompurak armi, mori Novu yetipesu itedwai niskond nimsin kolenopurakngi . ¹¹ Kotarungi maku haindan kimetukili Novu ra nolesiran, kik kemam prongi namon ngi se umamprongi namon,ra nolesiran umnompi ra norun neteme . ¹² Randan ma kik itretwavwi ra Narisak, ovoteme duvelom Isrel mutu muvai nmap, ovon nephpaw mori umatur ra nam nempasiwongi, tawi tavniri maku hai Novu ra imo nmap ¹³ Mampum komlete isut ra Yesu Kristu ko nde eni Yesu ovai ko potpot iyi ra nde eni. ¹⁴ Ra iyi nenparata, iyi yompi nduru ivelom itevan, iyi yokini hai nompi mori ur, ra nvat mori amandur woretvavukos,ra nolerant. ¹⁵ Iyi ivaipelak ovon namalam, ma iyi umesesi hai neteme itvau, ikohai menompi nevaives. ¹⁶ Yesu i vai iror tavsimongi ngi nolesrand iten pongi Novu ra naiumparom, ma tawi ovon same omnurngo. ¹⁷ Yesu ivelom menwatopne nam navosavos ngi nenparata nishom mori umante isut, im nenparata pongi iror mori umante potkok. ¹⁸ Ra yesu kokumampai nari ra naviat tompor itven ra Novu. ¹⁹ Ma marima ovon Lowpelak, tawi momu ovon nehpau, ko iror ovon Nureie, ndal Novu. ²⁰ Kem mete vetunam ra nurie eni Yesu Kristu, ra iyi vetunam. ²¹ Ra iyi nimo oti tavsimongi im metpu pelom nimo tompor ra Yesu. ²² Ra iyi, ma kik ongu kemen teli tavsimongi ongu hai nimo eni Novu ngi Naviate.