Pasal 4
Yesus Mase Nete Wapuyona
1
Nepelrena,Yesus alru melro-melro kilrimbuko pau delre nerote mase nete wapendena.
2
Neperle, ne kuwalri te nekeyone dobe dene daisiyepelre nekepuko, nepelre moning te tuwayonu.
3
Nepelrena, wapi-wapina meyowe Nete wapiyone nepelre Yesus te saniyonu, "We Mang Walri Kena Yei, da olru tenainate ate elruponde piyeuw te dumbonde."
4
Nemane delrati, neye Ate sauku nepelre Ate elriyowe, "Semone melropuko, 'piyeu mona detelro walri nikpai Asna Walri Mang Walri kena emburu.
5
Nepelre, mase dokunelre melro-melro yo delre te yoiye, Mang Walri koti bulrane tambuko.
6
Nepelre, Nete saniyone, "We Mang Walri Kena Yei, wei eute ate kununelre melraipukona kalro tena, wetenate Mang Walri Malaikat-malaikat te sanenempone wete me bulrane dounaiwelre oto alrune kelroisipai. Walri
tena wei eite ate kenunelre meraipekona kalro wetena,Mang Walri kembalri detelro sanenempone wete me bulrane dounai welre oto olriene krosipai.
7
Yesus nete saniyone, dambaitena, semo melraipuko, we Mang Walri tena wapipainya,"
8
Nekoute delrati, mase Yesus te doukunelre meko yalre telrene nepelre kilriyone dayobulrana yo belra-belra nenei moipelre,
9
Nepelre nete saniyone" metelrena mene Wete yateteulre, eute dusungkone dete kapetulruna tenate".
10
Nepelrena, Yesus nete ate saneyone, "Mase baite ewe! meraipukona, "Mang Walri mbeite sane manelre."
11
Nepelrena kaye, mase nete tambuko, nepelre tembe, malaikat - malaikat maiyaye nete dikaimbeko.
Yesus Wanimba Telre Galilea Ne Kembalrite Mekoyowe
12
Nepelrena, nedaine Yesus betopuko Yohanes nepe kelrokaye, ne Galilea te youwe.
13
Nazaret nukumbuko Kapernaum te meyowe nepene nekeyone, Galilea bupuwayene, Zebulon Naftali pelre yekobulrane,
14
Nabi Yesaya kena Akulrung te noute mekombena te:
15
"Zebelon kena kani, nepelre Naftali kena kani, bupuwaiyelrena nipi Yordan disuna sune, Galilea Yahudi kena yeko ambai detelro si kena,
16
nekobulrune nekaina selrai kiya delre te tenaimbone, nepelre detelro yo eine nekaina nepelre tete eine nelrone, ne kiya nepete elrembuko.
17
Nedaine, Yesus Asena Walri te saneyonu nepelre elriyowe, peko nipilre bulrusimbe walri dia nepe nopiyewe.
Yesus Nena Ototouna Memetena Kilrimbei Selreite Simpuko
18
Ne daine Yesus Galilea bupuwaiyelre walre yowe, dokeka beselrei, Simon nete Petrus eidone doyai yene, nepelre Andreas nei dokeka, tangkete budelrene yembiyoine, nepe tangkene kate duwaine.
19
Nepelre dete saniyope, date mepe dete tautepe nepelre de wete detelrote duwaina tangkete dupopete mekotopone."
20
Ne tangkete nepe te timbuko nete taukainelre.
21
Nepelre nedaine, dipelre ditiyaye, ne teyowe dokeka sibe delrati, Yakobus Zebedeus nuwei nepelre Yohanes, nenei dokeka. Ne eine Zebedeus pelre, nei nemang, tangke te poi mekoyaye nepelre ne nete simipuko.
22
Nepelre, eite dane timbuko nenei nemang pelre, nepelre nebe Yesus te taukeinelre.
Yesus Kilri - Kilri Te Kilri Youmu Nepelre Detelro Dopelrete Poi Mekouyomu
23
Yesus Galileane metelrena noute Walriyowe, nena Sinagogene kirilyomu, diya delre Asna Walri te saniyomu, nepelre detelro dopelrete poi mekoyomu, nepelre sabusi-busi tuwayaine nate.
24
Nepelre netena Akulrung kulra walreyowe siriyate metelrena mane. Nepelre, metelrena detelro samekoyai mena te nekoute olrukaiye miyaye, nepelre seraite tuwayaina nena, nepelre maseye beyaimena, alru peko -peko mekoyaimena nepelre mendaina, nepelre neye poite mekoyomu.
25
Detelro dopelre nete taukainelre Galilea lre, Dekapolis, Yerusalem Yudea, nepelre Yordan busulruna.